غزال وشاهر ج 10 والاخير

#غزاله_بفك_الضبع_الجزء_ال19

فيه قمبله في هدومي سبني وامشي يا منزر ابعد علشان خاطري

منزر بصلها بصدمه وقال بدموع..اهدي اطمني انا..انا معاكي مش همشي من غيرك ..

 

شاهر كمان وغزال بقو يبصوو لبعض بزهول وصدمه بس رفعت قال متقلقوش كده…دي قمبله موقوته يعني مش هتنفجر قبل وقتها

 

شاهر قال بغضب…فكلها البتاع ده..هيه ملهاش ذمب قولتلك

 

رفعت ابتسم بسخريه وقال…وانا قولتلك ان الكل هيدفع تمن حيات ابني الي انت حرمتني منو

 

غزال بصت لنور بدموع مكانتش فاهمه حاجه ولا مصدقه ان دي اختها لحد ما غزل قالت بتوتر…اذيك يا غزال..وحشتيني

 

غزال نزلت دموعها زي المطر وقالت…انتي..انتي ازاي عايشه…كنتي فين…وشكلك..شكلك متغير و

 

غزل بصت لشاهر بغضب وقالت…اسألي جوزك عن شكلي…اسأليه

 

غزال بصت لشاهر بدموع وشاهر بص لغزل بقرف وقال…ابشع من الموقف الي احنا فيه…ان انتي طلعتي عايشه…واسؤ عقاب ممكن اتعاقبو في حياتي..اني ارجع اشوفك تاني يا حرمي المصون

 

بقلم… زهرة الربيع

منزر بص لغزل بغضب وقال..اقدر اعرف انتي ازاي عملتي كده ازاي اتجوزتني اصلا وانتي على زمه شخص تاني ومش اي حد ده ابن عمي واخويا انتي لو شطان مش هيطلع منك كل ده

 

غزل بصتلهم بعضب وقالت…لا والله وانتو الي ملايكه ابن عمك ده الي حرقني وانا عايشه وشوه وشي وبسببو حتى اهلي معرفونيش…ده حلال فيه اي شئ ..بالعكس انا كمان مش حاسه انو اخد عقابة كنت بتمنى اشوفه بيموت قدامي

 

شاهر قال بغضب…الي عملتو انا كان جرم في حقك يا غزل هانم مكنتيش تستحقيه يا فاجره ..انا غلطت معاكي يا واطيه

 

غزل لسه هترد غزال قالت بزعيق.. بسسسسسس كفايه بقى اسكتو خالص…انتو حالا هتشرحولي ازاي كل ده حصل من الاول ..لازم تحكولي

 

منزر لسه هيستغل انشغالهم وعايز يقلع سهام الستره الي فيها القمبله بس رجاله رفعتت مسكوه ومنعوه

 

منزر قال بزعيق وهو بيزقهم …اوعي انت وهو اوعي..سبوني مراتي ملهاش ذمب.. الوقت بضيع

 

بس غزال بصت لرفعت بسخريه وقالت..متخافش يا منزر الوقت قدامنا لسه طويل..معني ان الباشا لسه واقف معانا يبقى لسه قدامنا وقت..الناس الي بتأذي وتق*ت*ل من غير ما يهتمو..دول اكتر ناس قلبهم ضعيف وبيخافو على حياتهم

 

رفعت قعد وحط رجل على رجل وقال بابتسامه اعجاب…انتي اكتر واحده بتفهمي هنا وتستاهلي اقولك الي عايزه تعرفيه…اسمعي بقى ياستي…بقى جوزك شاهر باشا..اتجوز اختك عرفي..لان ابوكي رفض يجوزهالو علشان سمعتو الزباله

 

قام شاهر باشا اشترى البيت الجميل ده كعش زوجيه سعيد لعصفورته ..الي هيه غزل هانم اختك

 

كان يتصل بيها وتجيله بعد ما تطلع من البيت باي حجه..ويتقابلو هنا واوقات بياتو كمان …لحد ما ابني المسكين اتورط معاهم

 

شاهر بصلو بغضب وقال..اخرس…..كفايه

 

رفعت كمل وقال بسخريه..كان ابني يجي يقابل اختك المحترمه من وراه..هنا في نفس البيت بتاعو..وعلى سريره والمغفل مكانش عندو علم

 

غزال بصت لاختها بزهول وغزل كانت منزله راسها في الارض

غزال رجعت بصت لشاهر الي كانت الدموع متعلقه في عنيه والغضب هيق*ت*لو وبيبص لرفعت بغل رهيب

 

رفعت كمل وقال…والمشكله بدأت لما في يوم اتفقو انهم يتقابلو وشاهر اجل المعاد..وقتها اختك محبتش ترحع على البيت من غير ما تستفيد اتصلت بابني يجلها ..وهنا بقى شاهر باشا زعل انو اجل معادو مع حببتو وخاف على زعلها فغير رأيو وجيه على البيت

 

شاهر ضم اديه بعصبيه وبص لرفعت بغضب بحرق الكون وقال…قولت… كفايه

 

رفعت ابتسم وكمل باستفزاز وقال..الباشا اول ما دخل الاوضه وشافهم سوا..كرامتو كانت هتق*ت*لو..ازاي واحده زي دي تخوني انا شاهر الضبع وفي بيتي كمان…حس انو هفأ قوي..اما مرتو مقدرتش تستناه يوم واحد واستبدلتو بواحد غيره فورا

 

هنا شاهر اتنرفو وكان هيموت وهجم علي رفعت بس منزر مسكو بقوه وبقي يمنعو بس شاهر كان هيتجنن وبقى يقول..يا حيوان..قولتلك اخرس..اخرس خالص هق*ت*لك هبيتك جمبو انهارده

 

رفعت كان بيبصلو بغضب وكمل ولا هامو وقال…وقتها الحيو،ان جوزك اتجرأ وق*ت*ل ابني الوحيد ويومها..مضى على وثيقه موتو..بايده..يومها بدأ العد التنازلي لايامه الاخيره

 

