غزال وشاهر ج 2

بارت 3

شاهر انقض عليها بقى يبو،سها بعنف وغضب بس غزال متحركتش ولا حاولت تمنعو وفضلت ثابته بجمود زي الج*ثه وبتبصلو بغضب شديد

 

شاهر استغرب وبص في عنيها باستغراب وغزال قالت .وقفت ليه..كمل…ما انت متعود على كده….كمل اغت*ص،بني زي ماعملت مع غزل ..كمل

 

شاهر وقف بسرعه لما قالت كده وبقى يتنفس بقوه ويبصلها وهو بيحاول يسيطر على دموعه وسحب قميصه ونزل جري

 

غزال اول ما خرج بقت تبكي جامد وحست بغثيان شديد ودخلت جري على الحمام وبقت تتقيأ وهيه حاسه بقرف شديد منو ومن كل شيئ حواليها

 

شاهر اول ما طلع لبس قميصه على السلم ونزل جري ودموعه بتنزل على خدودو غصب عنه مسحهم بشده ومشي بسرعه ناحيه الباب ولسه هيطلع وقف على صوت بيقول…شاهر ….انت شاهر

 

شاهر اتنهد وبصلها وقال…ايوه انا …فيه حاجه يا حور ..

 

حور قالت بتوتر… كويس اني لقيتك ..ماما عيزاك..اصل سهام مصره تمشي ومنزر اتعصب عليها وكانت عيزاك تروح تاخده بسرعه

 

شاهر اتنهد وقال…هو في اوضتو

 

حور لسه هترد سمعو منزر بيقول بزعيق وغضب..عليا الطلاق ما هتروحي في حته ولو رجلك خطت خطوه بره البيت هكسرها يا سهام

 

شاهر جري بسرعه على اوضه منزر واول مادخل لقا راشد ماسك منزر الي كان بيزعق بعصببه وبيقول..مفيش خروج من البيت لو هبيتك في المستشفى مش هتخرجي

 

سهام قالت بزعيق..انت ملكش كلام معايا بعد ما خلاص سمعتلهم وهتتجوز عليا ..طلقني يا منزر طلقني والله اخلعك

 

منزر قال بغضب..طب اعمليها..اعمليها كده وفرجيني

 

هنا ء قالت بيأس..يا اولاد مش كده الناس سمعت صوتنا كفايه كده..اعقلي بقى يا سهام

 

سهام قالت بزعيق..والله وهي سهام الي اتجننت يا خالتي والي بيعملو ابنكم عادي مش كده

 

شاهر قال…تمام..اهدي يا سهام والي عيزاه هيحصل..تعالى معايا يا منزر..يلا وشدو وطلع بيه بالعافيه

 

ومنى قعدت سهام وقالت بابتسامه جميله…يلا اقعدي كده وصلي على النبي بقى

 

سهام قالت بغضب وزعيق..عليه الصلاه والسلام بس برضو همشي با حماتي مش هقعد دقيقه واحده تاني

 

عند شاهر طلع منزر وقعد بيه في الصالون وقال..فيه ايه يا عم منزر هو انت كل يوم هتتخانق معاها كده ..مش دي سهام حبيبه القلب..الي بتموت فيها ايه الي حصل بقى

 

منزر اتتهد وقال…نفس الحكايه ..عايزه تطلق علشان هتجوز..انا مبقتش مستحمل بقى هتجنن من الوضع ده

 

شاهر اتنهد وقعد وقال..الصراحه متزعلش مني هيه معزوره برضو

 

