غزال و شاهر ج 5

_البارت_التاسع

بقت تفك زراير القميص باغراء ومنزر قرب منها وشدها عليه وعزم انو لازم يكمل معاها ويخلص ولسه هيبوسها سمع خبط شديد على الباب

 

منزر راح فتح واتفاجأ بغزال قدامو واقفه بتوتر استغرب وقال …خير يا غزال فيه حاجه

 

غزال قالت بخوف مصتنع سهام يا منزر الحق سهام و

 

بس مكملتش جملتها ومنزر مستناش حتى يعرف فيه ايه وطلع جري على اوضه سهام وهو مخضوض جدا

 

غزال سقفت بفرحه زي الاطفال بس اختفت ابتسامتها لما شافت نور مكتفه اديها وبتبصلها بغيظ وغضب وقالت…اقدر اعرف ايه الي عملتيه ده

 

غزال قالت بعدم فهم مصتنع..عملت ايه

نور قربت منها بغضب وقالت…انتي هتستعبطي انتي فاهمه اني دخلت عليا حركاتك انتي ومراتو الحربايه..اقدر اعرف حضرتك بتساعديها ليه

 

غزال قالت بخبث..انا معملتش حاجه بس كل انسان خبيث بيشوف الناثس خبيثه زيو وبيخططو ويتأمرو عليه

 

نور قالت بغيظ..لا والله وانتي تعرفيني من امتى علشان تحكمي وتقولي عني خبيثه شوفتي مني ايه غلط

 

غزال ابتسمت باستفزاز وقالت..شوفت كتير من اول كلامك واستفزازك لسهام اول ما جيتي القصر لحد ايد جوزي الي مسكتيها وانتي بتاخدي منو الميه ..اوعي تفتكري اني مش واخده بالي لعيونك الي متشالتش من عليه انهارده انا مش غبيه

 

غزال لسه هتمشي بس اتجمدت مكانها بصدمه لما نور قالت…ده على اساس ان جوزك ده اتجوزتيه عن حب ..وبتموتي فيه بقى وغيرانه عليه مش كده

 

غزال بصت لنور باستغراب وقالت..انتي قولتي ايه

..انتي اش عرفك اني مش بحبو

 

نور ابتسمت بسخريه وقالت..انا اعرف حجات كتييييير…تحبي ابدأ بايه..ابدأ مثلا بابن عمك الي اتجوز حور علشانك…ولا بجوظك الي قت*ل اختك…ولا تحبي تعرفي هو قت*لها ليه

 

بقلمي …زهرة الربيع

عند سهام كانت نايمه على السرير بروب قصير واول ما سمعت صوت رجلين منزر الي كان بيجري بسرعه البرق نامت على السرير وبقت تتألم باصتناع

 

منزر فتح الباب ودخل جري وقال بخوف..سهام مالك ياحببتي ايه الي حصل

 

سهام قالت وهيه بتتألم بتمثيل ..الحقني يا منزر .الحقني هموت بطني ..بطني وجعتني قوي اي ااااااي

 

منذر اتخض وقال..طب ايه الي حصل اكلتي حاجه ..ولا برد ولا ايه…قومي نروح المستشفي او الاحسن اطلب الدكتوره هنا ولسه هيقوم سهام مسكت ايده بسرعه وقالت…لا …لا انا..انا مش عايزه دكتور انت عارف انا بكره الدكاتره

 

منذر قال بقلق..ايوه يا حببتي بس انتي موجوعه و

 

بس قاطعتو سهام لما قالت..وانبي يا منذر انت احضني بس…انا برتاح في حضنك واتخبت فيه

 

منذر حضنها شويه وبقى يشبع من حضنها وقربها الي حقيقي افتقده الشويه دول بس انتبه واتسعت عنيه لما افتكر حاجه وبصلها بشك وقال…يعني بطلتي تتألمي

 

سهام ابتسمت بتوتر وقالت…اه..اه احسن ..

