غزال وشاهر ج 7

_الجزء_الثالث_عشر

لقت ورقة جواز عرفي باسم جوزها واختها عنيها كانت هتطلع من مكانها وهيه بتقراها اكتر من مره بزهول.. شيئ ميقدرش عقلها البسيط يستوعبه ولا يتحمله

 

غزال كانت شارده في الورقه ومش مصدقه بس فاقت لنفسها لما سمعو صوت الميه اتقفلت ..يعني شاهر خلص استحمام وفي اي لحظه ممكن يخرج حطت الورقه بسرعه في الخزنه وقفلتها وقعدت مكانها على السرير بتوتر شديد

 

شاهر بصلها شويه وقال..خير متوتره كده ليه

 

غزال قالت بارتباك..انا..لا..لا ابدا..انا بس كنت عايزه انام

 

شاهر قال ..تنامي..ههه .دا احنا صحينا من ساعتين بس

 

غزال لسه هترد بس سكتت لما سمعو صوت خبط على الياب

 

شاهر راح فتح وكانت الخدامه ومعاها العصير اخدو منها وحطو على الطاوله وقعد يكمل شغل

 

غزال قامت بتوتر ووقفت قدامو وقالت…شاهر…عايزه اسألك سؤال

 

شاهر كان مشغول وقال من غير ما يبصلها .اممم اسألي

 

غزال قالت …انت تعرف غزل من قبل ما تتقدملها صح

 

بقلمي…زهرة الربيع

شاهر بصلها شويه واتنهد بضيق.وقال….تاني الموضوع ده..احنا مش قفلناه

 

غزال قالت بعصبيه..لا متقفلش يا شاهر ..متقفلش انت ..انت لازم تحكيلي…وهدت لهجتها وقالت بدموع ..شاهر…انا هموت وافهم انت عملت كده ليه..مش داخله دماغي انك ق*تلتها علشان اعتديت عليها..مش جايه معايا انك اعتديت عليها اصلا..انت متعملهاش ..احساسي وعقلي وقلبي رافضين يصدقو

 

شاهر مصدقش الي قالتو ابتسم وقلبو كان بيدق ووقف وبصلها في عيونها بتركيذ وقال…قلبك….قلبك بيقولك اني معملش كده

 

غزال اتوترت وارتبكت من نظراتو وقريو وررجعت لورا وقالت ..قصدي..قصدي احساسيي و….

 

قاطعها شاهر وهو بيتقدم وباصص لها اوي وقال..مالو احساسك..ها

غزال قالت بتوتر اكبر…يعني..انا وبلعت ريقها الي جف من كتر التوتر وبتبعد عيونها عنو شافت كبايه العصير الي على الطاوله مسكتها وشربتها على دفعه واحده

 

شاهر بصلها بدهشه وضحك بخفه علي توترها وقال…على فكره ده العصير بتاعي

 

غزال اتنهدت وقالت ..اطلب غيره وبعدين لما تجيب حاجه ليك تعمل حسابي معاك انت مش لوحدك في الاوضه

 

شاهر ضحك وقال..هو انا هحاسب عليه…امتى ما تحبي تشربي حاجه اطلبيها مش ضروري نشرب عصير في نفس الوقت

 

غزال قالت ..سيبك من العصير ياشاهر..ما تزوغش في الكلام ..رد علي سؤالي

 

شاهر اتنهد وقال…طيب..احم…ايوه كنت اعرفها

 

غزال قالت …تعرفها ازاي يعني وضح

 

شاهر بص بعيد عنها وقال ..كنا نعرف بعض..و…وكان فيه بنا علاقه …كنت بحبها…للاسف…و مقدرس اقولك اكنر من كده..وارجوكي متسأليش في الموضوع ده تاني..لو سمحتي

 

غزال اتصدمت من الي قالو ولسه هترد حست بالم شديد في معدتها وقالت بوجع ….اااه….

 

شاهر بصلها بقلق وقال… مالك يا غزال فيه ايه.

 

غزال مسكت بطنها وقالت بصراخ..اااااااه..الحقني..بطني ….بطني بتتقطع يا شاهر…. ااااااااااااااااه

 

شاهر خاف جدا عليها وقال برعب..مالك طيب..ايه الي حصل ..هطلب الدكتوره حالا.