منزر قال بحزن..انا عارف….عارف بس هعمل ايه يا شاهر..انا مضايق اكتر منها …ياشاهر احنا بقالنا ٨ سنين متجوزين..حصل فيهم حمل اكتر من خمس مرات وكل مانقول المرادي ان شاء الله تكمل برضو ينزل..ومش لاقين اي حل كلو كان على ايدك روحنا لاحسن الدكاتره هنا وبره بس ربنا عايز كده مش كاتب لنا اولاد سوا اعمل ايه …من ناحيه هيه ومن ناحيه اهلي..امي بقالها تلت سنين على نفس الاسطوانه نفسي اشوف اولادك قبل ما اموت يا منزر نفسي تفرحنا يا منزر اختك حور مش هتتجوز انت الوحيد الي ممكن تجبلنا احفاد.. وانا مقسوم بينهم واديك شايف كل الفيلم ده علشان قريت فاتحه مش عارف لما اتجوز هتعمل ايه

 

شاهر ضحك واتنهد بحزن وقال..مهيه معزوره كمان يعني هيه مش كفايه انها مش هتخلف كمان انت تكون لغيرها صعبه عليها..بس المهم انت عايز ايه

 

منزر قال..مش عارف… انا كمان نفسي ابقى اب واعيش الاحساس ده..بس اكيد عايز سهام معايا وهيه قبل اي حاجه انا بحبها يا شاهر ومقدرش اتخلى عنها

 

شاهر ابتسم وقال..تمام انت اهدي …دلوقتي منى تقولها كلمتين زي كل مره وتهدي انت بس متردش على كلامها لما تكون متعصبه

 

منزر لسه هيتكلم سمع سهام بتقول بزعيق..اقعد معاه واشوفو بعيني مع غيري اسأليه كده يقدر يشوفني متجوزه غيرو يا خالتي

 

منزر قال بزعيق قاصد يسمعها…تتجوزي مين يا بنت المضايقه..عدي ليلتك يا سهام ..اقسم بالل….

 

شاهر حط ايده على بق منزر وقال وهو بيضحك..احنا كنا بنقول ايه..مش لسه بقولك متردش عليها.. مبتفهمش

 

عند سهام كانت دموعها نازله بحزن وهناء قالت بحب..يا قلبي انتي ..احنا منقدرش نستغني عنك

 

منى قالت ..والله يا حببتي البيت كلو كفه وانتي كفه..يلا بقى امسحي دموعك..ومتزعليش نفسك..بكره تقولي حماتي قالت..والله الطفل ده كمان هيفرحك اكتر مننا كلنا ..ده برضو هيبقى ابن منزر حبيبك

 

سهام قالت بدموع ووجع..بس ابنو من واحده غيري يا خالتي …

 

منى قالت بابتسامه حزن..ربنا يهونها على قلبك يا حببتي …والله كل ده هيتنسي

 

سهام كانت مضايقه جدا وجواها نار ووجع شديد بس سكتت ومقدرتش تمشي بعد ما اتحايلو عليها كتير وسكتت وهيه بتموت من جواها

 

هناء ومنى كانو بيهدوها وخبط منزر وقال بابتسامه جميله..احم..ادخل بقى ولا الف وارجع

 

سهام بصت بعيد بدموع ومنى ضحكت وقالت.طبعا تدخل انتو ملكمش غير بعض ….يلا بقى اسبكم علشان تنامو الوقت اتأخر

 

هناء طلعت ومنى وقفت جمب منزر وهمستلو وقالت..براحه عليها…المسكينه موجوعه وانبي ما تذودها عليها

 

منزر هز راسو بحزن ومنى مشيت وهو قفل الباب وقال بمرح مصتنع ..سوسو…قلبي..انت لسه متعصب يا جميل

 

سهام بصتلو بضيق وقامت دخلت الحمام ودموعها محبوسه في عنيها….واول ما دخلت قفلت الباب وفتحت الميه وبقت تبكي جامد بقهر

 

منزر لقاها اتأخرت وصوت الميه شغاله عرف انها بتبكي وفاتحه الميه علشان ميسمعهاش اتنهد وفتح باب الحمام ودخل

 

سهام كانت بتبكي جامد واول ما دخل قالت ببكا..انت ازاي تدخل كده اطلع حالا يلا..سبني في حالي

 

بس منزر اتملت عيونه دموع على حالتها وشدها لحضنو بقوه وقال بحزن …من امتي بتعيطي بعيد عن حضني ..هو انا مزعلك لدرجادي ..