 

منذر قال بشك اكبر ..بقيتي احسن… من حضنن

 

سهام قربت منو وحاوطت رقبتو باديها وقالت قدام شفايفو..وهو حضنك بس..ده انا سمعت صوتك…وحسيت بلمسه اديك..وشبعت من نظرات عيونك كلك على بعضك دوايا

 

منذر ضحك بخفه وبصلها بعشق وقال..بتصيعي عليا يا سهام..اقسم بالله قلبي كان هيقف

 

سهام وطت تبوسه مكان قلبه ولقت القميص مفتوحه زرايره وقالت بضيق..ماشاء الله مش مضيعين وقت

 

منذر ضحك جامد لما فهم قصدها وقال..هو احنا لحقنا نعمل حاجه..ولا هنعمل اصلا انا خلاص قطعت الخلف بسببك وشدها عليه وحط جبينه علي جبينها وقال…من امتي الشقاوه دي

 

سهام ضحكت بخفه وعضت على شفتها بدلال وزقتو على السرير قربت عليه وقالت ..انت لسه مشوفتش الشقاوه وقلعت الروب وبقت بقميص مغري تحته

 

منزر اتسعت عنيه بزهول لان مش من عادتها الجرأه دي وقال …هو انا مراتي فين

 

سهام ضحكت وقربت اكتر ولسه هتبوسه منذر قال بارتباك..طب..طب انهارده..يعني المفروض

 

سهام قربت اكتر وقالت..المفروص ايه

 

منذر قال بتوتر ..اليله يعني

 

سهام قالت بدلال اكبر..الليله ايه

منذر لمعت عيونه بعشقها وقربها الذيذ ورماها على السرير واعتلاها وقال…الليله امي دعيالي ..هيه اي نعم هتق*تلني الصبح..بس ساعة الحظ متتعوضش

 

سهام ضحكت جامد ومنذر تاه في ضحكتها الجميله والتهم شفايفها بشفايفو في اجمل لحظات حياتهم ونسيو الفرح والعروسه ومنى… نسيو البيت بالي فيه

 

عند غزال اتسعت عنيها بزهول من الي سمعتو من نور وقالت بزهول ..انتي..انتي ازاي تعرفي كل ده…

 

نور ابتسمت وقالت..انا قولتلك انا اعرف كتير…فخليكي في حالك يا شاطره ومتدخليش في الي ملكيش فيه

 

غزال مانت هتتجنن وقالت ..لا ….لا ارجوكي انتي لازم تفهميني..انتي قولتي انك تعرفي هو قت*لها ليه ارجوكي تقوليلي

 

نور ضحكت وقالت…انا قولتهالك قبل كده وهرجع اقولك ..خليكي في حالك …واتفضلي علشان عايزه انام

 

غزال طلعت بزهول بتوهان وهيه مش فاهمه ازاي البنت دي تعرف كل الحجات دي وصلت للاوضه ودخلت وهيه شارده ومش مركذه

 

في الاوضه شاهر كان مستنيها وهينفجر من الغضب وقال بعصبيه…شرفتي يا هانم..ما لسه بدري

 

غزال اتنهدت بضيق وقالت…مش نقصاك ابدا ..لو معاك اي حاجه عايز تقولها اجلها للصبح

 

شاهر قال بعصبيه..لا هنتكلم دلوقتي ما هو انا مش هفضل اكل في نفسي وحضرتك حاطه اعصابك في تلاجه

 

غزال قالت بسخريه..انا اعصابي حطتهم في التلاجه من ساعة ما قبلت اتجوزك واضطر اشوف وشك كل يوم

 

غزال قالت كده ولسه هتروح الحمام شاهر مسكها من دراعها بقوه وقال..استني هنا…انا مش هستحملك اكتر انتي فاهمه ولا لا..ولما اكون معاكي في اي مكان وطول ما انتي على زمتي الحيوان ابن عمك ده مترفعيش عينك عليه…سمعتي ولا اعيد

 

شاهر كان هينفجر من الغضب بس غزال ضحكت جامد وقربت منو ومشت ايدها على صدره بنعومه وقالت..انت غيران ولا ايه

 

شاهر بلع ريقه بتوتر من قربها وقال..لا..لا انا ..انا مش عايز حد ياخد بالو و

 

بس قاطعتو غزال لما قربت اكتر وبصت لعيونه جامد وقالت بهمس قدام شفايفه ..عيونك بيقولو غير كده

 

شاهر غمض عيونه باستمتاع بقربها وشدها عليه بقوه وقال..غزال..انا…انا عايز اقولك..اني ..انا

