غزال وشاهر ج 6

_البارت_الحادى_عشر

غزال كانت بتفكلو زراير القميص من سكات وشاهر بلع ريقه بتوتر من قربها وقال فيه ايه يا غزال…احم

..بتعملي ايه..غزال..غزال بلاش الحركات دي متلعبيش باعصابي بقى مبقتش استحمل… ولسه هيمسك ايدها ويمنعها تكمل قالت بسرعه..اثبت مكانك..متتحركش

 

شاهر استغرب وغزال وقعت القميص من على كتافو بحذر وقع على الارض وبصتلو بخوف

 

شاهر بص للقميص باستغراب بس اتحول استغرابو لصدمه لما شاف عليه عقرب صحراويه لونها اسود غامق وغريبه جدا وكبيره جدا جدا

 

فضل باصص لها جامد بزهول وبسرعه ضربها بالشوز الي لابسه جامداكتر من مره لحد ما ماتت

 

شاهر بص لغزال بدهشه ولسه هيتكلم اتصدم بشده لما اترمت في حضنو وحضنتو جامد وقالت برعب ودموع…انت كويس…حصلتلك حاجه

 

شاهر في اللحظه دي مستحيل يتوصف شعوره…كان واقف متجمد مكانو وقلبو ييدق بعن،ف هيطلع من صدره رفع اديه وهو مش مصدق نفسو وضمها بقوه وقال…انا تمام ..اهدي

 

غزال فضلت ماسكه فيه بخووف ..بس دق جرس الانزار في عقلها وبعدت بصدمه شديده وبقت تبصلو جامد والدموع متعلقه في عنيها…نظره صدمه وزهول من نفسها .. ورجعت لورا ومش مصدقه الي عملتو قالت بدموع..انا ..انا ازاي…ازاي عملت كده…ازاي

 

شاهر قال بسرعه لما شاف حالتها..اهدي يا غزال…اهدي..انا.جوزك ..انتي معملتيش حاحه غلط و

 

بس غزال قالت بغضب وزعيق..انت مش جوزي..مش جووزي سامع..انت قا،تل…قا،تل وحيو،ان. انت ق*ت*لت اختي..انا..انا ازاي لمستك باديا دول…انا حضنتك انت..انت الي ق*ت*لت اختي..ده اكبر غلط عملتو في حياتي . انا زبا،له اكتر منك ..لاني اترميت في حضن سا،فل زيك

 

غزال كانت بتتكلم بعصبيه وغضب وصدمه حقيقيه…وشاهر كان بيبصلها بدموع وقلبو بينز،ف حرفيا وقال قاصد يهديها..اهدي يا غزال..الي حصل ده لانك اتخضيتي ..رد فعل مش اكتر و

 

بس غزال قاطعتو لما قربت منو وعنيها بتطلع نار وقالت من بين اسنانها بغضب..رده الفعل الصح اني كنت سبتها تسمك..وتق*ت*لك..واشوفك بتموت قدامي.. ياقا،تل ياحيو،ان

 

بقلمي…زهرة الربيع

شاهر ضم اديه بغضب وعنيه فيهم غضب الكون كلو وقال…انا مش هستحملك اكتر من كده يا غزال…كفايه كده وعدي يومك

 

غزال ضربتو في صدره بقوه وقالت بزعيق..وان مسكتش ..هتعمل ايه يعني…ها ..هتق*ت*لني…ضربتو في صدره تاني وقالت ..هتق*ت*لني زي ما ق*ت*لت اختي..وضربتو تاني وقالت ..هتق*ت*لني زي غزل اتكلم

 

بس شاهر مسك اديها بقوه وقال بغضب…بس

…بس بقى كفايه..مش قادر..انا مش قادر اكتر من كده..انا قا،تل..انا حيوا،ن…معاكي حق..انا فعلا ق*ت*لتها..ولو الزمن اتعاد هق*ت*لها تاني…انا ندمان لاني حرقتها ..كان لازم ادبحها واشرب من دمها واقطعها مليون حته علشان اشفي غليلي..علشان اردلها الي عملتو فيا و

 

شاهر قطع جملتو لما خد بالو من كلامو وبعد عنها بسرعه

 

