غزال وشاهر ج 9

#_الجزء_ال17

 

اختفت من الاوضه اختفت من المستشفى كلها منزر طلع بغضب رهيب وقال..سهام فين..مراتي فين

 

الدكتوره قالت بخوف…مهو ..مهو حضرتك ..انا …انا كنت لسه هقولك …المدام مش موجوده ابدا ولا في اي مكان

 

منزر مسكها من البالطو بغضب وقال بزعيق…يعنيى ايه مراتي فين

 

شاهر شدو بغضب وزعيق وقال…اهدي يا منزر ..اهدي دي واحده ست.. انت بتعمل ايه

 

الدكتوره كانت بتترعش وشاهر بصلها وقال…احنا اسفين بس انتي اكيد مقدره الي احنا فيه..واكيد عارفه كمان الموقف الي هتتحطي فيه انتي والمستشفى بتاعك لو المدام مظهرتش

 

الدكتوره قالت بخوف…ياشاهر بيه والله انا مش عارفه ازاي ده حصل الظاهر ان حد قاصدكم الكهربا قطعت ٥ دقايق جات ملقناش المدام …اتشالت من على الاجهزه ونفسها لسه مش منتظم و

 

منزر قال بزعيق…كويس انك عارفه انها تعبانه… ازاي مستشفي زي ده تختفي فيه مريضه بالشكل ده مفيش حراسه مفيش امن …انا هوديكم في داهيه مش هسكت

 

الدكتوره قالت بخوف…يا استاذ منزر قولت لحضرتك ده حد قاصدكم اصلا الكهربا عمرها ما قطعت هنا المدام اختفت اول ما الكهربا قطعت

 

منزر كان بيزعق معاها والكل كان مرعوب جدا وشاهركان بيفكر والغضب بان على ملامحو وقال…يلا بينا يا منزر

 

بقلم…زهرة الربيع

منزر بصلو وقال باستغراب… يلا بينا على فين مش لما اعرف مراتي فين

 

شاهر قال..اطلع معايا بسرعه علشان نعرف مراتك فين

 

منزر بصلو باستغراب بس ثقتو فيه كبيره طلع وراه بسرعه وغزال جريت وراهم وركبو سوا في العربيه

 

غزال قالت باستغراب..انا مش فاهمه حاجه ده طريق القصر مش كده.. يعني سهام رجعت على القصر

 

منزر قال..انا كمان مش فاهم الكهربا انقطعت قبل ما تختفي اكيد سهام انخطفت مستحيل تكون رجهت القصر احنا رايحيين هناك ليه

 

شاهر قال بثقه…الي هتدلنا على مكانها في القصر

 

منزر قال ..قصدك مين..مفيش حد غير الخدم ونور و

 

منزر قطع كلامو وقال..قصدك نور مش كده

 

شاهر قال..فيه حجات كتير حصلت يا منزر من ساعة دخول الي اسمها نور دي على القصر…مره كانت فيه عقرب غريبه في اوضتي ومره غزال اتسممت في العصير بتاعي وبعدها ناس طاردونا وكانو عايزين يق*ت*لونا ودلوقتي سهام اختفت

 

غزال قالت..انا مش فاهمه ايه دخل كل ده بنور

 

شاهر قال…دخلها التوقيت…مين ممكن يكون بيعمل كده غير واحد عارف كل تحركاتنا..عارف ان فيه عصير هيدخلي الاوضه..وعارف اني راجع انا وانتي لوحدنا من المستشفى يومها..وعارف ان سهام النهارده في الوقت ده في المستشفي..ده اكيد شخص من القصر عايش معانا…انا الاول شكيت في وليد بس لما فكرت لقيت انو اجبن من انو يعمل كده

 

منزر قال بغضب…لو كانت هيه هق*ت*لها هخنقها بايدي ولو سهام جرالها حاجه مش هيكفيني عمرها

 

شاهر اتنهد وقال…اهدى يا منزر…اصلا انا متأكد ان مشكلتها معايا انا….من اول يوم نظراتها ليه غريبه جدا

 

غزال قالت بتوتر..شاهر….انا..انا عايزه اقولك حاجه

 

شاهر بصلها بطرف عينه بشك لما حس انها مخبيه حاجه وقال..امممم …قولي

 

غزال قالت بتوتر…نور…نور تعرف كل حاجه عنك من اول يوم ..حتى …حتى عن ق*ت*ل غزل..قالتلي انها تعرف انت ق*ت*لتها ليه

 

شاهر وقف العربيه بسرعه وبصلها بزهول ووقال…تعرف ايه ..

