غزال وشاهر ج 3

بارت 5

هجمت عليه بالس*كين وعايزه تق*ت*لو وهيه بتقول ..حرقت

اختي وهيه عايشه واتجوزتني غصب …انت شيطان لازم تموت هق*ت*لك..هق*ت*لك ياشاهر

 

شاهركان ماسكها من معاصم اديها بغضب بيحاول يسيطر عليها وبيصلها بغضب وبقى يضرب ايدها في الحيط لحد ما وقعت الس*كين وضربها قلم قوي وقعها على السرير

 

غزال فضلت مكانها على السرير وبقت تبكي بيأس وشاهراتنهد بتعب وشال الس*كين وقال بغضب..انا عمري ما مديت ايدي على بنت وانتي لتاني مره تستفزيني وتخليني امد ايدي عليكي..مش هستحملك كتير على فكره

 

غزال ضحكت بسخريه وقالت بدموع…مبتمدش ايدك علي البنات …بس بتقدر تق*ت*لهم ..عادي مش كده

 

شاهر اتنهد بغضب وقال..المفروض تحمدي ربك انك لسه عايشه ..وتبوسي ايدك وش وضهر..انتي من شويه كنتي بتحاولي تق*ت*ليني جربي تعمليها تاني وهنيمك جمب اختك ..مفهوم يا حلوه

 

غزال بصتلو بحقد ودموعها على خدودها وقالت..ياريت اموت وارتاح من اني بشوفك قدامي ..انا مش قادره ابص في وشك

 

شاهر قال بغضب..ولا انا قادر ابص في وشك ملامحك دي بكرها..مش بطيقها..الملامح دي صدقت ما خلصت منها …

 

غزال وقفت وقالت بغصب…ق*ت*لتها ليه..انت اخدت الي عايزه منها غصب..طيب ق*ت*لتها ليه..خوفت لتفضحك ..طب لو كنت خايف من الفضيحه..جيت ليه في المستشفى وقلت انك انت الي عملت فيها كده..ليه ..اعترفت ليه..مكانش حد عارف ان انت الي اغت،صبتها وق*ت*لتها …اعترفت ليه

 

شاهر مردش وبص بعيد بغضب بس غزال قالت باصرار..رد عليا..مش ههدي الا لما اعرف..طب..طب بلاش اختي..انا ..انا اتجوزتني ليه ….جيت وطلبتني ليه..طلبتني لانك متاكد ان ابويا مش هيقدر يرفضك تاني بعد الي عملتو في غزل

 

شاهر بصلها بغضب وقال..اوعي تفتكري اني طايقك..انا اتجوزتك علشان احمي نفسي علشان ابوكي ميفكرش يبلغ ومحدش فيكم يفكر في اذيتي طلبتك للجواز وهددتو وهو طبعا خاف عليكي لانو شاف بعينو بعد ما رفض جوازي من غزل ايه الي حصل لها..فمحبش يغامر بيكي…السؤال هنا ليكي انتي..انتي بقى وافقتي عليا ليه

 

غزال بصتلو بغل وقالت..انا مش هقولك انا وافقت ليه..هتشوف بعنيك..انا وافقت ليه يا شاهر..بكره تشوف

 

غزال لسه هتمشي من قدامو مسك دراعها وقال بعصبيه..استني انا لسه مخلصتش كلامي..الجدع الي جيه انهارده ابن عمك بس..ولا فيه حاجه بنكم

 

غزال ابتسمت وقالت بحقد..تؤ ..لا..السؤال مش كده..السوال الصح ايه الي بينكم ..او الي بينكم واصل لفين

 

شاهر اتعصب وقال بغضب ..تمام..الي بنكم..واصل لفين..اخلصي

 

غزال بعدت وقالت بخبث ..والله مقدرش اقولك..اصل الي بنا واصل لبعيييييد..ابعد من ما تتخيل..وانا الصراحه بتكسف

 

شاهر ضحك وهو بيحاول يكتم غضبو وقال…الظاهر ان مش انتي الي هتروحي لاختك..شكلو ابن عمها هيحصلها الاول

 

عند منزر راح ورا سهام ودخل وراها الاوضه وكانت بتطبق الدولاب بعصبيه

 