 

بس قاطعتو غزال لما قالت بهدوء وهيه بين اديه..انت .حيو،ان..وسا،فل…ووا،طي.. عايز تضيف حاجه تاني

 

ساهر فتح عنيه بزهول من قلبتها المفاجأه واتنهد وسابها لما اتأكد انها زي العاده بتلعب باعصابو وبمشاعره مسح على وشو بضيق وكره لنفسو وقلبو الي بينهار قدامها

 

غزال قالت بسخريه.حالتك بقت صعبه يا دنجوان..نصيحه مني خد بالك على قلبك..وفهمو ان الي بيفكر فيه مستحيل لانك مهما مثلت الطيبه هتفضل في نظري حيوا،ن مغت،صب وقا،تل

 

قالت كده ودخلت الحمام وسابتو وشاهر قعد على السرير بتعب وغصب من نفسو واعصابو كانت حرفيا منهاره محسش غير على دمعه نزلت من عيونه لا اراديا وكانت بمثابه جرس انظار لعقله …وقف وهو بيحاول يسيطر هلى نفسو ونام على الكنبه وهو مش حابب يتكلم معاها تاني ولا يهين نفسو اكتر من كده

 

اما عند حور اول ما دخلو اوضتهم قعدت على السرير وبقت تفك دبابيس الشعر و المجوهرات بتوتر

 

وليد قال بارتباك..اقعدي قدام المرايه علشان تاخدي راحتك

 

حور ابتسمت وقالت…وانا هشوف ايه في المرايه يعني

 

وليد حس بغبائو وقال.اسف..انا مقصدش

 

حور قالت بسرعه..لا..ولا يهمك خد راحتك انا مش بزعل من حاجه

 

وليد قلع بدلتو وكان واقف بتوتر شديد وحور قالت..ممكن تفتحلي السوسسته معلش

 

وليد اتنهد وقال..تمام..وفتحها بارتباك

 

حور قالت ..طيب ..احم..يعني ..ممكن تختار حاجه..يعني على زوقك البسهالك..يعني ماما قالت تختار انت احسن

 

وليد اتنهد واختار لها بيجامه تلبسها ودهالها

 

حور ضحكت بكسوف لما مسكتها وقالت..بيجامه يا وليد

 

وليد قال بحرج .احم..انا..لازم اتكلم معاكي يا حور..شوفي..انا مش هقدر اعمل حاجه دلوقتي يعني..يعني هنام وبس فهماني

 

حور ضحكت جاكد وقالت..ليه …اخترنا معاد الفرح في يوم مش مناسب في الشهر ولا حاجه

 

وليد ضحك بحرج لما فهم قصدها وقال..بلاش استظراف..انا قصدي يعني…انا. …انا يعني ..دلوقتي

 

حور ضكت وقالت…بس بس ..اهدي انا بهزر…مش مهم الحاجات دي بتحصل عادي من التوتر و

 

بس قاطعها وليد وقال..انتي فهمتي ايه يخربيتك..انا تمام…هيه كل الحكايه اني حابب ناخد على بعض في الاول

 

حور كانت كاتمه ضحكتها بالعافيه وقالت..نتعرف اممممم…تمام

 

بقلمي…زهرة الربيع

ولسه هتمشي وليد شدها وقال بغيظ…انتي مش مصدقاني ولا ايه..

 

حور قالت بضحك..ياعم لا..انت واخد الامور على قلبك ليه..انا عندي واحده صحبتي جوزها فضل يتعرف عليها سنه كامله بعد الجواز وكان لذيذ جدا على فكره..وضحكت واخدت البيجامه ودخلت الحمام

 

وليد كان واقف بزهول من كلامها الي جننو وقال..يابنت ال…بس ضحك بخفه على كلامها وبقى يكمل لبس

 

عند غزال طلعت من الحمام بصت لشاهر لقتو نايم على الكنبه ووشو بريئ جدا وهو نايم اتنهدت وفضلت تتأملو وحست بسعاده جواها لما افتكرت قربو ولمساتو وتوهانو قدام عيونها ابتسمت واحساسها كان جميل بس اتسعت عنيها بزهول لما حست على نفسها ومشيت من قدامو بسرعه وهيه مصدومه من تفكيرها.. نامت على سريرها وهيه بتلعت نفسها لمجرد افكار خانتها

