غزال وشاهر ج 8

_الجزء_ال15

15

حط ايده على بقها وشدها ورا الباب وهو ماسكها بقوه وغزال كانت بتبصلو بغضب ودموع

 

وفعلا شاهر توقعو كان في محله ودخلو الرجاله المسلحين وواحد منهم قال…فتشو البيت كلو متخلوش ركن فيه

 

شاهر اتوتر جدا وغزال كمان خافت وشاهر بصلها في عيونها بمعني هيشيل ايده وتسكت

 

غزال هزت راسها بالموافقه وهيه مرعوبه وشاهر شال ايده وبص حواليه بيحاول يلاقي اي طريقه وشال حجر صغير من الارض ورماه من الشباك وقع على كومه قش عمل صوت خارج البيت

 

واحد من الرجاله قال… ايه الصوت ده

 

التاني قال..ده جاي من بره البيت

 

كبيرهم طلع وهو بيقول حصلوني قبل ما يهربو وطلعو جري يدورو عليهم بره

 

شاهر اخد نفس وشد غزال من ايدها وطلعو على طرف صوابعهم على اوضه النوم الي في البيت ودخلو وقفل بابها كويس

 

عند منزر ووليد كانو بيدورو وقربو يفقدو الامل بس منزر وقف فجأه بخوف وصدمه لما شاف عربيه شاهر واقعه في المنحدر ونزل هو ووليد جري عليها

 

منزر قال بخوف شديد..شاهر…شاااااااااهررررررر

 

وليد كمان خاف جدا خصوصا على غزال بس اتفاجأو لما نزلو للعربيه وملقوش فيها حد

 

وليد قال باستغراب..غريبه.. مفيش حد جواها

 

منزر خد نفس بارتياح وقال..الحمد لله…يبقى اكيد بخير ونزلو منها..خلينا ندور يمكن قعدو في اي مكان قريب

 

ولسه هيمشو منزر رجع عند العربيه بدهشه لما شاف علمات ضرب نار على القزاز وعلى كل العربيه قال…فيه حد ضرب عليهم نار..معقوله…يا خبر ده كمان فيه دم..ليكون حصلهم حاجه

 

بقلم…زهرة الربيع

وليد بلع ريقه بقلق وقال…ان شاء الله يكونو بخير خلينا ندور..ظ وطلعو وبقم يدورو وينادو عليهم

 

في القصر كانو كلهم خايفين و هناء بتبكي واصرت يتصلو على البوليس وراشد طلب منها تستنى شويه ولو مجاش خبر يبلغو

 

نور كانت بتسمع كل كلامهم وبعتت رساله للشخص الي بتكلمو وكتبت…الكل هنا مصرين يكلمو البوليس…لو غزال حصل لها حاجه هقولهم على اسمك ومكانك قد اعذر من انذر

 

عند غزال كانت بتبص للاوضه بدموع كانت محروقه ومدمره بصت للسرير والمرتبه الي كلهم حرووق وقالت بدموع..على السرير ده…صح…على السرير ده انت اعتديت على اختي…على السرير ده اخدت منها حياتها…على السرير ده كنت بتأذيها وكانت بتحاول تدافع عن نفسها وكملت وقالت ببكا وزعيق … انت هنا خسرتها كل حاجه حتى حياتها صح يا شاهر

 

شاهر اتنهد بضيق وقال..وطي صوتك ليسمعونا و

 

بس غزال قاطعتو وقالت خليهم يسمعونا خليهم يق*تلوني مش عايزه اعيش ..مبقتش طيقاك وبصتلو بكره وقالت بحزم..اقولك..انا رايحالهم برجليا ولسه هتفتح الباب شاهر شدها وحط ايده على الباب بيمنعها وقال بغضب..بلاش جنان…كفايه انا مبقتش مستحمل جنانك…عايزه تعرفي ايه الي كان يحصل على السرير ده..تقدري تسمعي…تمام هقولك..لازم تعرفي ان اختك قضت اجمل ليالي في حضني..على السرير ده…وبرضاها كمان