غزال كانت بتبص لاختها بزهول وصدمه وبتبص لشاهر والدموع الي في عنيه والوجع الي مش قادر يخبيه وبقت تمر قدامها كل الحجج الي اختها كانت تقولها علشان تخرج من البيت وكل المكالمات الي كانت تقفلها بخوف لو حد دخل عليها.. وكل كلام شاهر وكل غضبو منها اتيقنت ان كل كلمه قالها رفعت حقيقه قربت من عزل بدموع وصدمه وقالت..غزل…انتي..انتي صحيح .صحيح عملتي كل ده…انا مستحيل اصدقهم يا غزل..انا اختي متعملش كده…. قولي انتي اتكلمي قولي انهم كدابين.. وانك مش كدن..تما هصدقك ارجوكي اتكلمي

 

غزل نزلت دموعها وودت وشها الناحيه التانيه وهنا غزال حطت اديها على بقها بصدمه وقالت..انتي اختي..انا مش مصدقه..انتي اتجوزتي من ورانا وخنتي جوزك كمان..ليه يا غزل… ليه

 

رفعت قال قاصد يستفز شاهر..اناقولتلك ليه..كل الحكايه ان جوزها مكانش مكفيها بس هو مش قادر يعترف بكده ده حتى لما حرقها والكل عرف فضل يقول انو اغ*ت*ص*بها وحرقها علشان متتكلمش كان بنسبالو الكدبه دي اهون من انو يتقال عليه..مراتو خانتو وقرطستو وطبعا لما الدكتوره قالت ان اختك مش بنت ده ساعدو في كدبتو بس هو معاه حق الصراحه ازاي واحد مراتو تستهيفو كده …تجيب واحد في بيتو وعلى سريره

 

شاهر بقى يزق منزر وعايز يضربو وقال بغصب..انت راجل قد ابويا بس وديني ما هسكتلك اكتر من كده يا واطي

 

غزل قالت بسرعه ودموع..لا..لا انا مش كده..انا مخنتوش بمزاجي…انا..انا اتورطت ..حمزه كان معايا في الجامعه..ووصل لاديه تلفوني..وكانت عليه صور ليا وحجات مع شاهر وكشفني وقال انو هيقول لبابا…وهينشر صوري على النت كمان..كانت حجات مينفعش حد يشوفها..وطلب مني اني ادبر مكان ونتقابل فيه مره واحده وساعتها هيمسح الصور

 

ولما شاهر قالي يومها ارجع على البيت لانو مش هيلحق يجي اتصلت عليه علشان نتفاهم ولما جيه طلبت منو ياخد فلوس ويسبني في حالي ..بس هو اصر ..اننا..اننا غزل بقت تبكي جامد ومقدرتش تكمل وقالت..والله العظيم..والله العظيم ما قصدت اخونك يا شاهر..انا عارفه اني غلطت..انا عارفه اني زبا،له قوي..انا اصلا اتجوزتك علشان فلوسك واسم عيلتك بس انا مكنتش عايزه اخونك هو الي اجبرني

 

شاهر بصلها بغضب ودموع وقال باستحقار..لو كنتي حقيقي مجبره كنتي حكيتيلي..عمري ما كنت هخلي مراتي تتفضح بس انتي استسهلتي انك تقرطسيني استسهلتي انك تدوسي عليا بالجزمه ..مش مهم… مهو مش هيعرف…مهو اهبل سايبني على راحتي

 

غزل قالت بسرعه ودموع..لا لا مش كده ان خوفت انا كنت هبله وخفت منك..خفت تكون بتتسلي ومتعترفش بجوازنا وتسيبو يفضحني خفت على نفسي وعلى اهلي و

 

غزال بصت لها بزهول وقالت بدموع. اهلك…خفتي علينا بجد..ازاي يا غزل..ازاي بعد كل ده ..هو انتي اصلا كنتي عارفه ان عندك اهل

 

رفعت بص في ساعتو وقال…انا مش فاضي للعتاب بتاعكم..اصلا الهانم مفدتنيش في حاجه لما عرفت ان ابني مات وانها لسه عايشه…انقذتها حطيت ج*ثه بدالها وخرجتها وكانت متشوهه وعملتلها عمليات على حسابي علشان شكلها يتغير ومهدتلها الطريق علشان تدخل تخلص عليه بس هيه فاشله في كل حاجه .وبوظتلي خططي كلها علشان كده هيه كمان…هتدفع التمن معاكم

 

غزل قالت بصدمه..انت بتقول ايه..انت ..انت قولتيي اني انا واختي هنخرج من هنا

 

رفعت ضحك بسخريه وقال.. وقتكم معايا كلكم انتهى وبص لرجالتو وقال عارفين هتعملو ايه اول حاجه خدو منهم كل التليفونات

 

وفعلا ابتدى التفتيش بالس*ل*اح واخدو منهم كل تليفوناتهم

 

بقلم…زهرة الربيع

رفعت ..بص لواحد من رجالتو وقال..انت هتعمل الي اتفقنا عليه هنا ..للاسف مش هقدر اخلي شاهر باشا يجرب نار الدنيا قبل ما يتسوي في نار جهنم لان زي ما انتو شايفين البيت مفهوش حاجه تتحرق او النار تمسك فيها بس المهم تخلو مراتو الجميله معاه علشان تفكرو بالذكريات الجميله

 

غزال وشاهر بصو لبعض بقلق وشاهر قال بسرعه..اسمع غزال ملهاش دعوه ..قولتلك ملهاش دعوه

 

بس رفعت ابتسم بسخريه وبص للراجل التاني وقال..وانت..هتاخد منزر بيه ومراتو وتحطهم في القبو الي بعيد عن هنا مترين انت عارفو وتسبهم هناك يتونسو سوا لحد ما تنفجر القمبله ويموتو في احضان بعض اصلا هما مش بيقدرو يعيشو من غير بعض

 

منزر بص لسهام بخوف عليها وهيه بقت تبكي جامد ومنزر شدها لحضنه وقال..بس اهدي ربنا كبير

 

رفعت ضحك وقال..مش قولتلكم..بيموتو في بعض وبص لغزل وقال اما نور القمر..اسف قصدي غزل هانم هتيجي معايا انا… انا مجهز لها موته محترمه هتليق بيها …ومسك غزل من شعرها وخلاها تبص من الشباك وقال..شايفه المبني الجميل الي هناك ده

 

غزل كانت بتتألم من مسكتو وبصت للمكان الي بيشاور عليه وكان برج عالي جدا جدا

 