منزر اتنهد بيأس لان دي عادتها كل ما تكون مضايقه ووقف وراها وحاوط خصرها باديه وباس كتفها وقال بحنان…هتفضلي كده لامتى..انا مش قادر اشوفك بتدبلي قدام عيوني كده

 

سهام اتملت عيونها دموع وبصتلو وقالت …انا مش بس بدبل انا بموت يا منزر..مش قادره..مش قادره استحمل

 

منزر اتنهد وقال..ياسهام ماما بتهزر وانتي عارفها والله دي بتحبك اكتر مني

 

سهام قالت بدموع..يا منزر انا مزعلتش من كلامها..انا..انا بقيت بتعصب من اقل حاجه..انا مضايقه مبقتش طايقه حد ولا طايقه اي كلمه..وبصتلو برجاء وقالت..وديني عند ماما يا منزر ..لحد..لحد ما تتجوز وتقضي اول الايام و

 

بس قطاعها لماشدها عليه وقال بابتسامه..انا قولتلك قبل كده ..انا مش عايز اي حاجه لو كانت هتبعدني عنك..شوفي لو عيزاني انزل دلوقتي اقولهم اني خلاص مش هتجوزها تمام..معنديش مشكله بس متبعديش عني

 

سهام اتنهدت بحزن وقالت..ده حقك يا منزر..مقدرش ابقى انانيه وامنعك انت واهلك نفسكم في طفل..وانا…انا مش هقدر احرمكم من حقكم

 

منزر حضنها وقال..هتعدي فتره وهتعدي انا جمبك..وهفضل ليكي انتي وبس..اوعدك

 

عند غزال خافت جدا من تهديد شاهر بس حاولت ميبانش عليها قالت…هتق*ت*لو زي ما ق*ت*لت غزل..بس ياتري هتق*ت*لو ليه..ايه السبب الي هتتحجج بيه المرادي

 

شاهر قرب منها وقال بطريقه مرعبه..انا مش محتاج سبب ..انا بخلص الاول وبعدين تتسهل بالسبب ….وايا كان الي بينكم ميهمنيش ولا انتي تهميني اصلا انا كل همي بنت عمي الغلبانه الي ابن عمك واخدها طريق يوصلي بيه..فهميه انو مش هيستفاد حاجه من الي بيعملو..واني نجم عالي قوي علي امثالو ومستحيل يقدر يأذيني تمام..الكلام ده ليه ..وليكي انتي كمان

 

شاهر قال كده وطلع بغضب وغزال قعدت على السرير ودموعها نزلت وقالت..ليه كده يا وليد ..ليه..من غير اي حاجه انا تعبانه ومش قادره اكمل …وبقت تبكي جامد بوجع شديد

 

تحت كانو كلهم في الصاله وراشد ومنى متحمسين جدا لخطوبه حور وبيختارو اكتر من تصميم لحفله الخطوبه ومبسوطين جدا

 

شاهر نزل وقال باندفاع عمي..انا لازم اتكلم معاك بخصوص عريس حور

 

راشد قال بحماس..طبعا..طبعا هنتكلم بس الاول اختار معانا ايه رأيك التصميم ده احلي ولا ده..

 

شاهر اتنهد بحزن لما شاف فرحتهم ولسه هيتكلم منى قربت منو وحضنتو وباست خده بفرحه وقالت..انا مبسوطه قوي يا شاهر…انا كنت كل ما اقول ان بنتي عمرها مهتعيش زي البنات انت كنت تقولي حور ربنا شايل لها خير كتير بس استني لما يختار لها..وكان معاك حق الظاهر ان ليه حكمه من كل حاجه حصلت علشان يتقدم لها شاب زي الورد كده انا فرحانه قوي يا شاهر

 

شاهر اتنهد ولسه هيتكلم حور قالت بضيق..وبعدين يا ماما هتتجنني من الفرحه هو انا عنست ولا ايه

 

منى ضحكت وحضنتها وقالت..يا قلبي هو انتي لو عنستي يتقدملك شاب كامل مكمل كده

 

هناء كانت بتختار مع راشد وشافت الحزن على ملامح شاهر قالت..خير يا شاهر لونك مخطوف عايز تقول حاجه يا ابني