 

غزال بلعت ريقها بخوف وقالت

…معرفش قالتلي كده بس …قالتلي انا اعرف كل حاجه واعرغ انك اتجوزتيه غصب بعد ما ق*ت*ل اختك كمان اعرف ق*ت*لها ليه..انا حاولت افهم منها بس مرضيتش تتكلم

 

شاهرخبط ايده على تابلو العربيه بعضب وقال…ومقولتليش ليه…ساكته كل ده…واحده عايشه معانا وعارفه كل ده وغطيتي عليها يا غبيه

 

غزال قالت بغضب..انت بتزعق ليه دلوقتي انا كنت ناويه اعرف منها كل حاجه بس الدنيا اتكركبت و

 

بس شاهر قاطعها وقال بتريقه وغضب… والله كنتي هتعرفي منها لا شاطره برافو عليكي

 

غزال اتنرفزت ولسه هترد منزر زعق بغضب وقال..بس انت وهيه..كفايه..انا مراتي اختفت..خلينا نلاقيها واتخانقو براحتكم يلا خلصني اطلع على القصر خلينا نلحقها

 

شاهر نفخ بغضب وطلع على القصر وهو متعصب جدا

 

بعد فتره صغيره وصلو على القصر ودخلو بسرعه وطلعو جري على اوضه نور بس طبعا كانت مش موجوده والدولاب مفهوش اي هدوم ليها .

 

منزر قعد على السرير بيأس وحط اديه على دماغو لما اتأكد ان كل كلامهم حقيقي…واختفاء نور ضيع اخر امل عندو في الوصول لسهام

 

شاهر قرب منو وحط ايده على كتفو وقال بحزن منزر…اهدى اكيد هنلاقيها و

 

بس منزر زق ايده وقال بعصبيه..هنلاقيها..ازاي..كل ده بسببك…مراتي ضاعت بسببك

 

شاهر طبعا كان بيبصلو بدهشه منزر اخر واحد يتوقع منو الكلام ده بلع ريقه بحزن وقال…تمام…معاك حق…مراتك هترجع يا ابن عمي…حتى لو هموت انا

 

شاهر لسه هيمشي منزر مسك ايده ونزلت دموعو وقال بحزن…شاهر انا…انا اسف..صدقني انا…انا مقصدش انت عارف انا…

 

شاهر ابتسم بسخريه وشد ايده ونزل بعصبيه وحزن

 

منزر وغزال نزلو جري وراه واول ما طلع في عربيتو ركبو هما كمان معاه

 

شاهر بصلهم بعصبيه وقال…انزلو… حالا

 

غزال سكتت كأنها مش سمعاه ومنزر بصلو بحزن وقال…معقوله تزعل منى وانا في الظرف ده

 

شاهر اتنهد بحزن لانو عارف قد ايه منزر متعلق بسهام وقال..انا مقدر الي انت فيه يا منزر ومش زعلان منك ..انا زعلان لاني فعلا السبب …وسهام ملهاش ذمب هما عايزني انا وانا هلاقيها بمعرفتي يلا انزلو

 

منزر قال…سهام مراتي يا شاهر مش هقدر اقعد هنا ومعرفش الي بيحصل لها وانت اخويا ومستحيل اسيبك رجلي على رجلك ومفييش نقاش

 

شاهر اتتهد وقال…انزلي انتي يا غزال خطر تيجي معانا

 

غزال قالت …لا مش هنزل انا كمان عايزه اطمن على سهام

 

شاهر قال بغضب…انزلي بقولك هو احنا رايحين رحله

 

غزال بصت بعيد ولا كأنها سمعاه

 

شاهر اتغاظ وقال..كده طيب ..انا هنزلك بمعرفتي ونزل وفتح الباب الي ورا وشدها عايز يشلها ويدخلها القصر بالعافيه

 

غزال بقت تزقو وتقول..ابعد سبني مش هتمشي من غيري..لا وانبي يا شاهر

 

بس شاهر شالها ولسه هيمشي بيها قالت باندفاع..وانبي لا خدني معاك انا خايفه عليك وانبي …