رفعت ابتسم وقال…انتي بقى هتيجي معايا وتعلميني ازاي الواحد ممك ينط من فوق البرج ده ويفضل عايش يلاا …وشدها بالعافيه وطلع بيها

 

شاهر لسه هيمنعو ويوقفو..بس اتلخبط وخاف لما اتنين من رجاله رفعت اخدو منزر ومراتو بتهديد الس*ل*اح ومنزر بقى يزعق ويقول ..خلي بالك من نفسك يا شاهر..ربنا معاك

 

شاهر نزلت دموعه لانه عارف انو السبب في كل ده.. ولانو مش قادر يعمل لهم حاجه وقال بدموع..محمد رسول الله يا ابن عمي

 

شاهر بص لرجاله رفعت الي ماسكينلهم الس*ل*اح و قال بغضب ودموع…اسمع انت وهو سيبو مراتي تخرج..هيه ملهاش ذمب و

 

شاهر قطع كلامو لما واحد من رجاله رفعت بقى يقفل الشبابيك من بره البيت بقفال بحيث شاهر ميقدرش يفتحهم واتنين ماسكين الس*ل*اح على شاهر وغزال علشان ميتحركوش

 

غزال مسكت في شاهر بخوف ..و رجاله رفعت داسو على جهاز في اديهم وبدأت كل فتحات التهويه تخرج غاز بشع يخنق والريحه ملت المكان وخرجو وقفلو عليهم الباب ووووووو

 

#_الجزء_قبل_الاخير 😉

بدأت ريحه الغاز تخنقها مسكت في شاهر بخوف ورعب وقالت وهيه بتترعش .شاهر هو… هو احنا مش هنعرف نخرج من هنا تاني صح… احنا خلاص هنموت مش كده

 

شاهر بصلها بدموع وقال..لا..لا انشاء الله لا …هنطلع…خليكي واثقه فيا..تمام مش هخليكي تموتي في حاجه ملكيش ذمب فيها يا غزال…انا هطلعك متخافيش

 

غزال حضنتو بقوه وقالت بدموع..عارف رغم الموقف الي احنا فيه لاكن مبسوطه اوي…كنت متأكده انك مش بالشكل الي رسمتو قدامي مش انت الوحش الي يغت،صب ويق*ت*ل كنت متأكده انك متأذيش من غير سبب انا اسفه يا شاهر…اسفه قوي انا بجد..مش عارفه اقولك ايه..انا حاسه اني ظلمتك زيها واكتر سامحني

 

شاهر شدها لحضنه اكتروقال..انا كمان غلطت معاكي… خبيت الي حصل وسبتك تتعذبي انتي ملكيش ذمب في حاجه اي واحده مكانك كانت لازم هتكرهني..عارفه رغم الغضب الي جوايا ناحيه اختك..بس مبسوط انها لسه عايشه..علشانك يا غزال..علشان مهما كان هيه اختك..مبسوط انها مماتتش على ايدي.. وطلعها من حضنه وقال بمرح مصتنع..بقولك..ايه انا مش عايز اموت دلوقتي… خلينا نطلع من هنا ونبقى نحضن بره بقى

 

غزال ضحكت وضربتو في كتفه بخفه وقالت..ده على اساس انك هتعرف تعمل حاجه يعني

 

شاهر بص لها وقال بثقه..طبعا هعمل ..انتي مع شاهر الضبع..يعني ٣ حجات معرفش عنهم حاجه .اولا اليأس..وثانيا..الاستسلام وثالثا..الباب ده ممكن يتفتح ازاي

 

بقلم…زهرة الربيع

غزال ضحكت وقالت…لا فيه حاجه رابعه انا متأكده انك متعرفهاش..والي هيه ان الاكسجين ابتدي يخلص وانت قاعد بتهزر

 

اما منزر رجاله رفعت رموه هو وسهام في القبو وقفلو بابو وكان باب حديد ضخم ومستحيل يتفتح وفعلا قفلو عليهم ومشيو

 

منزر اول ما مشيو جري على سهام فك اديها وبقى يمشي ايده على وشها وشعرها بلهفه وقال..سهام..انتي كويسه يا قلبي انا معاكي..انا هنا متقلقيش

 

سهام بقت تبكي بقوه وقالت..المصيبه انك هنا….جيت ليه يا منزر..انا مكنتش خايفه على نفسي هنعمل ايه دلوقتي… وبقت تبكي جامد

 

منزر شدها لحضنه وقال..اشش اهدي قولتلك …انا معاكي انا هخرجك اهدي استني ..هشوف فاضل قد ايه وقت

 

وفتح لها البلوزه وبص في المؤقت بحزر ولقا الوقت الي فاضل ٣٥ دقيقه بس

 

منزر بصلها بتوتر..وقال..هنخرج..ان شاء الله هنخرج..٠ انا هحاول افتح الباب

 

منزر قام ولقا عصايه حديد بقى بحاول يضرب بيها الباب بقوه وبرجله

 

سهام كانت بتبصلو بدموع وهيه متأكده ان نهايتهم قربت وبتبكي بشده

 

عند غزل كان رفعت ماسكها من شعرها وبيهددها بالس*ل*اح وبيطلع بيها طوابق المبنى وهيه هتموت من التعب وحتى هو تعب جدا بعد ما طلعو ٦ طوابق على رجليهم وهو لسه مكمل بيها

 

غزل قالت وهيه بتنهج..سبني..حرام..حرام عليك..كفايه…

 

رفعت حط الس*ل*اح في دماغها وقال بغضب وهو بينهج جامد..اشش.. اخرسي..اطلعي وانتي ساكته…وفضل مكمل بيها لحد الدور العاشر ورماها في سطح المبني بقوه وقعد بتعب بيحاول ياخد نفسو

 

غزل كانت نايمه على السطح وبتنهج بتعب ورفعت بصلها بغل وقال…ابني مات بسببك…انتي اول سطر في قصه موتو…واخر سطر كمان…حمزه راح بسبب حضرتك…اخدتيه هناك ليه..كنتي قابليه في اي مكان غير بيت شاهر الضبع ..بس غبيه…غبيه زي ما استغبيتي وهددتيني علشان تنقذي اختك…انتي معاكي كل اسراري والموت هو عقابك الوحيد يلا..نطي من هنا يا غزل

 

غزل بصت للمكان برعب وبلعت ريقها بتوتر شديد لما بصت للمكان وللارتفاع الهايل واتيقنت انها فعلا انتهت المرادي

 

عند حور ووليد كان وليد قاعد بيتفرج على التلفزيون وكانت حور رايحه جايه بقلق على اخوها وابن عمها وعلى سهام وغزال قالت بتوتر..لا الموضوع بقى يقلق بجد…انا هتجنن هيكونو راحو فين لحد دلوقتي وكمان الي اسمها نور دي ليه مش موجوده معقوله يكون لها علاقه بخطف سهام

 

وليد قال..معقوله جدا..هيه مش ضرتها..واكيد بتغير منها..