 

سهام اتخبت فيه اوي وبقت تبكي بالم شديد وتطلع كل الي جواها ومنزر قال…حقك عليا يا قلبي

 

سهام قالت ببكا ووجع..شوفتها يا منزر عجبتك قعدت معاها ومسكت ايدها.. انا..انا مش قادره اتخيل الحاجات البسيطه دي ازاي هستحمل تتجوزها وتبات معاها ..ازاي

 

منزر بقى يطبطب عليها ودموعو نزلت بالم وقال..اششش..مهما حصل بنا ومهمها اتطورت علاقتنا وحتى لو جابت الولد الي مستنينو..عمرها مهتاخد مكانك ولا هتكون زيك..القلب ميحبش اتنين يا سهام

 

في بيت غزال كان وليد واقف بصدمه بيسمع لعمه وقال بزهول..يعني غزل ماتت…. وغزال ..غزال خطبتي جوزتوها لغيري..وانا معنديش خبر..ازاي يا عمي

 

عدنان قال بحزن…ده نصيب يا ابني

وليد قال بزعيق… ايوه النصيب ده حصل ازاي …غزل ماتت ازاي يا عمي وايه دخل موتها بجواز غزال

 

عدنان ارتبك وقال …ملوش دخل يا بني ..غزال هيه الي واففت على العريس و

 

وليد قال بغضب..وافقت ازاي وهيه مخطوبه ..ازاي وهيه لابسه دبلتي

 

عدنان سكت ووليد قال بغضب…انا هعرف منها كل حاجه..محدش هيجاوبني غيرها…غزال اتجوزت مين ياعمي

 

عدنان قال..ملوش لزوم المشاكل يا ابني و

 

بس وليد قال باصرار بقولك ..اتجوزت مين يا عمي

 

عدنان قال بقلق وخوف ..احم…شاهر..شاهر الضبع

وليد اتسعت عنيه بزهول وقال..شاهر الضبع..صاحب شركات الضبع للمقاولات..

 

عدنان قال…ايوه يا ابني هو..شاهر صاحب المشروع الي انت مستلمو فأرجوك يا ابني ا

 

بس وليد مسمعهوش وطلع بغضب من البيت وهو مش شايف قدامو

 

عند شاهر كان قاعد في المكتب بتاعو بيفتكر غزال ملامحها وعيونها ونظراتها كل ما فيها يشبه غزل..كانها نسخه منها كسر الكاس الي في ايده بعصبيه وفضل يفكر في كل الي عدى لحظات مش قادر ينساها

 

فلاش باك

في بيت صغير جدا في مكان غريب كان شاهر واقف وفي ايده علبه بنزين و بيبص للبيت بدموع وغضب و شرود متجاهل صوت البنت الي كانت باصه من الشباك الوحيد المفتوح وعليه قضبان حديد …وكانت بتصرخ وبتقول ..ابوس ايدك..ابوس ايدك طلعني..وانبي ما تعمل كده وانبي يا شاهر ما تعمل كده حرام عليك …حرام..لا ..لا. وانبي لا

 

بس شاهر فتح علبه البنزين وبقى يغرق البيت بحيطانه بغضب شديد

 

البنت كانت بتبكي وتصرخ بس اتسعت عنيها واترعبت لما فتح الولاعه بتاعتو ورماها على البنزين بقت تصرخ بكل صوتها وفي ثواني كانت النار عبت المكان وحرقت البيت من جميع التجاهات وشاهر بص للمكان وهو بيتحرق بغضب ودموع ومشي

 

بقلمي..زهرة الربيع

شاهر فاق من شروده على خبط على الباب وكانت هناء قالت..ايه يا ابني ساعه على ما تفتح