عند منزر كان مستني الدكتوره تخرج من عند نور وواقف بضيق لحد ما خرجت

 

منى جريت عليها وقالت بقلق..خير يا دكتوره مالها

 

الدكتور قالت ..خير ان شاء الله ..عندها حساسيه في كل جسمها اعتقد ممكن تكون استعملت حاجه مستحملتهاش او اتحسست منها..او ممكن يكون لا قدر الله عدوى جلديه

 

منزر قال …يا ساتر يا رب طب نعمل ايه دلوقتي..ده معدي يعني

 

الدكتوره قالت… وارد جدا يكون معدي…انتو هتصرفولها الروشته دي ومتستعملش غيرها لو كانت حساسيه معينه..هتخف في خلال ٣ ايام بالكتير..ولو كانت عدوي لاقدر الله هنعمل لها تحاليل ونكسف العلاج..المهم في الفتره دي خليكم بعيد منها..لاحسن يكون معدي

 

منى قالت ..ايه..يعني طب دي عروسه واتجوزت امبارح جوزها مش هينفع يبات عندها

 

الدكتوره قالت.. يا مدام يبات ايه بقول لحضرتك محدش يتعامل معاها ابدا تتعزل في الاوضه والي يدخل لها اكل او يتعامل معاها يستعمل جوانت او اي حاجه واقيه..متقلقوش ده مؤقتا بس لحد ما نتأكد …وانا هاجلها تاني ..ربنا يشفيها

 

الدكتوره مشيت ومنزر كان مستغرب ومبسوط في نفس الوقت اما مني قعدت بحزن وقالت..يا ميله بختك يا منى ..يادي النيله السوده عليا وعلى حظي الزفت

 

عند غزال كانت بتبصلو بزهول بعد الي قالو وقالت بدهشه..انت..انت بتقول ايه..يعني ايه الكلام ده..تردلها الي عملتو فيك بعني ايه…هيه غزل عملتلك ايه..انت اتقدمتلها وبابا رفض لانو عارف علقاتك الكتير والاشعات الي بتطلع عليك مع الستتات..هيه ذمبها ايه..عملتلك ايه

 

شاهر بلع ريقه بتوتر وقال..انا..انا ..احم..انا حر…ق*ت*لتها..عادي طبيعي بعد ما اعتديت عليها اق*ت*لها..امال هسبها تفضحني

 

غزال قربت منو وبصتلو وقالت بهدوء…شاهر..انا..انا حاسه انك بتكدب…فيه حاجه كنت عايز تقولها..اتكلم يا شاهر..ارجوك ..لو فيه حاجه المفروض اعرفها…لو فيه حاجه ممكن تغير نظرتي فيك ..ارجوك تقولها..انا..انا بتعذب…مجروحه اوي…غزل كانت اختي تؤمي..مش قادره اتخيل اني متجوزه البني ادم الي ق*ت*لها وحرمنا منها..ابوس ايدك اتكلم..ايه الي بينك وبينها

 

شاهر اتنهد ونزلت دمعه غصب عنو وقرب منها ولمس خدودها وعيونه فيهم كلام كتييير قوي وقال بضعف..انا اسف يا غزال..اسف على كل الوجع الي حساه بسببي ..انا مش هقدى اقولك حاجه..غير اني حقيقي بتمنى لو قابلتك من زمان..لو قابلتك قبل ما اعرف غزل..بتمنى لو كنتي ليا حقيقي يا غزال

 

شاهر قال كده بيأس ودموع وقرب منها وباس جبينها بهدوء وخرج من الاوضه بسرعه وهو مش قادر يستحمل نظراتها ولا حزنها

 

غزال بصت لطيفه بتوهان وشرود..كانت متأكده ان فيه حاجه غامضه في موت اختها بس كانت بتكدب احساسها..لاكن دلوقتي بقت شبه متأكده ان شاهر مخبي حاجه ولازم تعرفها

 

عند منزر راح عند سهام وهو مبسوط جدا ودخل على طول وكانت بتسقي ورود زرعاهم في البلكون واول ما سمعت صوت الباب دخلت الاوضه واتفاجأت بمنزر قالت بفرحه… .منزر..وجريت عليه حضنتو جامد زي ما يكون بقالها سنين مشافتوش