 

حور قالت بخوف..يعني ايه… معقوله تكون ناويه تموتها

 

وليد قال..معرفش… بس مدام وصلت معاها انها تخطفها يبقى قاصده تبعدها عنو..لان الغيره وحشه وممكن توصلها لدرجه متقدرش تفكر

 

حور قالت بضيق..اممممم.. طبعا انت اكتر واحد عارف الغيره…. ونار الغيره

 

وليد ابتسم لما فهم قصدها وقال ..قصدك ايه

 

حور قالت بضيق…. مقصدش حاجه

 

وليد وقف وقرب منها وشدها عليه وقال وهو ماسكها بتملك..الظاهر ان مش لوحدي الي حسيت بالغيره

 

حور اتوترت وقالت..قصدك ايه..اوعى سبني

 

وليد قال بهمس..قصدي انك مش قادره تخبي..غيرتك عليا..ولا حبك ليا يا حور

 

حور اتفاجأت بكلامو وقالت بتوتر..حبي ليك..انت..انت بتحلم

وليد ابتسم وقال بحب واضح في عيونه..فعلا …واجمل حلم حلمتو في حياتي هو انتي يا حور…وميل علبها وقال بهمس في ودنها…انا بعشقك

 

حور اتسعت عنيها لما كانو هيطلعو من مكانهم وقلبها بيدق بسرعه وقالت…بت..بت ايه

 

وليد قال بهمس قدام سفايفها…قولت بعشقك بموت فيكي يا حور قلبي

 

حور كانت مصدومه ومبسوطه طايره من السعاده ابتسمت بتوتر وعيونها لمعو بدموع الفرحه

 

وليد ابتسم على فرحتها الي مقدرتش تخبيها وقربها منو اكتر ولسه هيبوسها الباب خبط

 

حور بعدت عنو بخضه ووليد مسح على وشو بنرفزه وقال..بقالنا ساعه بنتكلم.. حبكت دلوقتي

 

حور صحكت عليه.. ووليد راح فتح وكانت منى قالت بقلق .وليد يا ابني الجماعه لحد دلوقتي لاحس ولا خبر وعمك راشد مصر يطلع يدور عليهم وانا خايفه عليه

 

وليد قال بسرعه..ينزل فين احنا عارفين هما فين اصلا

 

منى قالت..مهو انا علشان كده قلقانه.. هو مش قادر يستني ومش عارفين نقنعو

 

وليد قال بسرعه..طيب.. طيب اهدي انا هتصرف هاتي حور معاكي

 

وليد قال كده ونزل جري على تحت وكان راشد مصر يطلع يدور عليهم وبيقول…اولادي الاتنين عايزني اهدى ازاي بس هطلع يعني هطلع

 

وليد اتدخل وقال..اهدى يا عمي ..فكر بالعقل حضرتك هتطلع دلوقتي..هتروح على فين..هما اطفال هنادي عليهم بمايك لازم نهدى علشان نعرف نفكر

 

راشد قال بخوف..مش قادر …قلبي واجعني اوي حاسس انهم مش بخير ابدا

 

هناء قالت بدموع…بس وليد معاه حق يا راشد احنا لازم نهدى علشان نفكر… مش عارفه ايه الي بيحصل لنا ده كل يوم ندور على حد ودلوقتي مشيو كلهم علشان نموت بحسرتنا وقعدت وبقت تبكي

 

وليد اتنهد بحزن وقال…وبعدين يا جماعه مش كده بقى…طيب بصو احنا هنستنى نص ساعه كمان لو مجاش اي خبر هنطلع انا وعمي ونبلغ البوليس على طول

 

عند غزال كانت اتخنقت جامد.وبتكح ونفسها ابتدى يتقل وكانت بتبص على شاهر بدموع وكان تعب جدا من كتر ما بيجاول يفتح الباب او الشبابيك حاول كتير بكل الطرق حتى حاول يقفل الفتحات الي بتجيب الغاز او يعرف مصدرها بس مفيش فايده

 

شاهر بصلها بدموع قال بيأس وهو بينهج…مستحيل…. انا الي صممت البيت..ومتأكد انو مستحيل حد يقدر يهرب منو..اصلا سواء الشبابيك او الباب مستحيل يتفتحو

 

نزلت دمعه من عيونه من خوفو عليها واستجمع قوتو وقال…بس انا مش هخليكي تموتي بسبي يا غزال هطلعك اتماسكي شويه.. وفضل مكمل ضرب في الباب بقوه وهو مش قادر يتنفس

 

غزال قربت منو والدموع في عنيها وقالت وهيه بتشهق بخنقه …كفايه يا شاهر ..اتقبل الموضوع…انا..انا فيه حجات لازم الحق اقولك عليها …قبل ما اموت

 

شاهر عيونه اتملو دموع من منظرها ولانو مش قادر يساعدها قال بدموع…اششش… اهدي…متقوليش حاجه الي عايزه تقوليه هسمعو منك بعد مااخرجك يا غزال ..انا هخرجك متقلقيش …وبقى يحاول تاني

 

غزال قالت بزعيق وخنقه …بس بقى كفايه .مفيش فايده من الي بتعمله ده…لو البيت ده كان حد يقدر يطلع منو كانو خرجو غزل والشاب الي معاها لما حرقت البيت…وكملت بدموع..احنا خلاص لازم نتقبل ان دي نهايتنا يا شاهر

 

ونزلت دموعها بغزاره وقالت وانفاسها مخنوقه. اسمعني كويس يا شاهر احنا وقتنا انتهى..وللاسف قضناه في اذيه بعض…حابه اقولك اني اسفه…اسفه قوي…انا اتمنيتك من قلبي يا شاهر اتمنيت لو ملكش دخل في موت اختي اتمنيت لو..لو اتقابلنا في وقت غير الي اتقابلنا فيه وفي ظروف تانيه..كنت اكيد هبقى اسعد واحده