 

شاهر نزلها لما قالت كده وهو مش مصدق الي قالتو بصلها وابتسم وغزال خدت بالها من الي قالتو واتكسفت جدا علشان منزر قاعد

 

منزر حط ايده تحت دقنه وبصلهم وقال بتريقه…يا حلاوتكم…اطلب لكم منجا..واعزف لكم بكمنجا …وغير لهجتو وقال بزعيق…مايلا يا خويا وانت وهيه مش وقت تسبيل

 

شاهر بصلو بغيظ وقال لغزال ..طيب اركبي ربنا يستر

 

غزال ركبت بفرحه وطلعو كلهم على البيت الي نور كانت ساكنه فيه… شاهر قال ان فيه احتمال يلاقو حد يعرف عنها حاجه هناك

 

في القصر كان وليد جاب عيله شاهر ورجعو كلهم على القصر

 

راشد كان قلقان جدا وبيرن لشاهر ومش بيرد عليه قال.. برضو مش بيرد الولد ده لازم يمشي بدماغو وهيجنني

 

هناء قالت بقلق طب وبعدين احنا مش عارفين هما راحو فين ومنزر كمان مش موجوده

 

وفضلو كلهم قلقانين ومستنين حد منهم يتكلم

 

حور طلعت هيه ووليد على اوضتهم وكانت قاعده بقلق على منزر وعلى سهام

 

وليد قعد جمبها وقال…الجميل بيفكر في ايه

 

حور ابتسمت بحزن وقالت…مش فاهمه ليه الدنيا اتلخبطت مره واحده كده

 

وليد اتنهد وقال…معاكي حق ..الظاهر ان وشي كان حلو قوي عليكم

 

حور ضحكت وقالت ….لا طبعا مقصدش كده…اصلا دي اقدار ولازم نرضى بيها..بس قولي صحيح بمناسبه وشك الحلو.. كل اهلي قلولي انك قمر..وانا بجد بتمني لو اقدر اشوفك قولي بقى شكلك عامل ازاي بقى

 

وليد ضحك بخفه وقال …شكلي حلو يعني في المقبول كده

حور قالت..لا بجد قولي بالتفصيل…يعني مثلا عنيك لونهم ايه

وليد قال..عيوني بني

حور ابتسمت وقالت..اممم.. وشعرك

وليد قال ..كمان بني

حور قالت طب ولون بشرتك ايه

وليد ضحك ووقال…عادي يعني ممكن حنطيه او افتح من الحنطي بس انتي عايزه تعرفي شكلي ولاخايفه تكوني اتدبستي

 

حور ضحكت وقالت…لا ادبس ايه ….ده انت لو مش بتكدب تبقي قمور واحلى مني كمان

 

وليد ابتسم وقال..هو انا فعلا قمور …بس مش احلى منك ابدا ..ولا اجي حاجه في جمالك

 

حور ابتسمت بخجل ولسه هتقوم وليد مسك ايدها وشدها عليه جامد وقال بهمس..بقولك ايه…مش كفايه كده

 

حور بلعت ريقها بارتباك وقالت..هو ايه الي كفايه

 

وليد كان قريب منها قوي وقال بهمس …كفايه نبعد عن بعض احنا متجوزين …وانا بجد محتاجلك..انتي قمر قوي..وعجباني..اوي…اوي

 

حور اتفاجأت بكلامو واتكسفت جدا وقالت…انت الي قولت محتاج وقت لحد ما نتعرف

 

وليد قرب منها اكتر وقال.. ما احنا اتعرفنا و…واتعودنا…وانا مش قادر اتعرف اكتر من كده وهمس جمب ودنها وقال….حابب نكمل جوازنا بقى..قولتي ايه

 

بقلم..زهرة الربيع

عند شاهر نزل هو ومنزر وغزال وبقو يخبطو على باب بيت نور بس مفيش حد بيفتح ابدا

 

طلعت واحده من الجيران وقالت .. انتو عايزين مين

 

شاهر قال …عايزين اصحاب الشقه دي نور عبد الخالق واهلها

 

الست قالت…مين دول الشقه دي اتأجرت لايام قليله من جماعه كمبارس ومشيو من يومين

 

شاهر اتنهد ومتفاجأش ابدا ومنزر قال بزهول كمبارس

 