 

عند العصابه كانو بيدورو قريب من البيت وسمعو صوت شاهر وغزال ورجعو ولسه هيدخلو جاتلهم رساله من الشخص الي باعتهم بتقول…لو منفذتوش..ارجعو…متكملوش…العمليه اتأجلت

 

واحد منهم الي قرى الرساله قال..يلا يا رجاله الموضوع اتلغى يلا بينا ومشيو كلهم

 

عند غزال بصتلو بزهول بعد الي سمعتو وقالت انت قصدك ايه…غزل..اختي كانت هنا معاك اكتر من مره برضاها…انت بتضحك عليا

 

شاهر اتضايق جدا من غزال ومن كلامها الي بيجرحو جدا ومبقاش عنده طاقه يخبي اكتر قال…دي الحقيقه سواء اقتنعتي او لا …اختك مش بالبرأه الي انت متخيلاها..

 

غزال قالت بسرعه..يعني لما قولتلي انك كنت بتحبها ..مكنتش بتكدب…ارجوك يا شاهر رد عليا

 

شاهر اتنهد وقال..لا مكنتش بكدب..كنت فاكر اني بحبها…عمري ما عشت علاقه مع اي واحده وكنت بفكر انها تبقى جديه..كلو كان علقات تافهه اخرها تنتهي مع خروجي من اوضه النوم…لاكن غزل…كانت حاجه تانيه…لدرجه…لدرجه اني زعلت جدا لما ابوكي رفضني..وبعدها..احم..بعدها

 

اتجوزتها عرفي…مش ده الي عايز تقوله..غزال قالت كده والدموع في عيونها

 

شاهر اتسعت عنيه بزهول وقال…انتي…انتي عرفتي …عرفتي ازاي و

 

بس قطع كلامهم صوت منزر ووليد كانو بينادو عليهم بصوت عالي

 

شاهر فتح الباب وطلع بسرعه وغزال طلعت وراه وهما مستغربين ازاي وليد ومنزر هنا

 

شاهر اول ما طلع ومنزر شافو وقال بارتياح وفرحه شديده ….شاهر…

 

شاهر ابتسم وقال…انتو جتو هنا ازاي

 

منزر جري عليه حضنو وقال بفرحه ..الحمد لله انكم بخير..كنت هتجنن

 

شاهر حضنو ..لو كان له اخ مستحيل يحبو قد منزر ابتسم على دعمو وسندو الي ديما معاه وقال..احنا بخير..اطمن

 

منزر سلم على عزال ووليد كمان وقال..الف حمد الله على سلامتكم ..

 

غزال هزت راسها وابتسمت ابتسامه بسيطه باهته وفضلت ساكته كانت شارده في كل الكلام الي شاهر قالو ومحتاره تصدقه او لا

 

وليد بص لغزال وقال…انتي كويسه

 

شاهر بصلو بغضب ولسه هيرد عليه غزال قالت بسرعه انا تمام..بس عايزه امشي حاسه بصداع لو سمحتو خلينا نمشي من هنا

 

منزر قال… تمام يلا بينا عربيتي قريبه من هنا وطلعو كلهم وركبو عربيه منزر وطلعو على القصر

 

في القصر كان صبر الجميع نفذ والرعب اتمكن من الكل ومحتارين يعملو ايه

 

بعد فتره عدت على الجميع كانها سنه ساهر والي معاه وصلو القصر اخيرا

 

هناء وقفت بفرحه وحضنت شاهر وبقت تحمد ربنا وتقول…يا حبيبي الحمد الله كنت هموت يا شاهر ..الحمد لله انك بخير يا ابني

 

هناء بصت لغزال بحرج وقالت… معلش يا بنتي اعزريني الف حمد الله على سلامتك انتي كمان

 

غزال ابتسمت وقالت ولا يهمك يا ماما …وكل الي في القصر كانو مبسوطين برجعتهم بخير وسلمو على الكل وراشد قال..ايه الي حصل معاكم..اتأخرتو كده ليه