 

شاهر جري على التليفون بس غزال بصتلو بتوهان و عرقت جدا وفجأه اغمى عليها

 

شاهر اتخض ورما التليفون وجري عليها ولسه هيشلها اتفاجأ انها تقيأت بالون الاابيض وهنا اتأكد انها اتسممت كان مصدوم ومرعوب عليها بس شالها بسرعه ونزل بيها جري على تحت

 

عند حور طلعت من الحمام وبتنشف شعرها ولابسه بيجامه جميله وشكلها قمر

 

وليد فضل باصص لها باعجاب شويه وبعد كده اتنهد بحزن لانو عارف انها زعلانه منو قال..حور انتي لسه زعلانه

 

حور بقت تمشط شعرها وقالت بجمود…وهزعل ليه..انا وانت مفيش اي حاجه بنا…انت غلطت لما عملتني طريق يوصلك لبنت عمك…ودي حاجه انا متعوده عليها..متقلقش

 

وليد حس بالذمب تجاها وكلامها وجعو وقال..انا اسف يا حور..والله انا …انا عارف اني غلطت معاكي بس من الغضب الي جوايا مقدرتش افكر ..سامحيني ارجوكي

 

حور كانت ايدها بترتعش ودموعها بتنزل على خدودها زي قطرات الندى ومن رعشة اديها المشط وقع منها

 

حور بقت تحسس باديها علشان تلاقي المشط بس وليد اخد المشط وبقى يمشط لها شعرها بحنان

 

حور قالت بتوتر..انا همشط لوحدي..شكرا

 

بس وليد فضل مكمل وقال باعجاب شديد..شعرك حلوقوي…ناعم…وجميل …وقرب منها وقال جمب ودنها… وريحتو تجنن

 

حور غمضت عنيها واتوترت جدا وقالت بصوت مبحوح..وليد..ابعد

 

وليد كان زي السكران وحابب قربها جدا وناسي اي حاجه تانيه لفها ليه ورفع وشها بصوابعو وقال …انتي جميله اوي يا حور… اسم على مسمى كانك نازله من الجنه..كل حاجه فيكي تبهر اجدع راجل في الدنيا..شعرك وعيونك الي فيهم امان الدنيا وخدودك وقرب منها جامد وقال وشفايفك..يشدو اي حد ويتمنى يدوق الشهد منهم

 

حور كانت شبه متخدره من كلامو ولمساتو ووليد بلع ريقه بتوتر ورغبتو نستو الدنيا وقرب من شفايفها وباسها برقه والرقه اتحولت لقوه وشغف وجنون كانت اديه بتتجرأ على جسمها وبيلتهم من شفايفها رحيق الجنه

 

حور كانت مندمجه معاه بس فاقت لنفسها بزهول وزقتو بقوه

 

وليد كان متمكن منها ودفعتها خلتو يوقف الي بيعملو بس كانت لسه بين اديه كان بيبصلها باعجاب ومبسوط بالحظه دي وانفاسهم بتتسارع

 

حور قالت بتوتر شديد..اوعي سبني.. انت..انت ايه الي عملتو ده

 

وليد ابتسم وقال…عملت ايه..انا اعمل الي انا عايزه …انتي حلالي

 

حور زقتو جامد لحد ما هربت من بين اديه وقالت بعصبيه..لا… انا مش حلالك واياك تقرب تاني سامع

 

وليد لسه هيرد سمعو خبط على الباب راح فتح وكانت منى

وليد قال..خير يا ماما في حاجه

 

منى قال بدموع وخوف..غزال..غزال اتسممت وشاهر طلع بيها على المستشفى وكلنا رايحين وراه اجهزو بسرعه لو هتيجو معانا

 

منى قالت كده ونزلت ووليد اتجمد ممانو بصدمه وقال..غزال …..ونزلت دموعو وهو مكانو مصدوم

 

حور جريت عليه وقالت عكس الالم الي جواها…لازم تقوي با وليد خلينا نروح نشوفهم يلا بينا بسرعه

 

في المستشفى كان شاهر رايح جاي بعصبيه وكل ما دكتور يخرج يتخانق معاه وواقف بره بعصبيه حابس دموعه بالعافيه لحد ما طلعت الدكتوره وقالت…حالة تسمم شديده عملنا غسيل المعده بس السم كان تقيل وكان هيوصل للقلب

 

شاهر قال بصدمه ودموع..طب..طب ازاي انا مكملتش ربع ساعه جبتها على طول

 

الدكتوره قالت يمكن جرعه السم كانت عاليه..المهم حاليا انها تفوق بالسلامه والسم ده مياثرش عليها…ربنا يقومها بالسلامه

 