 

في صباح يوم جديد منى كانت مبسوطه وهيه بتجهز فطار العرسان بنفسها وقالت لهناء..متعرفيش قد ايه مبسوطه ان شاء الله ربنا هيكرمنا وبعد تسع شهور تولد

 

هناء ضحكت وقالت..تولد.. مش لما تحمل الاول اهدي يا منى مش كده

 

منى قالت بفرحه….انتي بس ادعي معايا يا هناء..يلا انا هطلعلهم الفطار وانتي ابعتي صنيه حور ووليد مع واحده من الخدم …واخدت الصينيه وطلعت

 

منى خبطت على نور واول ما فتحت قالت بفرحه..صباحيه الهنا

 

نور قالت بدموع مصتنعه..هنا ايه يا حماتي لو تعرفي ابنك عمل ايه……

 

منى قالت بخضه.. ايه الي حصل يا حبببتي

 

نور قالت ببكا…ليله دخلتي يا حماتي ..سابني وراح اترمي في حضنها ..نام مع غيري في دخلتي

 

منى اتسعت عنيها بزهول بعد ما نور حكت لها وكانت هتطق من الغيظ وقالت بصوت صحى كل اللي في البيت…منزررررررر..هق*تلك يا ابن منى ووووووو

…. البارت العاشر…..

نور قالت ببكا…ليله دخلتي يا حماتي ..سابني وراح اترمي في حضنها ..نام مع غيري في دخلتي

 

منى اتسعت عنيها بزهول بعد ما نور حكت لها وكانت هتطق من الغيظ وقالت بصوت صحى كل اللي في البيت…منزررررررر..هقت*لك يا ابن منى وجريت على اوضه منزر وسهام

 

غزال وشاهر قامو بخضه من صوتها لان اوضتهم جمب اوضه نور…. شاهر قال وهو بيلبس قميصه بخضه …فيه ايه..مين مات

 

غزال قالت بسرعه وهيه بتلبس..مات ايه بس اجري ده صوت مرات عمك

وطلعو جري يشوفو فيه ايه

 

اما منزر اوضتو بعيده عنهم وكأنو في عالم موازي فتح عيونه بنوم وكانت سهام نايمه على دراعو ابتسم بسعاه من قلبو لما افتكر حركاتها وشقاوتها وكل الي عملتو من غيرتها عليه محسش امتى نانو في احضان بعض… ميل وباسها برقه

 

سهام فتحت عينها وابتسمت وقالت..صباح الخير

 

منزر غمز وقال صباحيه مباركه

سهام ضحكت وقالت…الله يبارك فيك يا عريس

 

منزر قال وهو تايه في عيونها..يا خرابي على العيون ….الي بهواهم مفتون ….وانا لله وانا اليه راجعون

 

وطبعا مش دي التكمله الرومانسيه الي كان ناوي يقولها بس طلعت الجمله دي لما سمع صوت امه بتقول…قولت محدش يتدخل منزر..افتح يا منزررررررر

 

منزر قام بارتباك وبقى بلبس

 

بقلمي…زهرة الربيع

سهام قالت بقلق مصتنع..يا لهوي دي حماتي شكلي عملت مشكله

منزر ضحك وقال بخبث..وانتي ذمبك ايه بس.. هو حد بيتعب بمزاجو

 

سهام ضحكت وضربتو في كتفو بخفه وقالت ..طب روح هديها بقى هتلم علينا البيت كلو

 

منزى ضحك وقال…لا متقلقيش زمانهم اتلمو انتي ناسيه ان اوضتنا اخر اوضه يعني كلهم قدام الباب

 

لسه هيفتح سهام قالت بسرعه..افتح انا و اقولها انك نزلت

 

منزر قال ..وعلى ايه ..مسيرها هتقفشني..وبعدين هو انا بخاف اتفرجي وشوفي

 

سهام ضحكت وكل ده ومنى بتخبط على الباب جامد

 

منزر قال بتوتر….طب شايفه خبطه بوليس الاداب دي..دي لو قفشانا في الحرام مش هتخبط كده ..وخد نفس وفتح الباب بابتسامه متوتره

 

منى ابتسمتلو بغيظ وقالت…اسم النبي حارسك وصاينك..صباحيه مباركه يا قلب امك

 

منزر قال بابتسامتو الجميله..الله يباركلك يا ست الكل

 

منى اتغاظت اكتر وقالت..انتي عايز تشليني يا ولا..هو انا جوزتك تاني علشان تبات هنا برضو..