 

منى وراشد بصولو بانتباه وراشد قال..اه صحيح كنت حابب تقولي حاجه على وليد خير

 

شاهر اتوتر ومقدرش يبوظ فرحتهم ويقولهم ان احتمال وليد يكون جاي ينتقم منو بسبب غزال .. خصوصا انو مش متأكد..اتنهد وقال..ابدا..انا..انا كنت بقول يعني هو طلع شغال في المشروع الجديد بس كده

 

راشد قال ..اه ما انا عارف قلي ..بقولك ايه…هو اتصل وقال انو هيجي هو وقرايب مراتك علشان نتفق ونقري الفاتحه ..هيجو بكره ان شاء الله

 

شاهر قال بدهشه بكره…يعني يتقدم انهارده ويقري فاتحه بكره ..بالسرعه دي يا عمي

 

راشد قال..يا ابني خير البر عاجله وبعدين انا عايز اخلص علشان الاسبوع الجاي هنعمل فرح منزر وناوي اعمل خطوبتهم في نفس اليوم

 

شاهر اتنهد وقال تمام..براحتك يا عمي

 

عند منزر كان قاعد بيتفرج على التلفزيون وسهام قاعده في حضنو وضهرها مسنود على صدره وبيتفرجو سوا

 

سهام كانت بتضحك على الفيلم ومنزر ابتسم وقال..قد ايه بعشق ضحكتك .. بحس بأمان الدنيا كلو فيها لو تفضلي تضحكي كده على طول

 

سهام بصتلو بابتسامه وعيونها بتلمع من جمال كلامو وقالت..تهمك ضحكتي يعني

 

منزر قال..بلاش تسأليني اسألي قلبك وهيقولك اقل تفاصيلك بتهمني لو حتى رمشه من عيونك

 

سهام ابتسمت وقربت وقالت قدانم شفايفو…عايزه اثبات

 

منزر ابتسم بسعاده وعيونه لمعت وهو بيبص لعيونها بعشق وشدها عليه وقرب من شفايفها بس قطع لحظتهم صوت رنه تليفونو

 

سهام بعدت بخضه وضحكت جامد ومنزر شد شعره لورا وقال..يعني من بين سعات اليوم ال٢٤..يرن دلوقتي..حبكت الاتصالات و

 

منزر قطع كلامو لما شاف اسم المتصل وارتبك جامد

 

سهام استغربت وقالت ..فيه ايه مالك..مين الي بيتصل

 

منزر كنسل وقال بتوتر…لا…لا ده ..ده رقم غريب و

 

بس سهام سحبت التليفون منو وحاول يمنعها بس ملحقش…بلعت ريقها بوجع وقالت…نور…هو…هو انت ..انت بتكلمها

 

منزر قال بسرعه… ابدا والله انا بس ادتلها الرقم علشان لو حبينا نحدد اي مواعيد او هما حبو يسألو على حاجه و

 

سهام حضنت وشه باديها وقالت

..بحزن..دي هتبقى مراتك يا منزر ..مفيش داعي تبرر..انت مبقتش ملكي لوحدي زي الاول علشان تبررلي

 

سهام لسه هتمشي مسك ايدها وقال…انا هفضل ملكك طول العمر يا سهام ليكي انتي وبس..دي حاجه انا متأكد منها

 

سهام اتملت عيونها دموع وكانت نفسها تحضنو ولسه هتقرب التليفون رن تاني

 

منزر اتنهد بغصب وسهام بعدت عنو وقالت بحزن..كلمها..انا طالعه خد راحتك

 

منزر اتنهد وقال….لا طبعا.دي اوضتك وبعدين انا هكلمها قدامك …هشوفها بس عايزه ايه..دقيقتين اتنين اصللا مفيش حاجه بنا تتقال ..هرد علبها اهو..بس وانبي ما اتعيطي تاني

 

سهام هزت راسها بالموافقه… ومنزر فتح عليها بضيق وقال..نعم..فييه ايه انا مش قولتلك متتصليش الا للضروره

 

سكت شويه سمعها وقال بزهول وصدمه…نعم…انتي هنا..هنا ازاي في القصر يعني

 