 

غزال لسه هتتكلم وتحكي عن العصابه وضرب النار وكل الي حصل بس شاهر سبقها وقال بسرعه…مفيش…كل الحكايه ان العجله باظت والعربيه اختل توازنها ونزلت في الوادي وفضلنا هناك لحد ما منزر جيه واخدنا

 

غزال استغربت هو قال كده ليه ومنزر ووليد كمان لانهم شافو اثار الدم والرصاص الي بيأكد ان الموضوع مش مجرد حادث

 

منزر قال باستغراب..ايوه بس العربيه حان فيها اثار لاشياء بتاكد انو مش حادث عادي و

 

بس شاهر قاطعو وقال….لا ابدا زي ما بقولك…مجرد حادث بس هاجمنا حيوان واضطريت اضرب نار بمسدسي بس دي كل الحكايه

 

منزر سكت وهو مستغرب ليه شاهر بيخبي وغزال كانت بتبصلو باستغراب

 

منى قالت..المهم انكم بخير الحمد لله الي اطمنا عليكم حمد الله على سلامتكم

 

شاهر قال..الله يسلمك يا منمن..يلا عن اذنكم هطلع اريح تعبنا انهارده ومسك ايد غزال وقال…يلا ياروحي..كنتي عايزه تريحي مش كده

 

غزال هزت راسها بالموافقه وطلعت معاه باستغراب وهيه مش فاهمه يقصد ايه من الي قاله

 

عند نور ابتسمت براحه لما رجعو على البيت ودخلت اوضتها وقفلت الباب وقالت…اتكتبلك عمرجديد يا شاهر..انهارد نفدت لان غزال معاك..بس الجيات كتير..وعمرك اصلا ايامه تتعد على الصوابع

 

عند حور اول ما اطمنت على شاهر وغزال دخلت اوضتها ووليد طلع وراها اول ما دخل لقاها نايمه على السرير وحاضنه المخده ودموعها على خدودها

 

حور كانت شارده واول ما حست بخطواتو مسحت دموعها بس كان وليد شافها قرب منها وقال بحزن…حور انتي بتعيطي

 

حور قالت ..ابدا..انا تمام

 

وليد قال بحزن..حور انا عارف اني جرحتك..يمكن يكون مفيش حاجه حقيقيه بنا..بس انا عارف انك زعلانه لاني استغليتك علشان اوصل لغزال..بس صدقيني يا حور..انا..انا حتى مش عارف ايه الي بيربطني بغزال..كنت فاكر اني بحبها..بس لو كنت بحبها فعلا..يبقى ايه الي بحسو معاكي

 

حور اتفاجأت بالي قالو وقلبها كان بيدق يسرعه ووليد كمل وقال..يمكن متثقيش فيا..وليكي حق..بس انا بجد مش عارف ايه الي بحسو معاكي..انتي مش عاديه ابدا بالنسبالي..انا مش قادر انسى الحظه البسيطه الي جمعتنا..ومش قادر انسى اي حاجه بتقوليها..حتى لمست اديكي ليها شكل تاني وكل حاحه معاكي لها طعم مختلف

 

حور كانت طايره بكلامو وقعدت وبصتلو وكانت حاسه انها شيفاه بقلبها وقالت..انت بتقول كده علشان تراضيني و

 

بس وليد قاطعها وقال بسرعه ولهفه..ابدا..ابدا ولله ..كل حرف قولتو كان من جوه قلبي..ولاصلا قلبل جدا على الي الي بحسو معاكي

 

حور ابتسمت وقالت ..بس انا محتاجه اتأكد

 

وليد ابتسم وفرح من قلبة وقرب منها جامد وباسها برقه جمب شفايفها

 

حزر اتسعت عنيها بزهول واتفاجأت بالي عملو وتلقائيا ضربتو قلم سريع

 

واليد حط ايده على خده بزهول وقال…ايه ده بقى

 