 

منزر حضنها بقوه وبقى بستنشق من عطرها الي بيعشقو وقال…قلب منزر انتي

 

سهام فضلت حضناه شويه براحه ..بس بعدت شويه وقالت باستغراب..انت رجعت ليه..وازاي حماتي عتقتك

 

منزر ضحك واترمي على السرير وقال براحه…هيه بنفسها الي قالتلي اجي عندك…ولحد ٣ ايام كمان..وان شاء الله ممكن يبقو اكتر من كده

 

سهام بصتلو بدهشه وقالت..ازاي ده حصل

 

عند حور كانت قاعده هيه ووليد بيفطرو مع راشد وهناء ونزلت منى بحزن وقعدت وهيه مضايقه جدا

 

راشد بصلها باهتمام وقال..خير با منى العروسه مالها

 

منى قالت بدموع..اسكت متفكرنيش يا راشد..العروسه طلعت جربانه

 

راشد قال بزهول..طلعت ايه

 

منى قالت ببكا..ايوه طلعت جربانه يا ميله بختي انا. طلع عندها مرض جلدي الدكتوره عزلتها في الاوضه ..وقالت محدش يتعامل معاها

 

هناء قالت باستغراب..ازاي بس دي كانت زي الفل في الفرح

 

منى قالت بحزن.. ما ده الي هيجنني..المهم انا خليت منزر عند سهام وانتو اتعاملو معاها بحزر و

 

بس قطعت كلامها لما خدت بالها من وليد وحور وقالت بدهشه..وانتو كمان ايه نزلكم من اوضتكم

 

حور قالت بسرعه..وفيها ايه يا ماما حبينا نفطر معاكم

 

منى قالت بزعيق …تفطرو معانا ازاي انتو عرسان..انا مش فاهمه جرالكم ايه كلكم ..انا قولت للخدامه تطلع لكم الصباحيه و

 

بس وليد قال بابتسامه..اهدي يا مني يا قمر انتي كل الحكايه حبيت انزل اقعد معاكم ونتعرف اكتر وكده مش اكتر

 

منى اتنهدت وقالت بحزن..معلش يا بني اكيد ده بيتك وبراحتك انا بس حبيت اريحك متزعلش مني موضوع مرات منزر لخبطني

 

وليد قال بسرعه..اكيد طبعا …ربنا يشفيها يا رب ولا يهمك و

 

بس وليد قطت كلامو لما شاف شاهر نازل بغضب والدموع في عنيه

 

وليد قال بسرعه وصوت عالي قاصد يسمعه..انا حبيت افطر معاكم علشان وشوشكم القمر ببقى مشتاق لها …خصوصا..الستات الحلوين

 

الكل ضحك بهزار وشاهر كان عداه ولسه هيخرج بس رجع وكان حرفيا على اخره ..وللاسف التوقيت الي اختاره وليد كان غلط جدا

 

شاهر وقف قصادو وشدو بقوه من قميصه وقفو وقال بغضب رهيب..شوف..اجل تفاهتك لوقت تاني..لاني اقسم بالله السعادي ممكن اتسجن فيك عادي جدا

 

وليد ضم اديه بغضب وقال باستفزاز وبرأه مصتنعه..مالك يا شاهر هو انا قولت حاجه غلط ولا انت غزاله مزعلاك ولا حاجه

 

وهنا انتهت طاقه شاهر وضربو بوكس قوي جدا وقعو على الارض واتقدم عليه عايز يكمل يضربو بس جريو عليه هناء وراشد ومسكوه بقوه وشاهر كان مش حاسس من كتر الغضب وقال بزعيق وعصبيه..انت مالك..انت مالك بيها متنطقش اسمها ..سامع متنطقش اسمها هموتك… هموتك وارتاح من برودك يا زبا،له سامع

 

كل ده وراشد وهناء ماسكينو بالعافيه ومنى كمان وكانو بيحاولو يهدوه وهما مستغربين جدا تصرفه بس هو مكانش سامعهم اصلا

 

ونزل منزر وسهام على صوته وغزال كمان كلهم نزلو جري

 