بقلمي…زهرة الربيع

عند شاهر طلع على اوضتو بضيق بعد ما حس ان مش هينفع يقول لعمه حاجه عن وليد دخل الاوضه بشروود

وكانت غزال بتذاكر بعض الدروس المتأخره

 

شاهربصلها بالامبالاه وقال…هو انتي لسه بتدرسي

 

غزال قالت من غير ما تبصلو ..هو انا المفروض ارد عليك

 

شاهر قعد قصادها واتنهد بضيق وقال..ايه رايك نعمل هدنه..ابن عمك الناصح جاي بكره علشان يقرى الفاتحه بعد كده هنعمل خطوبتهم وفررح منزر وفيه ناس كتير هتبقى معزومه وياريت لو تتكرمي تفضلي هاديه..هو انا اكيد مش خايف منك بس حابب اقضي اليومين دول في هدوء قولتي ايه

 

غزال وقفت وابتسمت بسخريه وقالت…وانا موافقه..بس بشرط

 

شاهر ابتسم بسخريه وقال..انتي الي هتشرطي كمان….اتفضلي اتحفيني

 

غزال بصتلو بغل شديد وقالت..عايز اعرف حرقت اختي وهيه عايشه ليه يا شاهر

 

شاهر اتحولت ملامحو لغضب رهيب وقبل ما ينطق قالت..وج*ثه مين الي اتحولت على المستشفى يومها..عايزه اعرف كل حاجه..واولها ازاي اخدت اختي على البيت الغريب البي كانت فيه..اتكلم يا شاهر …ق*ت*لتها ليه

 

شاهراتعصب السيره دي بتخنقو والغضب غيير ملامحو ولسه هيتكلم سمعو صوت وصراخ من تحت

 

شاهر قال بزهول..ايه الصوت ده…. ونزل جري وغزال نزات وراه بخوف واول ما نزلو اتفاجأو بسهام ماسكه واحده من شعرها وبتضربها بغضب وهناء ومنى ومنزر بيحاولو يفصلو بينهم

 

شاهر اتخض وقال ايه ده..مين دي ….وجري ناحيتهم وغزال وقفت جمب حور بتوتر وقالت..فيه ايه يا حور ايه الي بيحصل هنا

 

حور قالت بارتباك..سهام مرات منزر…بتتخانق مع نور خطيبتو ووووووو

بارت 6

غزال قالت بدهشه ..سهام مراتو بتتخانق مع نور خطيبتو.. ازاي هو منزر متجوز اتنين

 

حور قالت..لا ياغزال هو متجوز سهام بس نور لسه خطيبتو..بس هيتجوزها قريب

 

عزال مكانتش فاهمه حاجه بس جريت ناحيتهم ومسكت في سهام مع منزر ومنى وهناء مسكو نور الي كانت منهاره وبتبكي جامد

 

شاهر قال بغضب وزعيق..فيه ايه حد يفهمني ايه الي بيحصل فيه ايه يا منذر

 

منزر قال بارتباك..مفيش..مفيش نور…نور جايه علشان تتكلم مع ماما بس اتخانقت مع سهام و

 

بس سهام زقتو وقالت بغضب..هيه سهام الي اتخانقت معاها..مسمعتهاش قالت ايه

 

منزر لسه هيرد منى قالت بسرعه..معاها حق..انتي غلطتي يا نور مكانش فيه داعي تقولي كده يا بنتي..حقك عليا انا ياسهام

 

نور بنت جميله و ملامحها غريبه جدا عمرها ١٩ سنه قالت قاصده تغيظ سهام..معاكي حق يا حماتي وبصت لسهام وقالت..انا اسفه يا طنط سهام

 

سهام اتسعت عنيها بزهول وقالت… طنط…وبصت لهم بدموع وطلعت جري على اوضتها

 

منزر بص لنور بغضب رهيب وقال..انتي بتستعبطي يا بت انتي..ده انتي تتشافي امها..ايه لزمة الكلام االي زي السم ده انا مش حذرتك ملكش دعوه بيها

 

شاهر حاول يهديه وقال..منزر مش كده اهدى.. لاكن منزر قال بغضب اكبر..سهام مراتي… مراتي وحبيبتي وانا مكدبتش عليكي ومن الاول قولتلك ملكيش دعوه بيها..لان حتى لو هيه غلطت معاكي هتفضل مراتي وانتي الي هتخسري لان فيه منك كتير قوي