 

شاهر قال بضيق… خير يا امي فيه حاجه

 

هناء قالت..طبعا فيه انت ايه حكايتك انهارده.استغربت لما عرفت انك هنا يا ابني اليله دخلتك ازاي سايب عروستك و

 

بس شاهر قال بتعب..ماما معلش والله انا تعبان جدا ومش قادر اتناقش..انتي عارفه ان الي فوق دي عمري ما هعتبرها مراتي فبلاش الكلام .ده لو سمحتي

 

هناء اتنهدت وقالت..تمام..اجبلك تاكل ولا مش عايز كمان

 

شاهر قال لا شكرا ..مش قادر

هناء مشيت بحزن وشاهر مدد على الكنبه الي في المكتب ونام

 

عند غزل هيه كمان خرجت من الحمام بحزن ودموع ونامت على السرير وفضلت وسط افكارها الشيطانيه الي بتوزلها انها تخلص عليه باي طريقه لحد ما نامت

 

في صباح يوم جديد شاهر خرج من المكتب وحس بحركه غريبه في البيت فنادي على مرات عمه وقال..فيه ايه يا منمون ايه الحكايه

 

منى قالت بفرحه..مش هتصدق يا شاهر..جيه عريس لحور..وعارف بظروفها..وموافق..وكمان مهندس و

 

شاهر قاطعها وقال..حيلك حيلك اهدي..لاحسن بفتكرنا مدلوقين عليه

 

منى قالت انت هتعملي زي عمك.. يا سيدي انا مدلوقه عيزاها تتجوز زي كل البنات…

 

شاهر ضحك وقال… طب يا ستي ربنا يتمم بخير هطلع اغير واجي اتعرف عليه

 

في الصالون كان راشد قاعد مع العريس وقال..وانت بقى اهلك فين يا وليد يا ابني

 

وليد قال..انا للاسف ابويا وامي اتوفو في حادث بس يعني لو اتفقنا هجيب عمي ومرات عمي

 

راشد لسه هيرد نزل منزر ومعاه حور وراشد قال..تعالي يا حور يا بنتي سلمي على الباشمهندس وليد

 

حور مدت ايدها وقالت بضيق مكبوت …اذيك..انا حور عاميه ومش بشوف ..خالص ووووووو

بارت 4

مدت ايدها وقالت..انا حور عميه ومش بشوف خالص

وليد سلم عليها بدهشه وقال احم عارف..انا..انا وليد

 

ابوها ومنزر اتوترو لما قالت كده ومنزر قال .. احم .. نسبكم تتعرفو عن اذنكم

 

منزر وراشد طلعو وحور قعدت وقالت …جبت جاتو معاك

وليد استغرب وقال …ايوه..ايوه جبت ..ليه

حور قالت طب كويس ..افتح العلبه وهات حته

 

وليد قال في نفسو.. عبيطه دي ولا ايه …وفتح العلبه ودالها قطعه

 

حور بقت تاكل الجاتو وقالت …اممم حلو …طبعا انت بتقول في بالك ايه الهبله دي

 

وليد قال ..الصراحه اه..مستغربك شويه

حور ضحكت وقالت ..لا متستغربش كل الحكايه اني مش عيزاك تروح ترجعها تاني..العامل الغلبان الي صدق ما باعها ملوش ذمب علشان ترجعها

 

عند شاهر طلع اوضتو علشان يستحمى ويغير فتح الباب ودخل وكانت غزال بتلبس واتخضت وقالت بزعيق…مش تخبط ..انت مبقتش لوحدك في الاوضه

 

شاهر بصلها من فوق لتحت كانت بقميص رقيق وردي ولسه هتلبس الدرس بلع ريقه بتوترمن منظرها ..بس اصتنع الجمود وقال بسخريه…هقولك على معلومه …واحده زيك مستحيل تغريني..حتى لو وقفتي عريا،نه فمتتعبيش نفسك