عند نور منى جابت لها الدكتوره وكشفت وقالت..انها بقت تمام واحتمال الي حصل لها ده يكون حساسيه من حاجه استخدمتها… وقالت انها تمارس حياتها عادي وان معندهاش اي مرض

 

منى كانت طايره من الفرحه..ومنزر كان حاسس بضيق بس منى بصتلو وقالت…كده اسيبك مع عروستك..اتأخرتو شويه بس مش مهم تتعوض يلا اسبكم مع بعض بقى

 

منى نزلت وسابت نور ومنزر سوا

 

اما شاهر كان قاعد بيفكر في كل الي حصل الفتره الي فاتت الاول العقرب الي كانت على قميصه وبعدها السم الي في العصير وبعدها العصابه الي كانت قاصده تقت*له..وكان مستغرب اختفائهم فجأه

 

غزال بصتلو ونفخت بضيق كانت ناويه انها مش هتكلمو لحد ما يحكيلها هو بس مقدرتش على فضولها قالت بنرفزه…..اقدر اعرف ..انت مقولتلهمش ليه على الناس الي كانت بتطاردنا ولا انت مصر على الغموض ده في كل حاجه

 

بقلم…زهرة الربيع

شاهر بصلها بطرف عينه وقال…والله مش بس انا الي غامض وبخبي

 

غزال قالت..بس انا مش مخبيه حاجه

 

شاهر قرب منها وقال..لا والله..انتي مش مخبيه…اممم.. امتى عرفتي بجوازي من اختك يا غزال

 

غزال اتنهدت وقالت..عرفت وقت ما عرفت يخصك في ايه ما انت كمان كنت مخبي عني انها مراتك…ومخبي انت قت*لتها ليه

 

شاهر اتنهد وقال…سيبك من الموضوع ده ..خلينا في المهم…انا عايز اعرف مين في القصر له ايد في الي حصل…متنسيش ان العصير اتعمل هنا والسم والعقرب حد من القصر الي حطهم

 

غزال قالت باستغراب هيكون مين يعني..ومتقوليش وليد علشان وليد ميعملش كده مش ممكن يعرضني للخطر

 

شاهر قال بغضب.. متجبيش سيره زفت ده قدامي..

 

غزال قالت بسخريه ليه….بتغير مثلا

 

شاهر قال بغضب…ااه…بغير…انتي ليا…ليا لوحدي ملكي انا يا غزال

 

غزال بصتلو باستفزاز وقالت…بأمارة ايه

 

شاهر اتنرفز وشدها بقوه وقال…بأماره انك مراتي…على اسمي…ملكي …وثبت دماغها وقبل ما تستوعب الي بيعملو التهم شفايفها بشفايفو بقوه وعنف اتحول لشغف وجنون

 

عند سهام كانت راحت في النوم وقافله نور الاوضه بس اتفتح الباب ببطأ ودخل راجل غريب ووقف قدام السرير

 

سهام كانت في سابع نومه ولابسه قميص حرير رقيق الشخص ده بصلها برغبه وقال..والله خساره في الموت بس هعمل ايه حكم القوي على الضعيف وشد مخده من وراها وحطها على وشها ووووو

#_الجزء_16

بصلها برغبه وقال والله خساره في الموت بس هعمل ايه حكم القوي على الضعيف وشد مخده من وراها وحطها على وشها وبقى يخنقها جامد

 

سهام صحيت ومكانتش عارفه ولا فاهمه ايه الي بيحصل وبقت تذقو وتحاول تخلص نفسها بس مش قادره ولا حتى قادره تصرخ

 

عند وليد بص لحور بغيظ وهو حاطط ايده على خده وقال…بتضربيني يا حور ..