 

نور نزلت دموعها ومنى قالت..يا ابني عيب كده

 

منزر قال..العيب عليها هيه..الي داخله بيت هيه ضيفه فيه علشان تتخانق مع صاحبتو

 

منزر قال كده وطلع ورا سهام بغضب منى قعدت نور وبقت تهديها وشاهر ادالها كبايه ميه بس نور بصتلو جامد جدا واخدت منو الكبايه ولمست ايده بقصد وقالت بنبره غريبه ..شكرا كلك ذوق

 

غزال خدت بالها من حركتها واتنهدت بضيق وشاهر كمان اخد بالو بس مهتمش وقال ممكن تكون مش قاصده

 

غزال قالت ..هو ايه الي حصل يا ماما هناء..سهام تبان هاديه جدا وملهاش في الخناق

 

هناء قالت بحزن..نور كانت جايه تتكلم شويه مع منى وبعدين منزر جاب سهام تسلم عليها وهيه قالت كلمتين مش حلوين اكيد من غير ما تقصد

 

نور بصت لها بسخريه وقالت..كل الحكايه انها مستحملتش الحقيقه انا مقولتش حاجه غلط

 

حور قالت بغضب..دي مش حقيقه ابدا..ازاي تقوليلها انها مودل قديم وله حق يتجوز عليها..على فكره المودل القديم الي مش عجباكي دي مستحيل تاخدي نص مكانتها لو عشتي هنا ميه سنه..سهام قمر ومش انتي الي هتعدلي عليها

 

نور قالت بلؤم..ايه هو انتي شوفتيها يا حور..علشان تعرفي..على حد علمي انك مش بتشوفي ابدا

 

حور زعلت جدا من الي قالتو وقالت..فيه ناس مش بتحتاجي عيون علشان تعرفي جمالهم ..وكمان فيه ناس مش بتحتاجي لا عيون ولا وقت علشان تعرفي قد ايه سود من جوه

 

حور قالت كده ومشيت على اوضتها ونور قالت بحزن مصتنع..هيه زعلت هيه كمان ولا ايه..انا مقصديش ازعل حد انا شكلي مش هنفع محدش بيحبني ابدا

 

غزال وشاهر بصولها نفس بعدم تصديق وابتسامه جانبيه اما هناء ومنى فضلو يهدوها ومني قالت..ولا تزعلي نفسك انتي اكيد متقصديش وهنروح ونعتزر لسهام وهيه مفيش اطيب من قلبها

 

غزال اتنهدت وقالت..والله انتي الي مافيه اطيب منك يا منمون

شاهر ضحك بخفه وكانت دي اول مره غزال تشوفو بيضحك وقال…طيب عن اذنكم انا ورايا كام حاجه هكملهم

 

شاهر طلع وغزال طلعت وراه ونور كانت بتبص لطيفهم بغضب يحرق الكون ونظرات فظيعه مرعبه

 

عند سهام كانت على سريرها بتبكي جامد وهيه بتفتكر شكل نور ولبسها الضيق الي مبين انوثتها وملامحها الطفوليه كانت بتنهار من جوه وهيه حاسه ان منزر اكيد شايفها احلى منها واصغر

 

منزر دخل الاوضه واتنهد بحزن وقعد جمبها وقال…يا ريتني ما قولتلك تنزلي.. كان كل قصدي تشوفي بعينك انها متهمنيش ولا فيه اي كلام بنا..والله لو اعرف هتقول كده وهتضايقك كده ما كنا قابلناها اصلا حقك عليا

 

سهام بصتلو بدموع وقالت بوجع..هو..هو انا صحيح زي ما هيه قالت..انت..انت كمان شايفني زي ما هيه شيفاني .يعني علشان لبسي واسع..ومش بحط البلاوي الي هيه حطاها في وشها..هي..هيه احلى مني يا منزر

 