 

شاهر قال بضحك ….الله يكسفك يا بعيد..خلاص يا منمن صلي على النبي ..وكل حاجه لها حل

 

غزال قالت بخبث….لا لا..هيه معاها حق..ده اتجوز امبارح يعني لولا انو مش طايق يبات في الاوضه التانيه مكانش يبات هنا ليله دخلتو

 

نور اتغاظت من كلامها وسهام ضحكت…. اما منزر بصلها بغيظ وقال…اكيد مش كده يا غزال احنا بنهدي النفوس

 

منى قالت..النفوس مش هتهدي ولا هتتزفت يا حبيبي انا مش معايا شويه فلوس فقولت ابعترهم واجوزك.. انا جوزتك لسبب انت عارفو كويس…وانا مش عيله علشان تضحك عليا وتيجي تتسحب هنا تاني

 

ابتسام قالت..الموضوع مش كده يا حماتي انا نادتلو و.

 

منى قالت…انتي متدخليش يا سهام يا حببتي انتي حقك تعملي الي انتي عيزاه..انتي هنا الاول والكل بعدك..بس انا بتكلم عنو لو مش عايز يبات هنا مكنش بات محدش ضربو وكتفو هنا ..بس هو عايز يتهرب

 

منزر قال بحرج…ايه بتهرب دي يا نبع الحنان…شكلي بقى وحش على فكره بعدين يفهمو غلط بلاش قدام الناس حتى

 

غزال قالت بسرعه..لا خدي راحتك يا منى..عارفه انا حاسه انو مربوط على مراتو الجديده علشان كده مقدرش يبات معاها او يمكن هيه منحوسه..انا اعرف حتت شيخ بيفك النحس في ثواني

 

منى قالت بتفكير…تفتكري ينفع

 

غزال لسه هترد منزر قال بغيظ شديد..انتي تسكتي يا سبب المصايب متسمعيش كلامها يا ماما …خد مراتك يا شاهر

 

شاهر كان هيموت من الضحك وقال…طيب..طيب انت بس اهدى ويلا ننزل ونتكلم تحت بدل الوقفه دي

 

منزر قال بسرعه..لا وحيات امك انتو هتعملوهالي قعده انا مش ناقص…انزلي يا ماما وانا هحصلك

 

منى قالت..لا..انامش هتحرك وانت كمان هتروح مع مراتك وايه رأيك يا منزر علشان تقرطسني هتفضل معاها ومش هتخرج من الاوضع الا لما تبقى مراتك حامل..وتحددو نوع الجنين كمان…. يلا وشدتو من ايده تحت زهول الجميع وطلعت بيه على اوضه نور

 

سهام اول ما مشيت بيه اتملت عيونها دموع.. بس غزال قالت بسرعه..اجمدي..متخافيش هيرجع هنا تاني ومش هيجي جمبها …اوعدك

 

سهام قالت بفرحه…صحيح يا غزال

 

غزال لسه هترد..شاهر قال بزهول..هو انتي ليكي ايد في الحوار ده..يخربيتك..انتي مالك

 

غزال قالت اشش ..انت تسكت خالص..تقدر تساعد ساعد مش عايز اتركن على جمب …ومشيت على اوضتها

 

شاهر مشي وراها باستغراب وسهام قفلت الباب بارتياح وهيه بتفتكر حبو ليها وانو ساب عروستو ودخلتو وجالها جري ومقدرش يسبها وحبو ليها الي كان واضح وبيسرق قلبها كل ما بيكون معاها

 

عند منزر منى اخدتو على الاوضه هو ونور وقالت..من هنا متتحركش سامع

 

منزر قال ..يا ماما بهدلتيني بقى خلاص هيه لياه واحده يعني ما اليالي كتير و

 

منى قالت بغيظ..صح اليالي كتير بس ليله امبارح كانت ليله فرحك…يا اخره صبري وبصت لنور وقالت..معلش يا نور ممكن تسبيني معاه دققتين بس

 

نور طلعت بطاعه وهيه هتموت من الغيظ من سهام وغزال يذات غزال لانها متأكده انها السبب في كل الي حصل وقفت قدام الباب بتوتر وبصت يمين وشمال تتاكد ان محدش شايفها وبعتت رساله للشخص الي بتكلمو وكتبت بغضب..انا هنفذ حالا…خلاص ملهوش لزوم الانتظار

 

اما شاهر جري ورا غزال ومسكها عند الحيط بعيد من الاوضه..وقال ..ايه الي حصل ده..