 

شاهر نزلت دموعه وشدها عليه وقال قدام عيونها ..انا كمان…انا كمان اتمنيتك من قلبي..اتمنيت اغرق في عيونك من غير ما اشوف فيهم الحيره والعزاب والكره…اتمنيت تحبيني واشوف صورتي جواهم…سامحيني…سامحيني مقدرتش اساعدك بحاجه… مقدرتش حتى اعترفلك بالحقيقه

 

غزال كانت بتشهق جامد ومش قادره تتنفس وقعدت على الارض بتعب ودموع ورجلها مقدرتش تشلها وشها احمر جدا وبقت تلفظ انفاسها زي غريق بيصارع الموج

 

شاهر نزل لمستواها وبقى يبكي من قلبو وقال…لا ارجوكي..حاولي وانبي… متموتيش قبلي يا غزال…مش هقدر اشوفك بتموتي…مش هقدى ارجوكي

 

غزال بصتلو وخلاص انفاسها اتقطعت وقالت بخنقه..انا…انا ب…بحبك…بحبك اوي…اوي يا شاهر ..احضني..احضني انا..انا خايفه…خايفه وبردانه

 

بقلم….زهرة الربيع

شاهر شدها لحضنه وبقى يبكي بقله حيله وعزاب شديد…قال بنحيب..انا كمان بحبك اوي…اوي يا غزال..انا اتمنيت الحظه دي قوي..اتمنيت تكوني في حضني واخبيكي في قلبي واسمع منك كلمه بحبك ..واقلك قد ايه حبيتك…بس…بس…ومقدرش يكمل وبقى يبكي جامد بقهر…واستأنف كلامو وقال … بس مش وانا بخسرك يا عمري…متروحيش مني يا غزال…ارجوكي كملي علشاني…يارب…ياااااااربببب

 

شاهر كان حاضنها بقوه وبيتكلم بدموع وسرعه وقلبو بيتقطع..مش حاسس ابدا..ولا عارف اذا كانت سمعته او لا..ضاممها لحضنه وبس

 

الوضع عند منزر متغيرش كتير كان فاضل تلت ساعه ٢٠ دقيقه والقمبله تنفجر كانت محاوللاتو كلها في فتح الباب فشلت…

 

سهام كانت يتبكي جامد وبتشهد كل ثواني ومرعوبه

 

منزر بصلها بدموع وقال..عمري ما اتخيلت ان ممكن يجي يوم ومقدرش احميكي يا سهام…عمري ما تخيلت تكوني قدامي واتموتي واقف اتفرج

 

سهام قربت منو وحطت اديها على خدوده وقالت بدموع….بس احنا سوا…عشنا في قلب واحد وهنموت في وقت واحد…بس انا اتمنيت لو فضلت لوحدي اتمنيت لو مسمعتش كلامو وجيت…كان ااموضوع هيبقى اسهل قوي عليا

 

منزر بكى بدموعه وقال…سامحيني يا قلبي..انا السبب في كل ده..لاني طاوعتهم واتجوزت المصيبه الي اسمها نور ودخلتها البيت …انا السبب لاني كنت عايز كل حاجه مقدرتش اعيش معاكي الحب الي كل الناس بتتمناه…انا اسف يا سهام..دلوقتي حسيت انك الدنيا كلها ومش عايز غيرك..مش عايز اطفال ومش عايز اسمع كلام حد عايز اعيش في حضنك ووبس..عايز اعيش ايام هاديه معاكي وفي قلبك …بس فوقت متأخر للاسف بعد فوات الاوان

 

عند غزل كانت بتبكي بخوف وقالت….ارجوك يا رفعت بيه انا مش هقدر انط من هنا ابوس ايدك اق*ت*لني بالمس*دس ارجوك

 

رفعت بصلها وضحك وقال …انتي كمان هتختاري تموتي ازاي و

 

رفعت قطع كلامو لما جاتلو مكالمه من رجالتو وقف عند اطلاله المبني وبقى يكلم الراجل بتاعو وهو مشغول

 

نور استغلت انشغاله وطلعت تليفون صغير جدا من الشراب الي لبساه وكتبت رساله لشخص تعرف رقمو كويس مضمونها وووووووو

 

#_الجزء_الاخير

اختى غزال بتموت تعالى على نفس البيت الي في الوادي

دي كانت رساله غزل لوليد وده الي قدرت تكتبو قبل ما رفعت يشوفها واول ما رفعت نهى مكالمتو خبت التليفون بسرعه

 

رفعت بصلها بعضب وقال..انتي لسه واقفه انا قولت نطي حالا يبقى تنطي

 

غزل بقت تبكي برعب وتبص للمكام وقد ايه عالي وبقت ترجع لورا برعب شديد

 

عند وليد اول ماشاف رساله غزل طلع جري بالعربيه على الوادي من غير ما يقول لحد حاجه وهو مرعوب جدا

 

عند غزال كانت فقدت الوعي وهيه في احضان شاهر وشاهر كان بيكح جامد وخلاص مش قادر ياخد نفسو حط دماغو على دماغ غزال وبقت دموعه تنزل بضعف شديد والغاز معبي المكان واستسلم للوضع ده وبقى متمنى لحظه موتو تقرب

 

ومنزر كمان كانت سهام بتترعش وماسكه فيه بقوه وبيبصو للمؤشر الي بيحسب عدد الدقايق الي فاضله ليهم وكان الوقا خلاص فاضل فيه اقل من ربع ساعه

 

في الوقت ده وليد وصل عند بيت شاهر وغزال وبقى ينادي يقول. غزال…شااااااهر….غزااااااااااال

 

شاهر اتفاجأ بصوت وليد و كان خلاص الغاز اثر على اعصابو ومش قادر ينطق ولا يقف اتحرك ناحية الباب بتعب رهيب وكان كل شويه يقع استجمت قوتو بالعافيه وخبط على الباب وقال..ول..يد..احنأ..هنا

 

وليد اوى ما سمع صوتو قرب من الباب وقال…شاهر انت هنا..غزال معاك

 

شاهر قال بتعب شديد .ايوه..ايوه

 

وليد قال بتوتر..متخافش هخرجكم متخافوش…وبص للباب وللشبابيك لقا الكل عليه اقفال جري على العربيه وبقى يفتش في التابلوه وفعلا الي اتوقعه كان فيه س*ل*اح منزر دايما بيسيب س*ل*اح في التابلوه اخدو ورجع جري ضرب القفل بالرصاص اتفتح

 

وليد اول ما دخل الغاز كان يق*ت*ل بقى يكح جامد وهو بيحاول يشوفهم واتسعت عنيه بزهول لما شاف غزال مرميه على الارض ووشها ازرق وشاهر كمان واقع بس لسه فايق شويه

 

وليد قال بخضه وخوف..شاهر ايه الي حصل وجري على غزال لسه هيشلها

 

شاهر مسك ايده بيمنعو..