 

شاهر لسه هيدخل الحمام قالت بغضب…واحد تافهه زيك مش مستاهل اني اقلع علشان اغر،يه اصلا ..انت متاخدش معايا غلوه انا ولابسه ..بس طبعا الكلام ده لو كنت عيزاك تلمسني… بس ريح بالك انا مستحيل اخلي الحيونا،ت تقربلي

 

شاهر بصلها بحده وقال بغضب رهيب…لمي لسانك ده..علشان تطلعي بيه من هنا ..لو كنتي عيزاه يعني وانا لو عايز اطولك مش محتاج اذن منك

 

ولسه هيمشي قالت بسرعه..طبعا..كنت هتغت،صبني ببساطه..ما دي عادتك

 

شاهر ضم اديه بغضب رهيب وكان هينفجر حرفيا بس حاول يهدي اعصابو بالعافيه وقال..معاكي حق..كنت هعمل كده…وبصلها باستحقار وقال. بس انتي متستاهليش التعب ولا المناهده.. قال كده ببرود عكس الجحيم الي جواه ودخل على الحمام بغضب

 

غزال كانت هتتجنن من بروده وطريقتو وكلامو ..لبست هدومها ونزلت بضيق ولقت الستات متجمعين سوا… منى وهناء وسهام وقاعدين بتوتر مستنين يعرفو رأي العريس

 

غزال بصت لهم باستغراب وقاات..صباح الخير

 

هناء قالت..صباح العسل يا عروسه نزلتي ليه كنا هنجبلكم الفطار فوق

غزال قالت..مفيش داعي انا اصلا مش بحب قعده الاوض ..هو فيه حاجه ولا ايه..حاسه الاجواء متوتره

 

منى قالت ..ادعيلي …على وشك القمر في عريس كويس جدا اتقدم لحور بنتي..اه صحيح انتي متعرفيش انا معايا بنت وولد حور ومنزر حور مع عريسها جوه..وشاورت على منزر وكان بيتكلم مع راشد بعيد وقالت..وده منزر ابني ودي سهام مراتو

 

غزال ابتسمت وسلمت على سهام وقالت .اهلا وسهلا

سهام قالت بابتسامه..مبروك يا عروسه

غزال قعدت معاها وفضلو بتكلمو سوا

 

عند وليد كان مستغرب جدا كلام حور وخصوصا لما قالتلو انو هيرجع الجاتو وقال بدهشه….معلش مش فاهم ..هو وانا هرجعها ليه يعني هو انا جبتها علشان ارجعها

 

حور قالت …شوف يا باشمهندس انا اكتر حاجه بحبها في حياتي الصراحه مهما كانت عواقبها..انا عميه مش بشوف..وممكن ميكونش فيه امل اني اشوف..وحضرتك العريس العاشر الي يتقدملي ويمشي لان كل واحد اتقدملي جاي علشان حاجه معينه في دماغو ومنهم الي جاي وميعرفش اني مش بشوف اصلا ..واكيد حضرتك كمان ذيك زيهم ..ايه الي يخلي واحد في عز شبابو مهندس وناجح وقالولي كمان انك زي القمر..فانت مش مضطر تتجوز واحده في ظروفي الا اذا كنت جاي علشان حاجه معينه

 

وليد حس بالحزن عليها وقال ..احم..بس انتي مش ناقصك حاجه يا انسه حور..وموضوع نظرك ده امر ربنا

 

حور قالت …ان فعلا مش ناقصه حاجه يا باش مهندس بس الناس هيه الي ناقصها كتير..ولانك واحد من الناس دول مفيش داعي تضيع وقتك ووقتي وقولي بصراحه انت اتقدمتلي ليه طالما عارف اني عميه ومتخافش الكلام ده هيكون بنا .. هقول مفيش نصيب وتاخد باقي الجاتو وتمشي