 

حور قالت بتوتر..ايوه علشان انت قليل الادب وتستاهل

 

وليد ابتسم على طفولتها وقال..ليه..عملت ايه انا

 

حور قالت بتوتر..انت عارف انت عملت ايه..ازاي تبوسني غصب عني..وكمان دي مش اول مره تعملها

 

وليد ضحك من قلبو وقال…انا بوستك غصب عنك..اممم ..يعني مكنتيش عايزه

 

حور قالت بسرعه وارتباك..لا طبعا..اكيد مش عايزه..هو انا علشان قولتلك تثبتلي انك عايزني…تقوم تبوسني

 

وليد قال..طب امال اثبتلك ازاي..هو ده احسن اثبات عندي …وقرب وهمس جمب ودنها وقال..فيه اثبات تاني واقوى…لو جاهزه

 

حور اتسعت عنيها لما فهمت قصدو وقالت…ده بعينك..لحد ما اطمنلك مش هتقربلي اوعي كده… وقامت بسرعه وراحت على الحمام وهيه مبسوطه ومتوتره جدا

 

وليد نام على السرير براحه وهو مبسوط جدا حاسس بالشهد على شفايفو..ونعومه جسمها على اديه وقلبو بيدق زي الطبل اتنهد وقال…ااااااه يا حور

 

عند نور قلعت الروب بتاعها وقربت من منزر وقالت ..ايه..مش كفايه كده يامنزر ..ولا انت لسه محتاج وقت كمان

 

بقلم..زهرة الربيع

منزر بصلها بحده وقال…انا مكنتش محتاج وقت اصلا ..الدكتوره هيه الي قالت ان الاحسن تكوني في العزل..وبعدين انا هحتاج وقت ليه..لازم تعرفي اني مهما استنيت مش هيتغير حاجه..جوازي منك علشان الاطفال مش اكتر …اظن ده واضح من البدايه

 

نور اتنرفزت بس كتمت غضبها وقالت…تمام…والاطفال دي مش هتيجي لوحدها… وقربت اكتر وحاوطت رقبتو باديها وقالت بهمس…مش معقول انا معجبتكش…مستحيل يعني

 

منزر نزل اديها وبصلها بسخريه ومردش ومشي ناحيه الباب..

 

نور بصتلو باستغراب وقالت..انت رايح فين.

 

منزر ابتسم بسخريه وقال..متخافيش..راجع…هقول لمراتي اني هبات هنا…لانها مستنياني ..وهرجع على طول

 

منزر طلع ونور ضربت رجلها في الارض بغضب وقالت…برضو بيقولي مراتي…ناوي يجنني….استنى علي يا سي منزر هتدفع تمن كل الاهانات دي

 

عند غزال كانت وقفه بزهول شديد من الي عملو شاهر ..مكانتش متوقعه انو يبوسها بالطريقه دي..فضلت تبصلو بارتباك…خايفه يحس انها…مش متعصبه..ولا مضايقه من الي عملو قالت بتوتر..انت..انت ايه الي عملتو ده

 

شاهر ابتسم وفضل اسرها بين اديه وبصلها وعنيه بتلمع بالسعاده وقال…عملت الي بتمناه ونفسي فيه من ساعت ما شوفتك

 

غزال بصتلو بتوهان وانفاسها كانت عاليه وقلبها بيدق اوي وقالت..بس..انا..انا مش عايزه كده…انا بكرهك يا شاهر

 

شاهر ابتسم وقرب اكتر وقال بهمس رقيق..خبي عيونك وانتي بتكدبي العيون فضاحه يا غزال

 

غزال بصتلو وعيونها جات في عيونه وبقت تبصلو وكانها اول مره تشوفه نظره عشق مش كره بس استجمعت الي باقي من قوتها ودفعتو وقالت بتوتر..خليك بعيد اياك تقرب سامع ..والله ارمي نفسي من البلكونه لتكون فاكر اني صدقت الكلمتين الخايبين بتوعك دول..انا عمري ما هتربطني بيك اي مشاعر..الا شعور واحد وهو الكره..الكره وبس

 

عند منزر كان رايح لسهام بحزن وكان متأكد انها هتزعل جدا لما تعرف انو هيبات عند نور بس اول ما شاف الاوضه مقفوله وهاديه اتوقع انها تكون نامت اتنهد براحه لانو مكانش عايزها تحضر اليوم ده ولسه هيرجع عند نور سمع صوت بيهمهم بخنقه وكانه بيصارع الموت