شاهر لسه هيرد عليها جالو اتصال وقال..الو

 

الشخص المجهول قال…الو ورحمه الله يا شاهر باشا

 

شاهر قال باستغراب..مين معايا

 

الشخص المجهول قال..انا الي بتدور عليه بالظبط…سيب البيت الي عندك مش هيفيدك بحاجه لو عايز المفيد تعالى نتعرف

 

شاهر بقى يبص يمين وشمال يشوف لو فيه حد مراقبو بس ملقاش حد قال بغضب…انت فين…انا جاهز…قولي على المكان

 

المجهول في مكان مظلم غريب قرب من سهام الي كانت مربوطه على كرسي وبتبصلو برعب وحط ايده على خدها بوقاحه وهيه كانت بتحاول تزقو ومش عارفه تتكلم لانو مغطي بقها وصور المقطع ده وبعتو لشاهر

 

منزر اول ما شاف المقطع كان هيتجنن من الغضب وقبل ما ينطق بحرف المجهول اتصل وووووووو يتبع

….

#_الجزء_ال18

كانت مربوطه وبترتعش مشى ايده علي جسمها بجراه وقال لشاهر…قول للحلو الي جمبك..مراتو تحت ايدي والرجاله هيموتو عليعا فنهدى ونبقى حلوين مع بعض احسنلو والا …

 

قاطعو منزر لما شد التليفون من شاهر وقال بغضب..لو حد مسها بس هحرقك يا حيوا،ن فاهم ..مراتي لو حصل لها حاجه …

 

بس قاطعو الشخص المجهول وقال..هو انتو متعرفوش طريقه للعقاب غير الحرق…على العموم انا مستنيكم…والبنزين على حسابي جدعنه مني…. منزر لسه هيرد الخط اتقفل

 

منزر قال بخوف..الو…الوووو …قفل ااحيواااااان

 

شاهر قال بزعيق..اهدى بقى خلينا نفهم…

 

غزال قالت…شاهر معاه حق يا منزر باسلوبك ده عمرنا ما هنعرف مكانها

 

شاهر لسه هيتصل بيه تاني جاتلو رساله مكتوب فيها عنوان مكان

 

شاهر قال…يلا بينا …وبص لغزال وقال..الموضوع بقى خطر علشان خاطري ارجعي

 

غزال قالت بحزم…مش هسيبك..رجلي على رجلك

 

شاهر اتنهد وقال..يلا بينا …وطلعو سوا على المكان الي في الرساله

 

عند حور ضحكت على طلب وليد وقالت..نكمل جوازنا…دلوقتي…والله انت ما عندك دم

 

وليد قال بغيظ…ياسلام على الرومانسيه…فيه واحده تقول لجوزها..معندكش دم

 

بقلم…زهرة الربيع

حور قالت ..اعملك ايه…سهام مخطوفه واخويا طلع يدور عليها وابن عمي ومراتو مش عارفين مكانهم وانت في عالم موازي لوحدك وبتقولي نكمل جوازنا

 

وليد قرب منها وقال…انتي وافقي على المبدأ ومش شرط دلوقتي..نطمن على الكل ونشوف حياتنا…قولتي ايه

 

حور قالت بدلال… تؤ تؤ..ابدا…الممبدأ مش موجود اصلا ..مش انت قولت لما نتعرف خلاص..انا لسه متعرفتش عليك كويس

 

وليد ضحك وقرب منها اكتر وقال بجرأه..وانا جاهز اعرفك عليا..بس سيبيلي نفسك انتي

 

حور زقتو ووقفت وقالت ..بقولك ايه بطل زن الي في بالك مش هيحصل الا لما اطمنلك … انا لسه مش واثقه فيك ابدا

 

وليد اتنهد وقال..حقك يا ستي..وبراحتك خالص انا بس كان كل قصدي ناخد وندي بشكل ودي بس في النهايه الامر امرك يا جميل

 

حور ضحكت وقالت…طب بقولك ايه عايزه اسألك سؤال…هو انت مش بتفكر في غزال

 

وليد اتنهد وقال…لا بفكر .بفكر ايه الي حصل لهم بعد ما سافرت وغزل ماتت ازاي وغزال اتجوزت ليه واحنا كنا مخطوبين…وقرب منها اكتر وقال بس السؤال الي نفسك تعرفي اجابتو…والي هو لسه فيه مشاعر في قلبي لغزال ولا لا..بقيت اقدر اجاوبك عليه..