منزر ابتسم وهو بيبصلها بعشق وشال التوكه الي رافعه بيها شعرها ونزل شعرها الحريري على كتافها ومسح دموعها بصوابعو بحنيه وقال…هتصدقيني لو قولتلك اني معرفش ملامحها لحد دلوقتي…ولا اعرف اذا كانت حلوه اولا..بس الي اعرفو..تنك اجمل واحده شافتها عيوني..ولبسك الواسع ده وجمالك الطبيعي الي مش محتاج اثبات هما الي غرقوني في حبك..ويشهد عليا ربنا انا عمري ما فكرت في اي حاجه من الي قالتها دي هيه بس تلاقيها غارت منك مكانتش متوقعه انك بالجمال ده

 

سهام حضنتو جامد وقالت…انا بحبك يا منزر…بحبك اوي..خليك جمبي مش عايزه اخسرك

 

منزر باس راسها وضمها لحضنه اكتر وقال…عمرك ما هتخسريني..هفضل على قلبك لحد ما تزهقي مني..القلب ده ليكي وبس ..ومن بعدك للتراب

 

سهام باستو من خده وقالت بابتسامه..بعيد الشر عن قلبك..وحضنتو وفضلت في حضنو امانها وملازها الوحيد حتى من افكارها

 

عند شاهر دخل الاوضه وقال بضحك…با بختك يلا يا منزر..صحيح ميجننش الست الا ست زيها..المفروض كل راجل يتجوز اتنين ساعتها بس يدوق الدلع

 

غزال بصتلو بضيق ومردتش وشاهر بصلها وقال ..لاحظتي حاجه في البنت الي جات دي

 

غزال قالت بلامبالاه..لاحظت انها ملست على ايدك وانت بتديها الميه يا دنجوان عصرك

 

شاهر قال ..وانتي مضايقه ليه…البنت متقصدش

 

غزال ضحكت جاكد وقالت…ده على اساس انها لو تقصد ههتم اصلا..من كتر حبي فيك وغيرانه بقى وكده وبقت تضحك بسخريه

 

شاهر قرب منها وبص في عيونها جامد وقال…انا بقى حسيت انك اهتميتي…صدقيني يا غزال..اذا انا حابب اخليكي تحبيني وتغيري عليا مش صعبه ابدا بالنسبالي..بس انتي مش داخله دماغي

 

شاهر كان باصص في عيونها جامد وغزال قربت منو اكتر وقالت ..عارف يا شاهر …قلبي ده..لو هشوحه مع بصله واحشيه في رغيف..مش هيحبك..ولا هيكون ليك لحد ما موت

 

غزال بعدت وشاهر وقف بزهول وقال..تشوحيه..مع بصله.. اننتي جعانه ولا ايه ..ماعلينا تصبحي على الشر كله

 

غزال قالت بسرعه..تصبح على النكد والغم ولو متصبحش يبقى احسن… بس جاوبني الاول على السؤال الي سألتهولك

 

شاهر اتنهد وقال بضيق..سؤال ايه.

 

غزال قالت …هو فيه غيره حرقت غزل ليه…وج*ثة مين الي اتحرقت يومها

 

شاهر اتنهد بغضب وقال…شوفي لنا مش هتناقش معاكي في الموضوع ده لانو بيخنقني..واجابتي مش هتتغير..اختك عجبتني خدت الي عايزه منها وحرقتها علشان محدش يعرف وعلشان مركذي واعترفت لابوكي علشان يوافق يجوزك ليا ويفهم ان لو عند زي المره الاولي ورفض هتحصليها..ادي كل الحكايه عايزه تصدقي صدقي مش عايزه انتي حره

 

غزال بصتلو بقرف وقالت…وبكل سهوله بتعيد القرق ده انت مش حاسس بالذمب ابدا

 

شاهر قال بغضب..لو كنت هحس بالذمب مكنتش عملتو

 

غزال مشيت بغضب ونامت على السرير بعصبيه وقالت…هدفعك تمن عذابها وتمن عمرها الي راح بكره تشوف يا شاهر

 

شاهر اتنهد بلا مبالاه وقال..تمام …هنام شويه ولما اصحى بقى ابقى اشوف

 

في اليوم التاني كانت قرايه فاتحة وليد وحور وكان وليد هو واهل غزال سوا في الصالون وراشد ومنزر ومنى وهناء معاهم وطبعا شاهر الي كان بيبص لوليد بطريقه مستفزه ووليد بيبصلو ينظرات حقد وكره وغضب