شاهرفضل واقف يبص عليها من بره الباب ونزلت دموعه لما افتكر نفس الموقف ده واختها كانت نايمه على السرير في قسم الحروق وكانت اتشوهت بالكامل بس كان وقتها بيبصلها بنظرات غضب وباصص للجهاز مستنيه يعلن عن وفاتها

 

عكس دلوقتي باصص لغزال بدموع وحسره على كل دقيقه زعلها فيها..وباصص لجهاز القلب بقلق وخوف ومش راضي يقعد ابدا

 

في الوقت ده وصلو كل عيلتو واول ما وصلو عندو امه جريت عليه وشاهر اترمى في حضنها زي الطفل وبقى يحصنها ويجاهد علشان دموعه متنزلش وقال …شكلي هخسرها يا امي…هتروح مني..غزال تعبانه اوي

 

هناء قالت بدموع..لا يا حبيبي متقولش كده… ربنا كبير

 

سهام وحور زمنى كانو بيبكو خصوصا سهام لانها بتحبها جدا

وراشد كان قاعد بيدعي وحزين على حزن عيلتو ومنزر واقف جمب شاهر وبيحاول بهديه ويطمنو

 

اما وليد راح وقف عند الباب بدموع وفضل باصص عليها وبيفتكر طول الوقت الي قضوه سوا … طفولتهم كانو سوا ..ومدرستهم ….وحتى شبابهم متربين سوا وياما كان يحميها وكانت تجري عليه في اي حاجه تزعلها

 

شاهر بصلو بغضب وقال..انت بتعمل ايه عندك

 

وليد قال بهدوء…غزال بنت عمي متربين سوا يا شاهر ..لو سمحت مش وقتو

 

شاهر محبش بتخانق معاه لانو دماغو حاليا مشغوله ومش بيفكر غير في غزال فضلو طول اليوم قاعدين سوا وبيدعولها والكل كان زعلان عليها وعلى شاهر الي اول مره يشوفووه بالحاله دي

 

في القصر كانت نور قاعده بغضب بعد ما عرفت ان غزال الي اتسممت وقلقانه جدا وتلفونها رن جريت عليه وقالت …الو

 

وكان الشخص الي بيكلمها قال ..ها ايه المرادي

 

نور اتنهدت وقالت بحزن …زفت..مفيش فايده ..غزال اتسممت بدالو

 

المجهول قال بغضب …انا قولت انتي مش هتنفعيني…هما فين دلوقتي

 

نور قالت ..في المستشفي

المجهول قال…خلاص كده انا هعرف شغلي معاه

 

نور قالت بغيظ…يعني هتقت*لو وندخل برضو في سين وجيم قولتلك خليه يبان حادث

 

المجهول قال…متقلقيش هخليه حادث ويبقى ترند الحوادث كمان

 

في المستشفى كانو قاعدين بتوتر لحد ما طلعت الدكتوره وقالت..المدام فاقت تقدرو تشوفوها بس بالدور

 

اول ما قالت كده شاهر جري على الاوضه من غير ما يستنى والكل بقى يحمد ربنا انها قامت بالسلامه

 

شاهر اول ما دخل الاوضه ابتسم وعنيه بتلمع بالدموع وقال …حمد الله على سلامتك

 

غزال ابتسمت وقالت…احم…انت ..انت كنت بتعيط

 

شاهر قال بسخريه مصتنععه..ههه..اعيط..علشانك

…واضح ان البنج لسه مأثر عليكي

 

غزال ابتسمت لانها كانت متأكده انو بيكدب قالت…تمام…هعمل مصدقاك

 

شاهر مسك ايدها وبص في عيونها وقال…انا حقيقي خوفت عليكي يا عزال…كنت هتجنن لو جرااك حاجه

 

ليه..قالتها غزال وعيونها على عيونه

 

بقلمي…زهرة الربيع

شاهر قال بارتباك..علشان…علشان انتي…انتي مراتي و

 

بس قطع كلامو لما منى دخلت وقالت ..ايه يا حلوين معلش بقى استحملونا عايزين نطمن بس

 

شاهر وقف وقال… تعالي يا منمن ..انتي تيجي في اي وقت… ودخلو ورا بعض وشافوها واطمنو عليها حتى وليد دخل سلم عليها وخرج طبعا في وجود شاهر وفضلو لحد ما الدكتوره كشفت عليها واذنت لهم بالخروج

 

وطلعو كلهم على القصر بعربيات متفرقه زي ما جم كانت غزال وشاهر مع بعض… ومنزر ومراتو …وراشد ومراتو وهناء…. ووليد وحور