حتى نور جريت هتفتح باب الاوضه وافتكرت انها مش لازم تخرج علشان كلام الدكتوره ضربت رجلها في الباب بغضب وقعدت على السرير وهيه هتموت من الغيظ وبتفتكر وقت ما طلعت ورا منى وكانت عند اوضه منزر غزال كبت عليها من علبه في ايدها واتحججت انها متقصدش..نور كانت متأكده ان العلبه دي فيها حاجه عملت فيها كده اتنهدت وعنيها بتطلع شرار وقالت…استني عليا يا غزال..دورك جاي انتي بذات ليكي فوقه وروقه

 

عند وليد قام بالعافيه وهو ماسك بقو بالم وشفتو كانت بتنزف وابتسم باستفزاز وبص لشاهر بهدوء وفاجأو لما ضربو بوكس قوي هو كمان وهنا اشتبكو سوا وسط زهول الجميع الي كانو بيحاولو يفضو الاشتباك

 

منزر ادخل ومسك شاهر من وسطو بقوه بيمنعو وراشد مسك وليد الي كان بيبصلو بغل

 

شاهر كان بيحاول يزق منزر ويضربو تاني بس غزال اتدخلت ووقفت قدام شاهر وقالت ..شاهر كفايه..خلاص ارجوك..علشان خاطري

 

شاهر اول ما قالت كده وقف مكانو وحاول يهدى مع انو هيموت من الغضب

 

وليد كان هيتشل لما قالتلو كده وقلب الطاوله وقال بغضب وخبث…انا عملت ايه لكل ده انا حتى مش فاهم.. وبص لراشد وقال..عمي راشد انا وافقت اسكن معاكم هنا علشان ظرووف حور لاكن انا مستحيل اقبل اسكن في مكان كرامتي تتهان فيه.. ..وانا كفيل بمراتي واقدر اوفر لها عيشه كويسه..انا هطلع الم شنطتي وبنتكم معاكم عايزه تيجي معايا تمام مش عايزه هيه حره وطلع بغضب على اوضتو

 

شاهر حاول يوقفو بس وليد طلع من غير ما يسمعو

 

منى بصت لشاهر بعتاب وقالت.. ليه كده بس يا شاهر يابني هو قال ايه لكل ده

 

شاهر كان ساكت بغضب بس راشد قال بعصبيه..اقدر افهم ايه الي عملتو ده..هو عملك ايه علشان تضربو

 

شاهر لسه هيرد راشد قاطعو وقال…انت عارف ظروف بنت عمك وقد ايه اتحايلنا عليه علشان يفضل هنا وانت هتمشيه…اسمع يا شاهر انا مش عايز اعرف سبب الجنان الي عملتو ده..لاكن عايز اعرف قيمتي عندك..لو ليا خاطر او بتعتبرني ابوك زي ما ديما بتقول…مستحيل تخليه يمشي وتحطنا في الموقف ده

 

شاهر اتنهد وقال. يا عمي انا اكيد مقصدتش كل ده يحصل و

 

بس قاطعو راشد وقال…لو فعلا متقصدش ..كلمو..واعتذرلو ..اطلع وراه وتخلهوش يمشي

 

بقلمي…زهرة الربيع

شاهر قال بزهول ….اعتزرلو…بس انت عارف..انا عمري ما اعتذرت لحد

 

راشد قال ..بس ده مش اي حد… ده جوز بنتي وزعلو من زعلي وانا لولا اني شايف انك غلطان كان يستحيل اطلب منك تعتذر ..انت ابني يا يا شاهر ولو بتعتبرني ابوك مش هتسمح لاختك تتبهدل بعيد عننا

 

كل ده وحور قاعده مكانها متحركتش قاعده بصمت غريب شاهر بصلها واتنهد ورغم العضب الي جواه بس مقدرش يقولها حاجه وطلع ورا وليد وهو مدمر ومش قادر يتخيل انو هيعتذرلو ..بس لازم يعمل كده علشان عمه وبنتو

 

عند وليد كان واقف بخبث جمب الشنطه الي جهزها وقفلهاومستني الباب يخبط وفعلا شاهر خبط على الباب بضيق

 

وليد فتح وابتسم باستفزاز وقال..جيت بسرعه..اسرع من ما اتخيلت

 