 

وليد نفخ بغضب وقال..ده وقتو دي بتموت

 

شاهر بلع ريقه بتعب وقاا بصوت مخنوق……منزر..الحق..منزر..في القبو الي…الي هناك…الحقو…قمبله

 

وكان بيشاور بايده على القبو لانو كان قريب

 

وليد اترعب عليهم لما قال كده وقال..قنبله ..قنبله ايه..وطلع جري ناحيه القبو ومعاه الس*ل*اح

 

شاهربص لغزال واستجمع قوتو وشالها بتعب شديد ولسه هيمشي بيها اول خطوتين ووقع على ركبو وبقى يشهق بتعب وخنقه ورجع شالهاتاني وطلع بيه بعد مجهود وتعب رهيب واول ما حطها علي اعتاب الباب بقى يشدها بتعب وقغل البيت وسابها في الهوا النضيف

 

شاهر كان بيبصلها بدموع ومش قتدر يتخد نفسو ودموعه بتنزل خايف يخسرها حط ودنه على صدرها برعب خايف تكون ماتت بس سمع تنفسها بخنقه اتنهد براحه وبقت دموعه تنزل بغزاره وشدها على حضنه وقال..ال..الحمد.لله..اانت…انتي معايا…لسه..لسه معايا..هت..هتقومي

 

عند منزر كانو بينطقو للشهاده هو ووسهام وماسكها ومخبيها في حضنه وكان فاضل تلت دقايق وتنفجر وصوت الانزار بتاع القمبله عالي

 

هنا اتفاجأو بشده بصوت رصاص في قفب الباب واتفتح وكان وليد قال برعب..انتنوو بخير

 

منزر وسهام بصولو بزهول وفرحه ومنزر قلع سهام الستره الي فيها القمبله بسرعه وجري بيها ناحيه البحر

 

سهام لسه هتجري وراه وليد مسك ايدها وكانت بتضربو وتصرخ وتقول ابعد..سبني منزر…منزززززززززر

 

وهنا انتهى الوقت سمعو صوت الانفجار ووليد نزلو دموعه وشاهر سمع الصوت واتسعت عنيه على اخرهم والدموع بتنزل منها لا اراديا وقال بصراخ…منززززززززر وبقى يجري ويقع بتعب وهو مش عارف ازاي كان بيجري اصلا كان كل ما يقع يقوم تاني ويكمل جري

 

سهام وقعت على الارض وقالت بصدمه .منزر..منزر ا..لا …لا…لااااااااااااااا

 

وهنا سمعو صوت كحه شديده وظهر قدامهم منزر طالع من ناحيه البحر بيكح ووشو عليه تراب كتير وهدومه متقطعه من اثر الانفجار قال باستغراب ..بتصوتو ليه

 

وليد اتسعت عنيه بزهول وفتح بقو بصدمه وسهام جريت عليه وهيه مش مصدقه نفسها وحضنتو وبقت تبكي جامد وتقول…الحمد لله يا رب…الحمد الله.. وبقت تبكي بقوه

 

هنا وصل شاهر واول ما شافو وقع على ركبو وبقى ينهج بتعب وبص لسما بدموع وهو مش عارف يشكر ربو ازاي

 

منزر جري عليه وقال بفرحه…شاهر انت بخير الحمد لله ولسه هيحضنو اتفاجأ بشكلو وتعبو ونفسو الي مش قادى ياخدو

 

منزر قال بخوف…مالك يا شاهر عملو فيك ايه بس شاهر مردش ورجع جري وهو تعبان جدا بس جري باسرع ما يمكن رغم انو كان مش قادر يا خد نفسو بس رجع لغزال كان خايف عليها جدا

 

وليد ومنزر وسهام راحو وراه بسرعه واول ما وصلو عند غزال قعد شاخر قدامها وحط راسها على رجلو وقال بدموع وتوتر وخنقه..هتقومي يا قلبي..هتكوني بخير انا متأكد..مش هخسرك..انا صدقت ما لقيتك يا غزال

 

وليد قال بتوتر..انا هجيب العرببه هنا لازم ناخدها على المستشفى…وجري يجيب العربيه

 

شاهر شالها بتعب رهيب وسهام ساعدتو ودخلوها العربيه وطلعو بيها على المستشفى وكان طول الطريق شاهر ضاممها لحضنه وبيقول بدموع ورعشه في صوته..انا معاكي..انا جمبك..مش هخسرك..مش هخسرك يا قلبي

 

سهام كانت بتبكي على غزال وعلى منظر شاهر الي حرفيا كان يبكي الحجر

 

منزر كان كمان متأثر جدا عليه..وحتى وليد اتفاجأ بحب شاهر لعزال وافتكر في طفولتهم كانت دايما تقولو..انها بتتمنى بفارس يحبها اكتر من حياتو لدرجه انها لو بقت في خطر ممكن يموت وراها

 

كانت الدموع الي في عيون شاهر والخوف والرعشه الي فبه رغم انو تعبان لاكن مش مهتم غير انها تقوم بخير بيثبت ان غزال فعلا وصلت لامنيه طفولتها

وليد ابتسم بدموع وقال..متقلقش..هتكون بخير…هترجعلك ان شاء الله

 

في المستشفى اخدو غزال وحطولها جهاز التنفس لانها كانت خلاص شبه مش بتتنفس

 

الممرضين حاولو ياخدو شاهر لانو كان بيشهق جامد ومش قادر ياخد نفسو كانوو عايزين ياخدوه على الاوضه ويحطوه على جهاز التنفس لاكن كان رافض بشده ومش راضي