 

منزر استغرب واتخض وفتح الباب بدون ما ينطق بس كانت الصدمه بالنسبالو لما شاف الراجل الي خانق سهام بالمخده

 

منزر اتقدم عليه بزهول وغضب وقال..انت بتعمل ايه انت مين يا حيوا،ن انت…وهجم عليه بقوه مسكو من قميصه بس الراجل زقو بقوه و نط من البلكون ونزل جري على الجنينه

 

منزر لسه هينزل وراه والغضب عاميه سمع شهقه شديده من سهام بصلها برعب وقال..سهام…سهام حببتي ردي عليا

 

سهام كانت مخنوقه وخلاص النفس مش طالع ابدا وحرفيا بتجاهد الموت

وكانت بتبصلو وبتشهق عايزه تكلمو ومش قادره وعيونها حمر ودموعها نازله

 

منزر اترعب عليها ودموعو اتجمعت في عنيه وقال برعب وهستريا…سهام..سهام ..حببتي هدي نفسك…اتنفسي علشاني..ارجوكي يا سهام..سهام اتكلمي قولي اي حاجه وانبي… وبقى يزعق ويقول..يا بابا ..يا شاهر….شاهررررررر

 

شاهر كان بيبص لغزال بيأس كل ما يتحسن معاها ويقول فيه امل ترجع تصدو وترجعو لنقطه الصفر لسه هيرد عليها سمعو زعيق منزر

 

شاهر طلع جري وغزال كمان وكانو منى وراشد وهناء طالعين على السلم وقالو..فيه ايه..ايه الي بيحصل يا ابني

 

شاهر جري على اوضه منزر بسرعه شديده وموقغش يرد وغزال ردت وقالت بقلق..مش عارفه يا عمي…منزر بينادي ومش عارفين ايه الي بيحصل وراحو كلهم على اوضه منزر

 

شاهر اول ما وصل اتفاجأ بمنزر حاضن سهام وكانت بتشهق جامد وهو مرعوب جدا ومش عارف بيعمل ايه

 

شاهر جري عليه وقال…فيه ايه….اهدي وكلمني… رد عليا يا منزر فيه ايه

 

منزر بصلو بتوهان و قال بدموع وصدمه

..بتموت…بتموت خالا…هترح..هتروح المرادي…ومش هعرف ارجعها…خلاص راحت مني

 

شاهر بقى يحاول يهديه ويقول.. يمنزر فيه ايه …ايه الي حصل اتكلم

 

راشد دخل وقال ايه الي بيحصل هنا…

 

شاهر قال بسرعه…اطلب الاسعاف يا عمي الاسعاف مش دكتور

 

راشد جري طلب الاسعاف ومنى وقفت هيه وغزال جمب سهام الي كانت خلاص مش بتنطق ولا قادره تتنفس وغابت عن الوعي فجأه

 

اول ما غمضت عنيها منزر انهار وقعد يحضنها ويقول.. لا..لا ونيي..لا…لا متسبنيش…متسبنيش لوحدي ابوس ايدك ..لاااا

 

الكل كانو بيعيطو بس شاهر شد منزر وضربو قلم قوي وقال بزعيق…بس..بس هيه مش هتقوم بطريقتك دي لازم تهدى علشان نلحقها…

 

غزال اتسعت عنيها بزهول كان حقيقي قلم قوي وشاهر قال بغضب…لبس مراتك حاجه هتسبها كده قدامنا …طبعا لان سهام كانت لسه بقميص النوم

 

منزر اخد بالو من كلام شاهر وحس بغضب من نفسو وشد عليها الغطا وقال..معلش… اطلعو بره

 

منى قالت… استني معاك يا حبيبي

 

منزر قال بجمود..لا…معلش يا امي اخرجو

 