 

على الطريق كانت عربيات الكل سبقت شاهر وغزال وكان شاهر ماشي على مهل شويه لان غزال معدتها لسه وجعاها …

 

غزال كانت ساكته طول الوقت وشاهر بصلها وقال..انتي لسه موجوعه يا عزال

 

فزال اتنهدت و قالت…لا ابدا…بس مستغربه…الي حصل ميبانش صدفه ابدا

 

شاهر اتنهد وقال..معاكي حق..انا من ساعة ما شوفت العقرب وانا كنت متأكد انها صحراويه ومستحيل تيجي من الجنينه… وده معناه ان فيه حد كان عايز يقت*لني..وبرضو انا متأكد ان العصير الي شربتيه هو الي سممك وبرضو العصير كان طالع ليا..انا لازم اشوف الخدم واعرف ازاي ده حصل

 

غزال قالت باستغراب ..تفتكر مين ممكن يحاول يقت*لك

 

شاهر ابتسم بسخريه وقال…واضحه اصلا ومش محتاجه تفكير

 

غزال قالت باستغراب قصدك مين و

بس قطعت جملتها وضحكت بسخريه لما فهمت قصدو وقالت…قصدك وليد..مش كده

 

شاهر اتغاظ من ضحكها وقال..هيكون مين غيره

 

غزال لسه هترد فيه عربيه طلعت قدام شاهر ورمت ماده تحت عربيتو والعجلات نامو في ثواني

 

غزال صرخت برعب ومسكت في شاهر والعربيه اختل توازنها و دارت بسرعه ونزلت في منحدر وووووو

#_الجزء_الرابع_عشر

العربيه دارت وكانت هتتقلب وشاهر سيطر عليها باعجوبه ونزلت في منحدر او وادي شبه الغابات

 

شاهر طلع من العربيه بتعب وجري ناحيه غزال وفتح لها الباب بالعافيه لانو علق وسط الصخور

 

غزال نزلت بتعب وقالت…ايه الي حصل وكانت دماغها نزفت بس بسيط

 

شاهر شاف الدم على حاجبها واتخض وقال..غزال انتي كويسه …انتي مجروحه

 

غزال ضحكت بالم وقالت..بقى الخربشه دي بتسميها جرح..متقلقش انا بخير و

 

بس قبل ما تكمل اتفاجأو بشده لما انضرب عليهم نار وطلقات الرصاص كانت كتير

 

شاهر شد غزال واستخبى ورا العربيه ومد ايده في التابلوه وبالعافيه لقا السل*اح بتاعو..الي بيسيبو في العربيه للحمايه

 

شاهر شد اجزاء الس*لاح ولسه هيضرب… غزال مسكت ايده وقالت بخوف..انت هتعمل ايه..مين دول

 

شاهر قال بسرعه..متخافيش..احتمال يكونو قطاع طرق

 

غزال قالت بخوف…طيب خلينا نكلمهم نعرف نيتهم و لو عايزين فلوس نديهم و

 

شاهر قال بغضب وتريقه…ولو كانو قاصدين يقت*لونا..نسبهم يموتونا واهو نبقى عرفنا نيتهم مش كده

 

غزال لسه هتقنعو ضرب النار زاد وجات طلقه في قزاز العربيه وعملت صوت رهيب وغزال صرخت برعب

 

بقلم…زهرة الربيع

شاهر بقى هو كمان يضرب عليهم نار وتبادلو الطلقات وكان الوضع يقلق

 

في القصر الكل وصلو وكانو بيشربو قهوه في الصالون وراشد بص في الساعه وقال..ايه الحكايه..بقالنا ربع ساعه واصلين ليه شاهر لسه مرجعش

 

منزر قال بلا مبالاه…تلاقيهم ميلو على تلاجه قصب يشربولهم كبايتين ولا حاجه بما انهم لوحدهم

 

راشد قال بزهول..قصب…ده مفهومك عن اتنين متجوزين وطالعين لوحدهم .. اسكت يا منزر اسكت ربنا يهديك

 

الكل ضحك ومنزر قال بغيظ..انا قولت ايه يضحك يعني هو القصب وحش ولله ما انتو عارفين حاجه

 

سهام ضحكت وقالت..لا طبعا يا حبيبي..مين قال القصب وحش ..انا جوزي استاذ في الرومانسيه..بس متقولش لحد افكارك لحس تتحسد يا حبيبي

 