 

منزر شاور لممرض ووشوشو ومسك شاهر وقال…شاهر اهدى هيه هتكون بخير وشاور براسو للممرض واتقدم على شاهر وادالو حقنه مخدره بالعافيه لانو كان رافض واول ما غاب عن الوعي اخدوه على الاوضه يعملولو الاسعافات ويحطوه على جهاز التنفس

 

بعد دقايق عيلتهم كانت هناك والكل كان قلقان عليهم وزعلانين وهناء كانت بتبكي جامد على ابنها ومنى وراشد كمان كانو بيبكو وهيموتو على شاهر وغزال

 

منزر اتقدم على وليد وقال بابتسامه…شكرا يا وليد حقيقي شكرا قليله قوي قوي

 

وليد ابتسم وقال..الكلمه الصح هيه الحمد لله يا منزر ربنا انهارده لطف بيكم حقيقي انا حتى مش عارف مين الي بعتلي الرساله

 

منزر قال باستغراب ..رساله ايه

 

وليد ادالو الرساله واتفاجأ بمحتواها قال بزهول…غزال اختي..دي نور..قصدي غزل

 

وليد قال باستغراب…غزل مين

 

منزر قال بسرعه..تعالى معايا خلينا نلحقها وهفهمك كل حاجه على الطريق

 

منزر مشي مع وليد وراحو يلحقو غزل وطلعو على طول على البرج لان منزر عرف مكانو لما رفعت قال قدامو انو هياخدها تنط من هناك

 

عند غزل كانت بتبكي جامد وكان رفعت قاعد ببرود وماسك س*ل*احو وقال بسخريه..يعني مصره ..تموتي بالس*ل*اح مش كده..طيب براحتك..اموتك بالس*ل*اح مدام بتخافي من المرتفعات للدرجادي

 

غزل قال بدموع..انت موتهم كلهم سبني بقى انا معاك من الاول هتستفيد ايه..ابوس ايدك سبني امشي

 

رفعت قال ببرود…انا قولتلك انتي السبب الاول في موت ابني وهتموتي يعني هتموتي

 

غزل لسه هترد سمعو صوت ضرب نار شديد وكانومنزر ووليد ومعاهم البوليس اشتبكو مع رجاله رفعت

 

رفعت استغرب وقال..فيه ايه ايه صوت ضرب النار ده وبقى يحاول يتصل برجالتو بس كانو مشغولين مع البوليس

 

وهو لسه بيحاول منزر ووليد وصلو عندهم على السطح

 

رفعت اول ما شافهم الس*ل*اح وقع من ايده وقال برعب..انتو .انت اجيتو هنا ازاي…وبص لمنزر برعب وقال..انت انت ازاي عايش

 

منزر قال بسخريه…محبناش نموت من غير ما ناخدك معانا…متجيش اصلا… ورفعو عليه الس*ل*اح

 

رفعت بص لغزل بزهول وغضب لما شاف ابتسامتها وقال بزعيق..انتي الي عملتي كده يا فاجره وبسرعه البرق زقها بقوه

 

غزل صرخت ووقعت من على المبني بس وليد بسرعه مسك ايدها قبل ما تقع ومنزر ضرب رصاصه صاب بيها رفعت

 

وليد بقى يحاول يشد غزل وغزل بصت لتحت برعب وقالت بخوف….قول ..قول لغزال تسامحني يا وليد

 

وليد قل وهو بيسحبها..انتي قتوليلها بنفسك وبقى يسحبها ومنزر جري عليه بيسحبو علشان يطلعوها فاجأهم رفعت لما ضرب رصاصه في ايد غزل خلاها سابت ايد وليد ووقعت وهيه بتصرخ بقوه

 

وليد اتسعت عنبه و زعق وقال..غزززززززل

 

منزر بص لرفعت بزهول وغضب وليه هيق*ت*لو البوليس مسكو واخدوه معاهم وليد ومنزر نزلو لغزل بس للاسف ماتت في الحال

 

في المستشفي باليل كان شاهر قام بالسلامه وعرف بالي حصل لغزل وزعل عليها رغم كل الي عملتو لاكن تعتبر انقذتهم وراح لوليد وقال بحرح..احم…شكرا بجد انا مديونلك بحياتي وبجد الي تحتاجو تامر بيه

 

وليد ضحك وقال…ومديون بحياتك وحيات مراتك كمان

 

شاهر قال بحزن على غزال..ماهيه دي حياتي الي قصدتها يا وليد انا بجد مش قاصد اضياقك بس غزال كل حياتي

 

وليد ابتسم وقال…عارف..وانا بجد شلت غزال من دماغي اصلا عرغت متأخر اني كنت متعود عليها مش اكتر…وانا مبسوط انها لقت حد يحبها زيك مفيش حد هيحبها اكتر منك ..ولا حتى انا

 

شاهر ابتسم وقال…بجد من قلبك يعني

 

وليد قال بابتسامه….ياعم من قلبي..ااتطمن من هنا ورايح انت اخويا وغزال اختي… وبص لحور الي واقفه بعيد وقال..اصلا القلب مبقاش فيه اي مكان

 

شاهر بص مكان ما بيبص وشاف حور ابتسم وقال ربنا يهنيكم وشكرا كمان مره..عن اذنك هروح اتطمن على غزال

 

وليد قال… ربنا معاكم.. وراح وقف مع عيله شاهر الي كانو مستنين عزال تفوق

 

حور كانت مبسوطه جدا بوليد بعد ما عرفت الي عملو معاهم وقفت جمبو همست في ودنو وقالت..بمناسبه الي قولتهولي في البيت…انا موافقه عليه..لاني انا كمان ..بحبك

 

وليد ابتسم وهو مش مصدق الي قالتو ولسه هيكلمها مشيت بسرعه ووقفت جمب امها بتوتر

 

وليد ضحك على حركااها الطفوليه وكسوفها الي يجنن وقال..هتروحي مني فين

 

منزر بصلو بعدم فهم وقال..بتقول حاجه

 

وليد قال..لا..لا ابدا بقول…شاهر راح فين

 

منزر قال…دخل لغزال ربنا يقومها بالسلامه

 

شاهر كان قاعدجمب غزال وماسك ايدها رغم انو لسه تعبان بس مش قادر يسبها كان حاطط دماغو على اديها ومستنيها تفوق