 

وليد ابتسم على كلامها اللطيف وبقى يبص لملامحها الكامله الهاديه وعيونها الجميله سود جدا وبيلمعو رغم انها مش بتشوف اتنهد وقال..الحلو ميكملش يا انسه حور

 

حور ابتسمت وقالت..اممم..مش عايز تتكلم..براحتك..كل حاجه هتتعرف مع الايام انت الي مصر تضيع وقت

 

وليد لسه هيرد دخل راشد وقال..ها اتعرفتو

 

وليد قال..اه..اتعرفنا…وممكن نتفق ونقري الفاتحه في اي وقت تحددوه

 

راشد فرح جدا عكس حور الي كانت متأكده ان وراه حاجه

راشد قال تمام يا ابني ممكن نستناك انت واهلك الجمعه الجايه و

 

بس قطع كلامهم دخول شاهر وقال…معلش اتأخرت عليكم يا جماعه

 

راشد قال لوليد..ده شاهر الضبع ابن اخويا

 

هنا وليد اتحولت ملامحو لغضب رهيب حاول يسيطر عليه وسلم عليه بقوه وقال..اهلا وسهلا..يا شاهر باشا..مبروك..سمعت انك اتجوزت

 

شاهر استغرب طريقتو وسلامو الجاف بس قال بابتسامه..الله يبارك فيك يا باشمهندس..انا كمان سمعت اننا شغالين سوا ..ده هيكون مشروع هايل باذن الله

 

وليد قال بغضب بيداريه بالعافيه..فعلا..هيكون مشروع هايل جدا

 

راشد قال..طيب اقعد يا ابني انتو هتفضلو واقفين كتير

 

وليد قال..لا معلش..انا ورايا مشاوير كتير لاني امبارح رجعت من السفر..بس المره الجايه هجيب اهلي وهنتعرف ونتكلم..لاني حابه اتكلم معاكم اكتر وبص لشاهر وقال..وحابب نتعرف اكتر

 

شاهر كان حاسس بشئ غريب في كلامو بس مهتمش وطلعو كلهم سوا

 

في الصاله كانت منى بتقول لغزال..انا امنيه حياتي اشوفها بتتجوز زي البنات ..اصل انتي مش غريبه يا غزال حور لانها مش بتشوف اتقدمت لها عرسان كتير وكلهم طفشو فيه الي مشي بعد ما عرف ظروفها وفيه الي مشي لانو داخل علي طمع اصلا و

 

بس قطعت كلامها لما طلعو الشباب وراشد قال..فرصه سعيده ياباشمهندس كلهم راحو سلمو على العريس الا غزال الي اتجمدت مكانها وكانت هتقع من طولها لما شافتو

 

وليد بصلها بنظره عتاب وااستفهام وغضب نظره فيها كلام كتير وغزال سبقتها ابتسامه جميله وكانت حابه تسلم عليه وتحضنو بقالها كتير مشافتهوش حبيب قلبها وابن عمها وخطيبها الي كانت هتتجوزو نزلت دموعها وفضلت متجمده مكانها

 

الكل خد بالو لنظراتهم وشاهر اتحولت ملامحو لغضب رهيييب والجو فجأه اتوتر راشد حب يهدي الاجواء قال..تعالي ياغزال يا بنتي سلمي على الباشمهندش وليد

 

بس وليد فاجأ الكل وقال…معلش ياجماعه اصلها اتفاجأت ..اصل احنا قرايب غزال تبقى…بنت عمي

 

الكل اتفاجأ… الا حور اول ماسمعتو قربت وهمستلو وقالت..بنت عمك..امممم..اجيب باقي الجاتو

 

وليد ضحك بخفه وهمس لها وقال…يوم ما احب اقطع علاقتنا يا انسه حور هجبلك علبه جاتو تانيه مش هاخد الي جبتها متقلقيش

 