الكل ضحكو عليه…ومنزر قال بتمثيل الصدمه …حتى انتي يا سهام ..يا خساره القصب الي شربتهولك

 

وليد ضحك وقال..هيه كمان شربت قصب

 

منزر بص لسهام بمعاكسه وقال….امال… مش شايفها سكر ازاي

 

هناء قاطعتهم و قالت بقلق..لا والله يا جماعه بجد انا قلقانه…هو صحيح شاهر قال هيسوق على مهل علشان غزال تعبانه بس ابني واناعرفاه معندوش خلق والمفروض كان زمانه وصل

 

راشد قال..خلاص انا هطلبه …على الله ميكونش بيشرب القصب ..احسن يشرق ولا حاجه

 

الكل ضحك ما عاده منزر الي كان بيبصلهم بغيظ

 

راشد رن لشاهر اكتر من مره بس مفيش فايده محدش بيرد

راشد قال باستغراب وقلق…غريبه مبيردش ليه…يا ترى ايه الي ممكن يكون اخرهم

 

منى قالت…يا جماعه متقلقوش مش يمكن حابين بجد يتمشو ومسمعوش التليفون متقلقوش شويه وهيكونو هنا

 

هناء قالت… لا انا قلقانه اتصرفو اطلعو دورو عليهم ولا كلمو غزال

راشد قال..اه صح معاكي حق غزال ..بس انا مش معايا رقمها

 

وليد قال بسرعه واندفاع…..انا معايا رقمها

 

حور اضايقت جدا وقالت عن اذنكم هطلع اريح تعبت..ولما يرجعو طمنوني …وطلعت على الاوضه بضيق

 

وطبعا محدش اخد بالو انها اتضايقت واخدو رقم غزال وطلبوها بس نفس الحكايه مش بترد

 

الكل كان مشغول عليهم اما منزر كان واقف بشرود من ناحيه قلقان على شاهر ومراتو ومن ناحيه مستغرب تصرفات وليد ولهفتو لما يكون فيه اي حاجه تخص غزال وافتكر لما شاهر ضربو علشانها…كان بيخلق لنفسو اعذار ان شاهر كان مضايق وقتها لاكن كان احساسو كل مادى بيخلي الشك جواه يتحول ليقين

 

عند غزال وشاهر كانو بيجرو في الوادي الغريب لحد ما وصلو لمنطقه واسعه خضره واشجارها كبيره جدا شاهر بص للمكان بزهول و اتجمد مكانو

 

غزال قالت باستغراب مالك وقفت ليه…يلا خلينا نكمل هيلاقونا

شاهر بلع ريقه بارتباك وقال..مش هينفع نكمل من هنا..خلينا نمشي في اتجاه تاني

 

غزال قالت باستغراب…اتجاه تاني ايه ..مش شايف كل المكان شجر وزفت يلا خلينا مكملين علشان منتوهش يلا…. وجريت شويه بس وقفت لما بصت وراها لقت شاهر لسه واقف مكانو

 

بصتلو باستغراب ورجعت وقفت قدامو وقالت …مالك يا شاهر فيها ايه الطريق دي..ليه مش عايز تروح هناك

 

شاهر كان باصص قدامو بشرود وعيونه تايهه وملامحو مطفيه وواقف مكانو زي التمثال…لسه هيكلمها سمعو صوت ضرب النار قريب منهم غزال شدتو من ايده وجريو لقدام وشاهر كمل معاها لانو خايف عليها من ضرب النار

 

واخر ما خلصو الطريق لقو البحر قدامهم وعلى زاويه بيت قديم ومحروق

 

غزال بصت للبيت واتنهدت بارتياح وقالت…الحمد لله يلا نستخبي هنا ولسه هتجري وهيه ماسكه ايده بس شاهر متحركش معاها وقال بجمود..مستحيل..انا مش هدخل البيت ده

 

في القصر كان الكل مرعوب على غزال وشاهر ومستغربين هيكونو فين

 

وليد ومنزر طلعو بالعربيه ورجعو بنفس الطريق الي جم منو يدورو عليهم

 

على الطريق كان وليد مرتبك جدا وخايف منزر بصلو بشك وقال..هنلاقيهم ان شاء الله…شايفك قلقان قوي

 

وليد ارتبك وقال…ها…لا..لا ابدا انا بس…بس يعني بقول يمكن يكونو في خطر ولا حاجه

 

منزر قال …اممممم…انا كمان قلقان عليهم …بس يعني الي مطمني اني عارف شاهر كويس..مش اي حد يسد معاه …ويعرف يحمي نفسو ويحمي مراتو…ريح نفسك