شاهر كتم غضبة بالعافيه وقال…انا معنديش وقت فاضي زيك اضيعو في امور مش هتفدني

 

وليد ابتسم باستفزاز وقال..معاك حق انا عندي وقت وكتير قوي وفاضيلك يا شاهر..وهفضل وراك لحد ما اخسرك عيلتك كلها

 

شاهر ابتسم وقال..انا لو عندي استعداد اخسر عيلتي كنت مستحيل اجي لواحد زيك واراضيه..ودلوقتي اتفضل قول طلباتك علشان تفض اللعبه البايخه دي وتفضل هنا بس بسرعه..زي ما قولتلك معنديش وقت

 

وليدي قال ببساطه..اعتذر بس كده

 

شاهر قال بضيق شديد..اسف

 

وليد ضحك وقال..لا يا حلو..مش هنا .مينفعش تضربني في حاره وتصالحني في زقاق

 

شاهر قال بغضب قصدك ايه انجز

 

وليد قرب منو وقال باستفزاز شديد..يعني تعتذر مني قدام عيلتك كلها..واولهم..غزالتي الي سابتني علشانك ..لازم تشوفك بتعتذرلي زي ما شافتك بتضربني وووووو……….

#البارت_الثانى_عشر

تعتذرلي قدام الكل واولهم غزالتي الي سابتني علشانك لازم تشوفك بتعتذرلي زي ما شافتك بتضربني

 

شاهر الغضب كان بيقطع في قلبو ولسه هيرد عليه افتكر كلام عمه..عمه الي رباه من وفاة ابوه وعمره ما فرقه عن اولاده بصلو وقال بغضب مكبوت..انا هعمل الي انت عايزه…بس صدقني انت كل مالك وبتقضي على نفسك بالبطيئ لانك بتلعب مع الشخص الغلط يا باشمهندس

 

وليد ابتسم باستهزاء وقال…وريني اخر ما عندك يا شاهر…انا مبقاش عندي الي اخسره والبركه فيك

 

شاهر بصلو بحقد ولسه هينزل وليد قال بسرعه…انا ممكن اعدي الموقف ده ..واقعد عنا واقولهم سامحتك..وكمان من غير ما تعتذر…بس تجاوب على اسألتي..الي بتتهرب منها…اتجوزت غزال ليه يا شاهر…وايه علاقتك بموت غزل

 

شاهرضم اديه بغضب وقال من غير ما يلتفت…حصلني على تحت بسرعه….مش هستنى اكتر من ٣ دقايق

 

شاهر قال كده ونزل بغضب رهيب.. ووليد خبط الباب بعصبيه ومسح على وشو بخنقه وقال..مفيش فايده..محدش فيهم هيتكلم…

 

شاهر نزل تحت وكانو مستنينو… راشد قال بلهفه ها يابني اتصافيتو

 

شاهر قال بضيق…لسه .. .بس هنتصافا متقلقش

 

منزر قال ..ليه ..هو رفض يعني

 

شاهر شاف وليد نازل على السلم قال بسخريه…لا مرفضش…هو بس عايزني اعتذرلو قدامكم..زي ما ضربتو قدامكم

 

وليد وقف قصادو وقال..ده الانصاف ياشاهر بيه

 

شاهر اتنهد بخنقه وقال…طبعا..وانا جاهز…انا…

 

بس غزال قالت باندفاع وغضب…وتعتذر ليه اصلا…انت ضربتو وهو ضربك..خالصين..كمان انت طلعت تصالحو ايه لزمه حركات العيال دي

 

بقلمي…زهرة الربيع

سهام قربت منها وقالت بهمس..ملناش دعوه يا غزال

 

بس غزال قالت بغضب…استني يا سهام

 

شاهر بصلها بابتسامه مكانش متخيل انها تدافع عنو عكس وليد الي حرفيا اتكسر قلبو بصلها بغضب ودموعو بتلمع في عيونه وقال…انتي شايفه كده يا مدام غزال…تمام..وانا معنديش كلام بعد كلامك…وهفضل هنا..ومش عايزه يعتزر يا بنت عمي

 

وليد قال كده بقهر من جواه وطلع على اوضتو بغضب

 