حور ابتسمت بسخريه وراشد قال..خير يا ولاد فيه حاجه..وليد قال ..لا ابدا يا راشد بيه حور بتسأل ازاي غزال بنت عمي ومقلتش

 

منزر قال..اه صحيح يا وليد ليه مجبتش سيره يعني

 

وليد بص على شاهر وقال…اصل اناكنت بره البلد والغريب ان محدش قلي على جواز غزال انا لما كنت هناك كنت ناوي اتقدم لبنت راشد باشا على السمع ورجعت امبارح ولما رجعت وعرفت ان غزال اتجوزت والصدفه انها اتجوزت برضو من عيلتكم مرضتش اجيب سيره علشان لو هترفضو مأحرجهاش يعني

 

راشد ابتسم وقال..والله دي صدفه جميله

 

اماشاهر فهم انو جاي وعامل الحوار ده كلو علشان غزال قال…هي صدفه تجنن الصراحه..واتقدم على غزال وشدها عليه قاصد يضايقو وقال..تعالي سلمي على ابن عمك يا غزال متتكسفيش

 

وليد فضل باصص لايده الي على وسطها بغضب وغزال مدت ايدها سلمت عليه بتردد ودموعها حبساها بالعافيه ووليد قال…مبروك يا بنت عمي …

 

غزال مقدرتش ترد وهزت راسها بس ووليد سلم على الكل وبص لشاهر وقال …هشوفك تاني يا شاهر بيه لسه فيه بنا مواضيع كتييير نتكلم فيها

 

شاهر ابتسم وبصلو بتحدي وبص لغزال وقال..اكيد..وهستناك

 

وليد مشي واول ما طلع غزال دفعت شاهر بقرف وطلعت جري على اوضتها

 

بقلمي..زهرة الربيع

والكل استغربو وهناء قالت..فيه ايه يا شاهر مراتك مالها يا ابني

 

شاهر قال بغضب وهو طالع وراها ..مفيش معدتها وجعاها من امبارح …وطلع وراها بعصبيه

 

منى قالت بهزار..معدتها وجعاها معقوله تكون حامل

 

سهام قالت بغضب…دول اتجوزو امبارح يا حماتي حرام عليكي بقى هو مفيش معاكي غير الموضوع ده..اووووف…وطلعت هيه كمان على اوضتها بعصبيه

 

منزر بص لامه بيأس وقال…يماما وبعدين بقى مش تاخدي بالك

منى قالت ..والله بهزر..روح وراها المجنونه دي

 

منزر طلع ورا سهام وهو بيقول..سهام ..يا بت استني

 

راشد قال ..سبكم من لعب العيال ده..خلينا في المهم لما نتفق مع العريس هنعمل خطوبه لحور خلينا نعمل فرح منزر في نفس اليوم ونخلص علسان نعزم كل الناس وبالمره يعرفو ان ساهر اتجوز ونبقى خلصنا من العك ده مش كل يوم هنعمل حفله

 

منى قالت بحزن .بس منزر مش عايز يعمل حفلات وكده عاشان مراتو وبعدين انا كمان كنت عايزه اجوزو سكيتي علشان سهام

 

راشد اتنهد وقال..بس البنت الي خطبها متجوزتش قبل كده وعايزه تعمل فرح كفايه اننا معملناش لهم خطوبه واحنا ماصدقنا انها توافق تعيش هنا في نفس البيت ..خلينا نخلص وبعدين سهام مقدور عليها

 

عند شاهر طلع ورا غزال وهو هيطق من الغضب وفتح الباب اتغاجأ بيها ماسكه س*كين وبتبصلها بعصبيه شديده

 

شاهر بصلها بسخريه وقال..ايه حابه تنت،حري وتريحيني

 

غزال بصتلو بغضب وقالت بطريقه تخوف ..اناحابه اريحك فعلا بس لما اشرب من د،مك يا حيوا،ن وهجمت عليه بالس*كين ووووو