 

وليد هز راسو وسكت اما حس ان منزر شاكك فيه

 

عند غزال قالت بغضب…انت ايه حكايتك بالظبط…فيه ايه…ربنا بعتلنا مكان نستخبى فيه …مش عايز تدخل ليه مالك

 

شاهر قال بتوتر….روحي انتي انا هعرف احمي نفسي كويس…يلا ادخلي انتي واستخبي..انا مستحيل ادخل البيت ده

 

غزال قالت باستغراب…ليه يعني..طب مش تفهمني…يا شاهر شغل عقلك…الناس دول قاصدين يقت*لونا واحنا الرصاص الي معانا خلص يلا بقى ارجوك

 

شاهر اتنهد وقال…طب بصي ادخلي انتي وانا هروح ناحيه البحر واكيد هعرف استخبى متقلقيش

 

غزال استغربت قوي كلامو واصرارو وتوترو الغريب بصت للبيت بشك وكان البيت محروق من بره وكله بالون الاسود..غرام اتسعت عنيها بزهول لما فكرت ان ممكن يكون ده البيت الي شاهر حرق اختها فيه …بصتلو وعنيها اسودت من الغضب وقالت…مش عايز… تدخل.. ليه

 

شاهر اول ما بص لملامحها فهم انها شكت اتنهد وقال بجمود…ايوه….هو

 

غزال بعدت عنو بزهول وبصت للبيت بدموع وقالت بغضب…خليك عندك…انا هدخل.. ويارب يجو يقت*لوني…واموت في نفس البيت

 

شاخر لسه هيمنعها سمعو صوت الرصاص والرجاله الي بيدورو عليهم

 

شاهر من غير ما يفكر في حاجه شد غزال ودخل بيها البيت وهو كل الي في بالو يحميها باي شكل

 

في القصر هناء كانت بتبكي جامد وبيحاولو يهدوها ومنى قالت…يا حببتي اهدي وليد ومنزر راحو يدور و ولو فيه حاجه لا قدر الله كان زمانهم اتصلو

 

نور طلعت من اوضتها وبصت من سور السلم واول ما لقت هناء بتبكي اتوقعت ان اكيد الشخص الي بتكلمو قت*ل شاهر اصتنعت القلق وقالت..خير يا جماعه سامعه عياطكم من اوضتي

 

منى قالت بدموع…شاهر لسه مرجعش البيت وتليفونو مش بيرد وحتى غزال مش بترد

 

نور اتسعت عنيها وقالت بارتباك…ليه..هيه…هيه غزال معاه

 

بقلم..زهرة الربيع

هناء قالت ببكا…ايوه هما الاتنين رجعو سوا

 

نور اول سمعت كده دخلت اوضتها بارتباك واتصلت بسرعه بالشخص الي بتكلمو وقالت..الو…انت ايه الي هببتو ده..احنا متفقناش على كده…غزال ملهاش ذمب

 

المجهول قال بسخريه…قدرها انها ركبت معاه..هعملها ايه

 

نور قالت بغضب..انا كلامي واضح غزال ملهاش دعوه احنا متفقين منأذيش حد ملوش ذمب

 

المجهول قال بضيق..بقولك ايه…انا اصلا بعت الرجاله

وزمانهم خلصو او هيخلصو..واصلا مينفعش اكلمهم وارجع في اتفاقي ..يعني قدرها كده..وبعدين هيه كمان لازم تتعاقب

 

نور قالت بغضب..اسمع..لو غزال حصل لها حاجه انا هخربها وانت اول واحد هتشربها..وده الي عندي..وقفلت الخط من غير ما تسمعو وهيه متوتره جدا

 

عند شاهر كان هو وغزال في البيت والمكان كان ضلمه فتح الكشاف ودخلو

 

وغزال بقت تبص للمكان بدموع كان محروق ومدمر قالت بدموع..انت..انت ازاي جبتها هنا…وازاي جالك قلب تحرقها كده ازاي

 

شاهر مكانش قادر يتكلم ومردش… غزال قالت بغضب وزعيق …انا بكلمك…ازاي جالك قلب تعمل كده

 

شاهر سمع خطوات قريبه وغزال كانت بتزعق حط ايده على بقها وقفل الكشاف وشدها ورا الباب بسرعه وتوتر وغزال كانت بتبصلو بغضب ودموع ودخلو الرجاله ومعاهم الس*لاح ووووووو