هناء بصت لحور باستغراب لانها كانت قاعده مكانها مش بتتحرك ولا بتقول رأيها ولا حتي متفاجأه من الي حصل قالت لها..حور انتي كويسه

 

حور قالت بهدوء..انا تمام…تمام جدا

 

هناء قالت..طب يا بنتي اطلعي ورا جوزك ده زعلان جدا …اطلعي معايا اوصلك

 

حور قالت بنفس الهدوء..انا بطلع لوحدي يا مرات عمي وقامت وطلعت ورا وليد بهدوء شديد

 

غزال شدت خصلات شعرها لورا بتوتر وقربت من راشد بحرج وقالت..راشد بيه انا مقصدش انا كل قصدي …

 

بس راشد ابتسم وحط ايده هلى خدها وقال ولا بهمك…انتي مقولتيش حاجه غلط

 

منى قالت بابتسامه..وهو مش عيب كمان الواحده تدافع عن جوزها..وطبيعي كمان تشوف الحق معاه ..حتى لو غلطان

 

غزال بصت لشاهر بتوتر وطلعت على اوضتها بشرود واستغراب من نفسها

 

شاهر كان بيبص لطيفها بابتسامه… الاول حذرتو من العقرب الي كانت هتق*ت*لو ودلوقتي دافعت عنو قدام الكل ..اكيد فيه امل تسامحه ابتسم وطلع وراها

 

عند نور كانت بتحط الادويه الي كتبتهم الدكتوره وهتموت من الغيظ وقالت…هوريكي يا غزال…والله لتشوفي الي عمرك ما شوفتيه و

 

بس قطعت كلامها على صوت التليفون وقالت ..الو

 

المجهول قال..ايه الاخبار اجهز للعزا

 

نور قالت بضيق…لسه عايش..

 

المجهول قال بغضب..ايه..ازاي ..دي العقرب دي تموتو في خمس ثواني

 

نورقالت..مش عارفه نجي منها ازاي..انا حطتها على القميص بتاعو وشوفتو هو ونازل كان لا بس قميص غيره …بس ماشي ولا فيه اي حاحه ممكن يكون شافها وق*ت*لها وممكن …

 

المجهول قال..انا قولتلك دي خطه فاشله.. والرصاص اسهل بكتير

 

نور قالت…تمام..هجرب حاجه اخيره..ولو فشلت اعمل الي تعمله

 

عند غزال طلعت اوضتها وهيه هتتجنن من نفسها…قالت كانها بتتكلم مع شخص..انتي هببتي ايه…يعني من شويه تنقذيه من الموت ودلوقتي تدافعي عنو..

 

غزال كانت مصدومه قوي من نفسها وخايفه من الشيئ الغريب الي بيسيطر عليها وبيخليها تضعف اما تسوفو مش بخير قالت…طب من شويه وهمتي نفسك انك اتخضيتي مت شكل العقرب طب ودلوقتي…انا ازاي ممكن ابقى ندله كده وافكر فيه..ازاي ممكن ارحمه بعد كل ده ازاي ممكن اسيبو عايش..ده انا مش بس سيباه عايش..كمان بحميه..انا هتجنن

 

وهنا شاهر فتح الباب وبصلها شويه ودخل من غير كلام كان بيتأمل ملامحها من غير ما يلفت نظرها

 

بس غزال خدت بالها ليه وقالت…عايز تقول ايه بلاش تفضل تبصلي كده زي طلاب الثانويه

 

شاهر ضحك بخفه وقال…بس كنت عايز اقول شكرا..بجد من قلبي

 

غزال بصت بعيد ورت بسرعه مش عايزه قلبها يتحكم فيها قالت…انا معملتش كده علشانك انا عملت كده علشان ابن عمي..خوفت تنتقم منو وتق*ت*لو لانو خلاك تعتزر ..خوفت يحصل غزل

 

شاهر شدها عليه بسرعه وقال بانفعال…كدابه…انتي مش بس بتكدبي عليا كمان بتكدبي على نفسك

 