 

حور كانت مستنياه يتكلم وهتموت وينطق بس وليد كتم ضحكتو بالعافيه وبعد وقال…بس انا مش هجاوب دلوقتي لسه مش واثق فيكي

 

عند غزال وشاهر ومنزر كانو على الطريق وجات لمنزر رساله بالمكان بالظبط واتفاجأ انو نفس البيت الي حرق فيه غزل فضل باصص للرساله بغضب

 

منزر قال باستغراب…مالك …الرساله دي من نفس الشخص

 

شاهر قال بضيق..اممم..هو..عايزنا نروح البيت بتاعي القديم

 

منزر قال …نفس البيت الي…

 

شاهر قال بسرعه ..ايوه هو

 

غزال بصت لهم بشك لما اتأكدت ان ده نفس البيت الي حرق فيه غزل وهنا اتأكدت ان منزر يعرف كل حاجه عن البيت ده والي حصل فيه

 

بعد فتره وصلو المكان ونزلو من العربيه وكان فيه رجاله كتير مسلحين اخدوهم ودخلو بيهم البيت

 

اول ما دخلو كانت سهام مربوطه على كرسي وتعبانه جدا

 

منزر بصلها بدموع وجري عليها وقال..سهام .سهام حببتي..عملو فيكي ايه..

 

سهام كانت تعبانه جدا لانها كان لازمها اكسجين وكانت حالتها صعبه في المستشفى لما انخطفت..بقت تبص لمننزر بدموع ومكانتش قادره تتكلم

 

منزر لسه هيفكها بقت تهز راسها بالرفض وهيه مرعوبه وكانتش راضيه تخليه يقرب لها ولا يفكها

 

منزر استغرب وكل ما يجي يقرب منها ترفض وتهز راسها بارفض جامد

 

نزل راجل من الطابق التاني كان راجل شيك جدا في عمر ال٥٠ قال ..اهلا اهلا بال الضبع …انا كنت اتمنى استضيفكم في بيتي..بس زي ما انتو عارفين المكان ده له ذكريات جميله قلت نفتكرها سوا

 

منزر بصلو بغضب وقال…انا مراتي تعبانه ولازم ترجع المستشفي..هيه ملهاش اي دخل في اي حاجه حصلت

 

الراجل ابتسم بسخريه وقال..محدش ابدا له ذنب..ومع ذلك كلو هيتعاقب…بس بذمب واحد عملو ابن عمك.

 

شاهر بصلو وقال بضيق…انا عمري ماشوفتك قبل كده..ومعتقدش اني غلطت معاك في حاجه

 

الراجل ضحك وقال بغضب..انا هفكرك …انا رفعت نجم الدين …افتكرتني …ارجع بذاكرتك شويه..في البيت ده انت حرقت شخصين بنت وولد..ها افتكرت

 

شاهر اتسعت عنيه بزهول وافتكر يوم ما حرق البيت

 

فلاش باك

 

شاهر دخل البيت ومعاه شنط فيها اكل وفواكه وحط الشنط في المطبخ وطلع التليفون وطلب رقم

 

شاهر اتفاجأ برنه تليفون الشخص الي بيكلمه جايه من اوضه النوم ابتسم وراح ناحيه الاوضه

 

رد الشخص الي بيكلمو وكانت غزل قالت…الو

 

شاهر قال…الو ايوه يا غزل انتي فين

 

غزل قالت بارتباك انا..انا رجعت البيت زي ما قولتيلي…مش انت قولت مش هنتقابل انهارده

 

شاهر قرب من الاوضه وهو سامع صوتها ومستغرب ليه بتكدب قال…ايوه يعني انتي في بيت بباكي دلوقتي

 

غزل قالت بتوتر..اه..انا هناك..بس لو عايزني اجي ..تمام

 

شاهر وصل عند باب الاوضه وشاف ابشع منظر ممكن يشوفه في حياتو كانت غزال نايمه في السرير وملفوفه في ملايه وجمبها شاب بيدخن وهو مش لابس غير ملابس دا،خليه

 

شاهر نزل التليفون والارض بتدور بيه مش مصدق الي شايفه بقى يبصلهم بصدمه وزهول و غضب وغل بس غزل كانت لسه مخدتش بالها ليه قالت..الو..شاهر ..شاهر..الو

 

شاهر قال بغضب..غزلللللللل

 

غزل بصت للباب وشدت الغطا عليها برعب وقالت..ش..شاهر…انت…انت..انا هفهمك..انا….