 

غزال فتحت عنيها ببطأ وقالت بتعب..شا..شاهر

 

شاهر بصلها بسرعه وقال بلهفه…. انا هنا انا جمبك يا قلب شاهر..حمد الله على سلامتك..الحمد لله على سلامه قلبي

 

غزال ابتسمت على كلامو ولسه هترد افتكرت كل الي حصل قالت بخوف..منزر و سهام ..وغزل

 

شاهر قال بسرعه..منزر وسهام بخير مستنين بره

 

غزال قالت بخوف..منزر وسهام بس..غزل فين

 

شاهر نزل راسو وسكت

غزال نزلت دموعها وقالت بدموع…ما… ماتت

 

شاهر قال بحزن..ربنا يرحمها

غزال بقت تبكي بقوه وانفعال وعايزه تقوم من على السرير وبتقول…..لا..لا..غزل. .لا انا ماصدقت …لا..اااااااااه..غززززل

 

شاهر شدها لحضنه وقال بدموع…اختك كفرت عن زنوبها وانقذتنا كلنا اطلبيلها الرحمه يا غزال…فتره وهتعدي يا قلبي…كل حاجه بتعدي

 

في صباح يوم جديد في قصر الضبع بعد مرووور ٣ شهور خرجت الدكتوره من اوضه حور وقالت…الظاهر ان الايام دي ايام سعدكم…من شهر بشرتكم بحمل مدام غزال..ودلوقتي حمل مدام حور

 

الكل فرح جدا ومنى زغردت ووليد نط من الفرحه وقال..ده بجد ولا ايه انا هبقى اب..انا مش مصدق

 

شاهر ومنزر حضنوه بفرحه..وشاهر قال..لا يا عم صدق..يلا بقى هات عروسه لابننا

 

غزال ضحكت وقالت..ومين قلك انو ابننا بقى مش يمكن بنتنا

 

شاهر لسه هيتكلم منزر قال بفرحه…محدش يحاول ابنكم مش هيتجوز غير بنتي انا

 

سهام ضحكت وقالت…طيب مش لما تجي بنتك اصلا

 

الدكتوره قالت…هتيجي ان شاء الله يا مدام سهام انا قولتلك عمليه الرحم الصناعي…هتبقى مفيده جدا ليكي باذن الله..وان شاء الله المرادي خير اول ما نوصل للشهر الخامس اوالسادس ونحس بخطر على الجنين ننقلو..ويمكن يكمل الحمل ومنحتاجش و ان شاء الله تظبط

 

منزر قال بمرح ..ولو مظبطتش يا ستي..مش لما تربيني انا الاول..تبقى تربي عيال

 

الكل ضحكو ومنى قالت..لا في دي معاك حق

 

وليد قال..عن اذنكم اما ابارك لحور.. ودخل على اوضتو وجري على حور حضنها وقاا..مبروك يا حوري ..مبروك علينا

 

حور قالت بفرحه..مش مصدقه يا وليد هتجنن من الفرحه انا هبقى ام …وبهتت ملامحها وقالت..تفتكري هعرف ابقى ام بحالتي دي يا وليد

 

وليد ابتسم وشدها لحضنه وقال..واجمل ام واطعم ام..انا معاكي…وواثق فيكي واثق انك قدها مليون مره

 

حور حضنتو بحب وقالت..ربنا ما يحرمنيش منك ولا من قلبك الي بعشقو

 

عند منى اخدت منزر على جمب وقالت..ايه رأيك في الدكتوره دي…محترمه ومتربيه ودكتوره قد الدنيا ومضمونه ايه رأيك لو الحمل منفعش اشوفهالك

 

منزر بصلها بزهق وهو مستنيها تكمل الكلام الي بيبقى عارفو من قبل ما تقوله وقال…كلي عيش با منمن..كلي عيش هتجبيلي مصيبه

 

منى لسه هتتكلم سهام سمعتهم وقالت بغضب..ايه..بتقولي ايه تاني وبصت لمنزر وقالت..بتقولك ايه

 

منى قالت بقلق….مبقولش حاجه يا بنتي هقولو ايه يعني…

سهام شدت منزر من ايده وقالت ..سيبيه يا حماتي لان المرادي لو فكر بس هخلصك منو خالص

 

منزر ضحك ومشي معاها وقال ..وانا اقدر دانتي الدنيا وما فيها يا سيمو يا قمري

سهام ضحكت وقالت..اممم …واخده بالي

 

منزر قال بغمز..طب تعالي معايا واثبتلك صوت وصوره سهتم ضحكت جامد ومشيو سوا

 

شاهر ضحك على الموقف الي بيتكر كل يوم تقريبا وبص لغزال وقال بهمس….وانا مليش نفس اثبتلك انا كمان

 

غزال ضحكت وقالت..عايز ايه

 

شاهر قرب منها وقال… يعني هموت عليكي بقى ده حرام انا مش عايز اولاد لو على الحاله دي

 

غزال ضحكت وقالت..هما اول تلت شهور..خلاص فاضلك شهرين اجمد

 

شاهر قال بغيظ…ياحلاوتك..انا لو استنيت يومين كمان يبقى ربنا بيحبك

 

غزال قربت منو وقالت بحب..انا صلا عرفت انو بيحبني من زمان…من وقت ماخلاك حته من قلبي

 

شاهر شدها لحضنه وقال…ده ربنا بيحبني انا..لانو سبب كل الاسباب علشان يخليكي كل حياتي انا مبقتش اقدر اعيش من غيرك لحظه يا غزاله عمري

 

…………….تمت بحمد الله……………….

💚💚💚💚💚💚💚💚💚💚💚💚💚💚💚💚

 

مضيت بدرب العشق اتأمله💚فرأت عيناي ما أذهلها

غزالة بفك الضبع غاضبة 💚فأبى الضبع انا يق*ت*لها

بل احتضن عيناها بعينه 💚واسكنها قلبه وتحملها

فتبسمت الغزالة عاشقه 💚واحبها الضبع وادمنها

 

💚💚💚💚💚💚💚💚💚💚💚💚💚💚💚💚

 

كنتم مع رواية بقلم ..زهرة الربيع💚

..اشكركم من قلبي على حسن المتابعه..زهرتكم تحيكم ودمتم في امان الله مع من تحبون🥰