 

غزال قالت ..حصل ايه

شاهر قال ..انتي هتجننيني يا غزال..انتي مالك ومالهم..يا بت افهمي منى هتفضل وراه لحد ما العروسه تحمل يعني الي بتعمليه ملوش لزوم انتي بتعكي وبس

 

غزال ضحكت وقالت..انت لسه متهرفنيش لما بحط حاجه في دماغي بوصلها..واصلا الي بتعملو منى ده حرام..منزر وسهام بيموتو في بعض ورتاحيين سوا معندهمش مشكله في عدم الانجاب المهم يكملو مع بعض… يبقى هيه تجبيرهم ليه بقى.

 

شاهر اتنهد وقال..معاكي حق بس برضو مش هتعرفي تعملي حاجه

 

نور استغلت انشغالهم و بقت تتسحب ناحيه اوضتهم وشافتهم بره الاوصه بعيد عن الباب ابتسمت وراحت ناحيه السور الي جمب السلم وكان فيه نبته في قصريه خاصه بالزرع فتشت فيها وطلعت علبه صغيره مقفوله..

 

نور بصت للعلبه بغل ودخلت اوضه شاهر وغزال بسرعه فضلت فيها خمس ثواني وطلعت جري ناحيه اوضتها هيه ومنزر

 

اما غزال اتنهدت بضيق لما حست ان مفيش امل من النقاش معاه وقالت ..انت عايز ايه دلوقتي انت مش شايف اني مش هعرف اعمل حاجه …تمام …اتفرج وشوف انا هعمل ايه … ومشيت ودخلت اوضتها

 

شاهر اتنهد ودخل وراها وقال …انا بس مش عايز مشاكل

 

غزال قالت متخافش..مفيش اي مشاكل ..انا قولتلك انت متعرفنيش لما احط حاجه في دماغي… واخدت هدوم ودخلت الحمام

 

شاهر ابتسم وهو باصص على طيفها باعجاب وقال…لا عارف..انا اكتر واحد عارف

 

عند وليد لما سمع الدوشه مرضيش يدخل بس حور راحت شافت الموضوع ورجعت على الاوضه بتضحك جامد

 

وليد قال بسرعه..فيه ايه خير

 

حور كانت بتضحك جامد وقالت وسط ضحكاتها..مش هتصدق…مطلعتش انت لوحدك الي محتاج تتعرف الاول

 

وليد قال باستغراب ….مش فاهم قصدك ايه

 

حور قالت..اقولك يا سيدي بقى منزر اخويا ساب عروستو وراح بات عند سهام…ماما بقى قفشتهم الصبح وخربت الدنيا خالص وسيحتلو بقى

 

وليد ضحك وقال..باين ان اخوكي بيحب مراتو الاولى اوي

 

حور قالت بفرحه…جدا..انا طول عمري بتمنى لو الاقي حد يحبني زي منزر ما بيحب سهام

 

وليد ابتسم بحزن وقال…انا..انا نفسي اسألك سؤال محيرني…ممكن

 

حور قالت ..اممم اسأل

 

وليد قال..انا عايز اعرف انتبي ليه مش بترفضي اي حاجه..يعني لما اتقدمتلك مرفضتيش ومفكرتيش حتي ..ولما عجلت معاد الفرح معترضتيش برضو..ولما اما امبارح يعني انا قولتلك ناخد وقت الاول برضو معترضتيش مع ان كل الحجات دي حجات المفروض مهمه جدا لاي بنت مش ليكي انتي بس

 