 

بس شاهر كان بيبصلها بغل وغضب يحرق الكون

 

الشاب الي معاها بقى يتسحب عايز يخرج وهو مرعوب بس شاهر شدو بقوه وقعو على الارض وقرب عليه بطريقه مخيفه

 

الشاب قال برعب..لا..بقولك..ايه ابعد عني..سبني امشي..انا..انا مليش دعوه..هيه..هيه الي غوتني و

 

بس شاهر قرب عليه اكتر وكانت نظراتو مرعبه

 

الشاب قال برعب…بقولك سبني..انت متعرفش انا مين..انا حمزه نجم الدين..ابن رفعت نجم الدين…اكبر رجل اعمال في البلد واقدر اوديك في داهيه و

 

بس قاطعو شاهر لما داس على رقبتو بجزمتو بقوه

 

غزل بقت تترعش وتحاول تبعدو وتقول…سييو..سيبو وانبي يا شاهر..هفهمك…

 

بس شاهر مكانش شايف قدامو ضربها قلم قوي جدا وقعها على الارض وفضل ضاغط على رقبه الشاب بقوه

 

باك

شاهر فاق من شروده على صوت رفعت بيقول ..ها..روحت فين…افتكرتني يا شاهر باشا مش كده…واكيد افتكرت حمزه…ابني الي ق*ت*لتو وحرمتني منو علشان واحده رخيصه…ق*ت*لتو وحرقتو حتى وشو مقدرتش اشوفو بعد ما شوهتو يا حقير

 

شاهر قال بغضب…انا مق*ت*لتش ابنك من غير سبب ..كان يستاهل الموت وحتى الموت بالنسبالو راحه…

 

بقلم..زهرة الربيع

رفعت قرب منو وقال..معاك حق..هو ارتاح…بس انت الي مش هترتاح…هتتعذب زيو واكتر منو كمان

 

غزال قالت باستغراب…مين ده يا شاهر ..ده ابو الشاب الي راح مع غزل المستشفي ومات هناك

 

شاهر لسه هيرد رفعت قال..ايوه انا ايوه يا حلوه…بس فبه سؤال محيرني محدش يعرف اجابتو غيرك…ازي ممكن واحده تعيش مع شخص ق*ت*ل اختها…ازاي قدرتي

 

غزال حست بعذاب من جملتو وشاهر بصلو بغضب وقال..انت عايز ايه دلوقتي غزال وسهام ومنزر ملهمش ذمب انت مش عايز تنتقم لابنك انا قدامك اهو سبهم يمشو

 

رفعت ضحك وقال…اسبهم يمشو …لا يا حلو…كل الي هنا هيموتو… وهيموتو بابشع الطرق كمان …حتى الي هحس اني اخدت حق ابني

 

غزال قالت بقوه …اقدر اعرف ابنك كان بيعمل ايه هنا…لو سمحت لو تعرف ايه الي حصل هنا تقولي

 

شاهر قال بغضب…غزال…اسكتي..احنا في ايه ولا في ايه

 

رفعت قال بسخريه..عايزه اتعرفي…متأكده

 

غزال قالت..ايوه يا ريت تقولي

 

رفعت قال بسخريه..مش انا الي هقولك…الي كانت هنا في البيت بنفسها هتقولك

 

غزال قالت باستغراب …مين كان هنا..هو كان فيه حد غير غزل هنا

 

رفعت ابتسم وقال…تعالي يا نور …احكيلها الي حصل

 

هنا دخلت نور بتوتر شديد

شاهر اتسعت عنيه بزهول وفضل باصص لها بصدمه بس غزال مكانتش فاهمه حاجه وقالت..نور دخلها ايه

 

رفعت قال بفحيح…نور هيه غزل…وغزل هيه نور …مش هتسلمي على اختك ولا ايه

 

كانت صدمه رهيبه لغزال وشاهر بس الصدمه الاكبر كانت لما منزر شال من على بق سهام الزق وقالت بصريخ…سبني اوعى تفكني…في قنبله في هدومي ابعد ووووووو