شاهر كان باصص في عنيها بقوه وغزال تاهت في عيونه وبقت شارده فيه بس فاقت لنفسها بسرعه ودفعتو وقالت بزعيق…محدش بيكدب على نفسو غيرك…انا موقفي عمره ما هيتغير ..هتفضل في نظري قاتل اختي..وفر على نفسك التعب ومتحاولش معايا

 

غزال قالت كده وقعدت على السرير بلا مبللاه مصتنعه

 

شاهر اتنهد بيأس وقعد يشتغل على الاب بتاعو بعصبيه وضيق

 

عند وليد كان الغضب عاميه وجمله غزال بتتكرر قدامو وحاسس بغضب رهييب

 

حور دخلت بهدوء من غير كلام وقعدت على السرير

 

وليد انتبهه لهدوءها وبصلها وقال بتريقه…خير..انتي كمان زعلتي على ابن عمك و

 

بس قطع جملتو لما حور قالت بهدوء….اتجوزتني ليه يا وليد

 

وليد ارتبك وقال بتوتر…يعني ايه..اتجوزتك لاني عايز اتجوز عادي و

 

بس قاطعتو تاني وقالت بصوت اشد شويه …بقولك اتجوزتني ليه يا وليد

 

وليد اتوتر اكتر وبص بعيد رغم انها مش هتشوفو لاكن مش عايز يشوف نظراتها قال…انا مش فاهمك يا حور

 

حور كانت هاديه جدا بس صوتها فيه الم شديد وقالت…لا انت فاهمني يا وليد..يوم ما اتقدمتلي قولتلك..قولتلك ان كل الي اتقدموولي كانو عايزين يكسبو حاجه ..ومحدش جاي علشاني..ولما عرفت ان غزال بنت عمك سألتك اذا هتمشي كنت متأكد ان فيه حاجه غلط..بس اانا اتوقعت انك تكون جاي علشان موت اختها…مش علشان غزال

 

وليد سكت ومقدرش يرد وحور قالت بدموع..مدام بتحبها..اتجوزتني ليه…اقدمت معاد الجواز ليه با وليد…ليه عملت فيا كده…انا فعلا منفعش زوجه ومنفعش مع اي حد عموما بس انا كنت راضيه بكده..واتعودت…ليه عملت كده وخلتني اصدق اني ممكن اعيش واحلم زي اي بنت…ليه …اهلي ذمبهم ايه ….وانا….انا ذمبي ايه

 

وليد نزلت دموعه على الحزن الي في عيونها ودموعها الي اول مره بشوفهم قرب منها ومسك اديها وقال بحزن…انا..انا اسف..انا مش هكدب عليكي واقولك انك فاهمه غلط..انا بجد جيت هنا علشان غزال…غزال مكانتش بنت عمي بس…لا كانت خطبتي كمان يا حور

 

حور غمضت هنيها بوجع ويأس ونزلت دمعه من عنيها وقالت…كنت متأكده…كنت متأكده انك زي غيرك..اسمع يا وليد…اي واحده غيري حاليا كانت هتقولك نتطلق…بس انا مش هعمل كده علشان اهلي..مش هخلي الناس تجيب في سرتهم وسرتي ويقولو اتطلقت اول اسبوع جواز ..علشان كده هتفضل هنا وفي اقرب فرصه هنتطلق.. وقامت رايحه الحمام ودموعها على خدودها ومشيت بسرعه واتكعبلت في السجاد

 

بس وليد سندها بسرعه قبل ما تقع وفي ثانيه كانت في حضنو

وليد بصلها بندم وحزن وقال…انتي كويسه يا حور

 

حور بعدت عنو بسرعه وقالت بهدوء..انا تمام..فوق ما تتخيل ….وراحت على الحمام وقفلت الباب وبقت تبكي جامد كانت متأكده انو وراه حاجه بس للحظات اتخيلت انو ممكن يحبها وتعيش زي كل البنات قعدت على طرف البانيو وبقت تخرج الدموع الي حبستهم قدام الكل

 

عند نور كانت قدام اوضتها ولقت سهام ومنزر طالعين ماسكين ادين بعض وبيتكلمو.سوا

 

نور اتغاظت وكتفت اديها وقالت بسخريه…ايه يا عريس طبعا حضرتك ما صدقت..سمعت كلام اهبل من دكتوره كدابه علشان تجري لحضن الهانم

 

منزر بصلها بغضب وابتسم باستفزاز وقال..سهام روحي اوضتك يا حياتي

 

سهام ارتبكت وقالت..خليني معاك و

 

بس منزر قال بجديه..روحي يا سهام..هاجي وراكي على طول.