حور ابتسمت وقالت..لاني ببساطه عمري ما اختارت حاجه يا وليد…انا …انا بسبب ظروفي عمري ما اخترت اي حاجه..من وانا وصغيره …ماما كانت تخاف عليا..وتختار كل حاجه عني ده حتى لما كنت احب اخرج لازم استنى وقت ما هيه تبقى فاضيه تخرجني..ولما احب اشتري حاجه..هيه الي بتختارها..انا اتعودت الناس الي حوليا يختارولي كل حاجه..انا لبست فستان فرح مخترتوش ولا اعرف شكلو..وقعدت في حفله مشوفت حاجه فيها ولا اخترت حاجه..فانا اتعودت..زي ما طول عمرهم بيختارولي واقول تمام..كمان مش مشكله عايزين يجوزوني تمام برضو ..

 

وليد اتأثر جدت بكلامها وقرب مسك اديها وباسها بحنان وقال..انا اسف يا حور

 

بقلمي..زهرة الربيع

حور قالت بسرعه..لا عادي.انا قولتلك..انا مش بزعل..انا متعوده با وليد..وبعدين الحمد لله ان عندي ناس تهمها مصلحتي وربنا حاطهم في حياتي بدال عيوني واكيد اختياراتهم احسن ليا

 

وليد كان زعلان جدا عليها وزعلان من نفسو اكتر وقال بدموع…اكيد..وبعدين انا..انا كمان هكون من الناس دي وهتشوفي..انا..هخرجك وهفسحك في الوقت الي انتي تكوني عايزه تخرجي فيه وهشتريلك الي تحتاجيه بالشكل الي تحبيه….من انهارده هكون عيونك …انتي تهميني قوي يا حور

 

حور فرحت من كلامو الرقيق..وحست بدعم كبير رفعت اديها بتردد ولمست خدودو وقالت…شكرا…انت انسان جميل يا وليد..وانا بجد مرتحالك جدا

 

عند منى قالت بحزن..منزر يا ابني انت حته من روحي يا حبيبي..و اكيد انا اكتر واحده تحس بيك وعارفه انك زعلان على ابتسام وبتحبها ومش حابب تكون مع غيرها ..بس ياحبيبي.احنا اخدنا خطوه وانت اتجوزت..ينفع يا منزر تظلمها …البنت مفرحتش بليله فرحها زي كل البنات مع انها اول مره ليها…ينفع تعمل معاها كده يا حبيبي ربنا يرضى بكده

 

منزر اتنهد وقال…. لا..اكيد لا يا ماما..بس انا قولتلك الي حصل… مقدرتش اسبها انا كنت خايف قوي عليها…و..وانا اسف .مش هتتكرر

 

منى ابتسمت ولسه هترد دخلت نور وهيه بتزعق وبتقول..ساعه بتتكلمو ..الحقوني..اتصلو بالدكتور هموت

 

منى اتخضت وقالت فيه ايه يا بنتي

 

نور كانت بتهرش في جسمها جامد وقالت…هموووت جسمي ..مش عارفه فيه ايه…. ااااااه وجريت على الحمام وفتحت الميه عليها

 

منزر ومنى كانو مش فاهمين مالها واتصلو على الدكتوره وفضلو مستنينها تخرج من الحمام

 

اما شاهر كان لبس القميص الي مجهزو على السرير وبيلبس الساعه بتاعتو وكان شيك زي عادتو

 

غزال طلعت من الحمام وكانت لابسه برنس رقيق وبتنشف شعرها المبلول وشكلها جميل

 

شاهر فضل باصص لها بتوهان واعجاب وغزال بصتلو بطرف عنيها وقالت..مالك بتبصلي كده ليه

 

شاهر ابتسم وقال..ابدا..بس شكلك حلو اوي

 

غزال بصتلو لما قال كده وقلبها رق ..بس لعنت نفسها في ثواني و قالت بضيق…اممم..حلوه قد ايه يعني..انا احلى ولا غزل

 

شاهر اتنهد بضيق شديد ومردش وبقى يقفل الساعه بعصبيه

غزال بصتلو بسخريه اما سكت بس اتسعت عنيها بزهول وفضلت مركذه فيه جامد

 

شاهر استغرب نظراتها وقال …فيه ايه مالك

 

بس غزال مردتش عليه وقربت منو بحزر ووقفت قدامو بالظبط وبقت تفك زراير قميصو من غير كلام وووووووو