الكل خرج ومنزر بقي يلبس سهام وهو متأكد انها خلاص راحت منو وانو خسرها..مكانش جمبها ولا حماها من الشخص الي قت*لها…كمان مكانش معاها في اخر لحظات حياتها..حس بعذاب ووجع محسش زيو في حياتو لبسها هدومها بوهن وضعف..وشدها لحضنه واحساسو انها هتفارقو بيقت*لو

 

تحت الانظار الحزينه الاسعاف اخدت سهام وكانت حالت اختناق حرجه

 

بعد ساعات من الانتظار في المستشفى كان الكل متوتر جدا وكان منزر في دنيا تانيه زعلان جدا ومصدوم ومش قادر يكلم حد

 

شاهر كان بيبصلو بحزن واسف وحاول يكلمو اكتر من مره بس من غير فايده

 

غزال قربت من شاهر وقالت بحزن…انت كويس

 

شاهر بصلها بحزن شديد وقالت..لا…لو حصل لها حاجه محدش ابدا هيبقى كويس

 

غزال اتنهدت بحزن وقالت..متقولش كده سهام طيبه جدا ربنا مش هيسبها

 

شاهر لسه هيرد الكهربا انقطعت والكل استغرب وشاهر قال…غريبه مستشفى زي دي تنقطع عنها الكهربا

 

بس مكملتش دقايق وجات الكهربا منى قالت…الحمد لله الكهربا رجعت..وانبي يا راشد كلم مرات منزر سبناها لوحدها في القصر قولها تيجي و

 

منزر قاطعها لما قرب منها وقال بغضب…مرات مين

 

منى قالت باستغراب..مراتك يا حبيبي نور..

 

منزر قال بغضب وزعيق..دي مش مراتي..انا مش متجوز غير سهام..كفايه بقى..انتو السبب بعدتوني عنها في اخر ايام حياتها..مكنتش جمبها ..هتموت لانها لوحدها وكلو بسببك

 

بقلم..زهرة الربيع

منى نزلت دموعها وقالت..بسببي انا يا ابني

 

شاهر شدو وقال..ايه الي بتقوله ده..اهدى بقى

.وبعدين متفولش عليها هتبقى تمام انا متأكد و

 

شاهر قطع كلامو لما خرجت الدكتوره وهيه مرعوبه وجدا ووقفت قدامهم بتوتر شديد

 

منزر جري هليها وقال ..ايه..فاقت..قامت صح

 

الدكتوره بلعت ريقها بخوف وبقت تفرك اديها بتوتر

 

شاهر بصلها ياستغراب شديد وقال…فيه ايه…سهام مالها…انطقي

 

في القصر نور كانت في الاوضه بتلم هدومها بخوف شديد وتليفونها رن

 

نور بصت للاسم بخوف وغضب وردت وقالت… انت عايز ايه مني

 

المجهول قال بغضب..هعوز منك ايه يا حلوه..انتي عارفه انا جبتك ليه وصرفت عليكي دم قلبي ..اكيد مش علشان تهدديني في الاخر وتضيعي مني فرصه عمري.

 

نور قالت بارتباك..انا قولتلك سيب غزال…مش تسبهم الاتنين..كنت اقت*ل شاهر وسبها

 

المجهول قال بسخريه..اااه..اق*تلو واسبها تبلغ وتديهم المواصفات وتوصلهم لينا مش كده

 

نور قالت بتوتر..تقوم تبعت حد يقت*لني ..

 

المجهول قال..وانتي زعلانه ليه هو كمان طاع حما،ر زيك وخنق مراتو التانيه بدالك…المهم دلوقتي..الاحسن ليكي تبعدي من عندك لان القصر مبقاش امان بالنسبالك اديني بقولك اهو علله يطمر فيكي

 

نور قالت بخوف..ليه..هتعمل ايه

 

المجهول قال بحزم…هخلي شاهر بنفسو يجيني لحد عندي

 

في المستشفى الدكتوره كانت مرعوبه ومش قادره تتكلم

 

منزر قال بزعيق ..انطقي ايه الي حصل…مراتي مالها اتكلمي وزقها ودخل الاوضه جري وكلهم راحو وراه بس وقفو بزهول وووووو