 

سهام مشيت على الاوضه بتوتر ومنزر بص لنور وقال…عايزه ايه

 

نور قاتت بغضب..عايزه حقوقي عليك انا مش مراتك زيها والمفروض انا يوم وهيه يوم

 

منزر ابتسم بسخريه و قال..انا كنت هعمل كده بس الدكتوره حذرتني اني اجي جمبك بتقول انك معديه ….علي العموم هيه بكره بالكتير ختيجي وتشوفك ولو قالت تمام هبات عندك..

 

منزر قرب عليها وغير لهجتو واتكلم بقرف وضيق وقال …بس لازم تعرفي هبات عندك مجبر..علشان اهلي مش اكتر..ومهمتك محدده يعني تقدري تعتبري نفسك رحم صناعي مش اكتر انما مراتي دي حاجه بعيده عليكي عمرك ما هتوصلي لمكانتها وعمرك اصلا ما هتكوني مراتي

 

منزر قال كده ومشي ونور بصت لطيفه بحقد وقالت …تمام يا منزر بيه..براحتك..في جميع الاحوال مش انت هدفي…. ولسه هتدخل اوضتها شافت الخدامه ومعاها كبايه عصير ورايحه ناحيه اوضه شاهر

 

نور قالت بسرعه..استني… لمين العصير ده

 

الخدامه قالت..لشاهر بيه يا هانم

 

نور قالت… استني… هاتي العصير ده انا عطشانه اوي وروحي جبيلو كبايه تانيه

 

الخدامه ادتلها الكبايه ونزلت ونور دخلو اوضتها وطلعت قطاره وحطت منها في العصير وبصت للكبايه بغضب…وطلعت ووقفت تستنى الخدامه

 

بقلمي….زهرة الربيع

الخدامه طلعت ومعاها كبايه تانيه واول ما وصلت عند اوضه نور وقفتها وقالت…اسمعي شايفه الورد الي هناك ده هاتيه لو سمحتي

 

الخدامه قالت..طب ادخل العصير للبيه

 

نور قالت…هاتي العصير اخليه معايا ..مش هتاخدي ثواني علشان عايزه اقفل الباب

 

الخدامه قالت بقلق..تمام بس خلي العصير هنا متمسكهوش معلش يا هانم دي تعلمات ..الدكتوره بتاعتك

 

نور قالت بخنقه..تمام ولا يهمك سبيه على الطاوله الي عندك

 

الخدامه حطت العصير وراحت تجيب الورد ونور بسرعه بدلت الكبايه الي معاها بالي على الطاوله

 

عند شاخر كان بيشتغل على الاب ومتجاهل غزال وهيه قاعده على السرير بتبصلو كل شويه واول ما يبصلها تعمل مشغوله بالمجله

 

شاهر كان مشغول مع واحد في الشركه وبيكلمو وقال..طيب يا عادل انا هبعتلهم الملف كلو وانت شوف الي ممكن يتعدل وراح ناحيه صوره متعلقه وبعدها وكان وراها خزنه فتحها واخد فلاشه وقعد وبقى يبعت الملفات للشركه

 

شاهر كان مستعجل وانهمك في الشغل ونسي انو حاليا مش لوحدو في الاوضه وكانت غزال لمحت كلمه السر وهيه اسم امه معكوس

 

شاهر حس بتعب ودخل ياخد شور وغزال استغلت الوقت ده و جريت بسرعه فتحت الخزنه

 

غزال بقت تدور فيها بس كانت كلها اوراق وفلوس وعلبه مجوهرات نادره وس*لاح… ماكنش فيه حاجه غريبه ولسه هتقفلها لقت صندوق صغير جدا فتحتو بسرعه وياريتها ما فتحتو

 

غزال اتسعت عنيها من شده الصدمه لما لقت ورقه في الصندوق وكانت ورقه جواز عرفي باسم شاهر وغزل وووووووو