 

غزال وسهام كانو بيجهزو حور ويلبسوها ونزلو سوا واول ما دخلو وقف وليد وبص على حور وجات في بالو ذكريات له مع غزال كان قايل لها في يوم انو حابب تلبس في حنتها فستان هادي بالون الازرق الفاتح وشعرها يكون مفرود وتكون بميكب خفيف

 

وليد ابتسم بسخريه لما شاف طلة حور وكانت لابسه نفس اللون وعامله نفس الاستايل الي حلم بيه بص لغزال بسخريه لانو متأكد ان هيه الي لبستها وبصلها من فوق لتحت وكانت لابسه عكسها تماما.. كانت لابسه فستان بالون الاحمر الامع وميكب انيق كامل وشعرها مرفوع وطالعه زي عارضات الازياء

 

شاهر كان باصص لغزال بنظرات تقيم ومبهور بيها مكانش متوقع انها بالجمال والانوثه دي ..كانت جميله وشيك ومغريه لابعد الحدود

 

وليد اخد حور جمبو وقرو الفاتحه وسط نظرات عيله حور الي كانو مبسوطين جدا عكس اهل عزال الي كانو مرتبكين قوي

 

غزال راحت جمب امها وقالت بهمس..ايه الهبل الي وليد بيعملو ده ياماما

 

عليه قالت بحزن..والله ما انا فاهمه حاجه..من اول ما عرف انك اتجوزتي واتجنن خالص و بيتصرف من دماغو وعك الدنيا …اتجبرنا نيجي معاه

 

غزال لسه هترد شاهر نادالها اتنهدت بضيق وراحتلو وقالت …نعم..فيه حاجه

 

شاهر قال بضيق…ابن عمك امتى ناوي يوقف العبه الهبله دي…مستني يتجوزها يعني.. مخلاص بقت واضحه زي الشمس انو جاي علشانك

 

غزال قالت بضيق..وانا مالي..قولتلك مفيش بنا حاجه مبتفهمش

 

شاهر ابتسم بسخريه وقال…لا والله..اممم…بس عارفه معاه حق يتغاظ قوي كده…الصراحه انتي انهارده صارووخ..وشدها جامد عليه وهمس في ودنها وقال…تتاكلي اكل

 

بقلمي …زهرة الربيع

غزال كانت بتحاول تبعدو من غير ما حد ياخد بالو بس شاهر كان ماسكها بقوه وبيبتسم بلامبالاه

 

غزال قالت بغضب مكتوم…سبني يا شاهر ..شيل ايدك لتنساها

 

شاهر ضحك وبصلها وقال…رغم طوله لسانك لاكن بجد انهارده طالعه حكايه

 

غزال زقتو بالعافيه وطلعت لبره ووقفت في التراس تشم هوا كانت مخنوقه جدا وصعبانه عليها حور ملهاش ذمب في كل الي بيحصل وكمان وليد ونظراتو معذباها..معاه حق اليوم ده كان من حقهم سوا …فضلت تايهه شارده بحزن بس فاقت من شرودها على صوت وليد بيقول…مدام مش بتحبيه ومش طايقه يلمسك اتجوزتيه ليه

 

غزال اتسعت عنيها بزهول وبصتلو برعب وقالت..وليد انت. انت ازاي طلعت من عند عروستك ارجوك بلاش جنان…ارجع قبل ما حد يشوفك

 

وليد ابتسم بسخريه وقال..هو انا لو كنت خايف من حد كنت جيت وعملت كل ده يا غزال

 

غزال قالت بارتباك وخوف..طيب تمام..ارجوك ارجع وهنبقى نتكلم وقت تاني

 

وليد قال بغضب… لا هنتكلم دلوقتي ..ردي عليا يا غزال..ايه الي حصل في غيابي…اتجوزتي ليه..ازاي قلعتي دبلتي واتجوزتي غيري بالسهوله دي من غير حتى ما اعرف

 

ينفع اجاوبك انا …ولا لازم غزال…قالها شاهر بابتسامه مستفزه غاضبه بعد ما سمعهم ووووووو